2 senior citizens, binaril sa parking lot, patay

ni Ronalyn Seminiano Reonico | April 22, 2021

Patay ang dalawang senior citizens matapos barilin habang nasa loob ng kanilang kotse sa Makati City noong Miyerkules nang hapon.

Kinilala ng Southern Police District (SPD) ang mga biktimang sina Bonifacio De Vera Jr. at Remigia Talledo De Vera, kapwa 62-anyos.

Sa ulat ng awtoridad, bandang alas-1:35 nang hapon naganap ang insidente habang naka-park sa Jupiter Street, Barangay Bel-Air, Makati ang puting van na sinasakyan ng dalawa.

Nagtamo ng tama ng bala sa katawan si Bonifacio at si Remigia naman ay binaril sa mukha.

Sa imbestigasyon ng awtoridad, isang gray Mitsubishi Mirage ang nag-park sa harap ng sasakyan ng mga biktima. Isang babae umano ang bumaba mula sa Mitsubishi Mirage at kinausap ang mga biktima.

Saad pa sa police report, “Moments later, the said female suspect got off the car and talk to her male companion, who thereafter went back to the victims’ vehicle, and once inside, for an unknown reason, fired several shots toward the two victims.”

Matapos barilin ang dalawa, kaagad na umalis ang mga hindi pa nakikilalang suspek.

Dinala naman sa punerarya ang katawan ng mga biktima para makapagsagawa ng autopsy at patuloy ang imbestigasyon ng awtoridad sa insidente.

Makati Bar XX:XX, sarado na

ni Thea Janica Teh | September 1, 2020

Kasabay ng pagsisimula ng ber months ngayong September 1, inanunsiyo ng may-ari ng Makati Bar XX:XX ang permanente na nitong pagsasara.

Ang XX:XX bar ay matatagpuan sa Don Chino Roces Avenue sa Makati City.

Dahil halos limang buwan nang nararanasan ng buong bansa ang COVID-19 pandemic, kabilang na ito sa ilang bar at resto na lubos na naapektuhan at permanente nang magsasara.

Sa kanilang Instagram account, nag-post ang may-ri ng kanyang farewell statement.

Aniya, “We would like to thank the people behind the scenes – everyone in the back-office, our bartenders, servers, technicians, and security. To our brand partners, who supported our vision and helped us make it a reality. To all the promoters, DJs, dancers, musicians, performers, artists, photographers, videographers, and pop-ups that took part in our events.

"It was truly an experience working with you. Last but not least, we’d like to thank those who walked through our doors week in and week out. It has been a great ride filled with lovely memories of the smiles and good times on the dance floor with all of you. During these hard times for nightlife and culture, we hope that sooner rather than later things will return to normal, or perhaps even better. Goodbye for now.”