Valentine’s made easy: Tips para sa mas masayang Araw ng mga Puso

by John Jonathan Talastas (OJT) @News | February 11, 2026

Photo: File

Napapalapit na naman ang Araw ng mga Puso, kayo ba’y may ka-date na at naka-set na kung saan kayo pupunta, pati na rin ang mga gagawin ninyo? O baka mauwi na naman sa pag-aaway at hindi matuloy ang mga planong isang buwan nang nakatenga? 

Huwag mong hayaang masira ang isa sa pinakamahalagang buwan taun-taon, dahil lang sa hindi pagkakaintindihan. Oki?

Ka-BULGAR, ikaw ba ‘yung tipo ng tao na kahit sa simpleng pagbati lang sa’yo ng partner mo ay masaya ka na, o gusto mo engrande palagi ang paghahanda at gusto mo palaging sinu-surprise? Anuman sa mga ‘yan, narito ang ilang tips upang mapaghandaan nang maayos at matapos ng masaya ang Pebrero mo. Kaya halina’t basahin mo na ito! 

1. FIRST IMPRESSION LAST. Kahit gaano na kayo katagal, kahit sa simpleng pagngiti lang ay may posibilidad na magtatakda ng buong araw n’yo. Kaya ‘wag kang papatalo, besh, ngitian mo rin!

2. IMPORTANTE BA ANG VALENTINE’S? Besh, ang pagse-celebrate ng Valentine’s Day ay hindi required, kaya dapat mag-celebrate kayo dahil gusto ninyo at bukal sa inyong mga puso. 

3. PAG-USAPANG MABUTI ANG MGA PLANO. Mabuti nang klaro sa inyong dalawa ang mga gusto ninyong gawin sa Araw ng mga Puso, papaano na lang kung nag-e-expect ka pala na kakain kayo sa magandang restaurant, nakasuot ng maayos na damit at kakain ng steak, pero ang isa naman ay gusto lang mag-stay sa bahay at sulitin ang mga oras na magkasama kayong dalawa? Tiyak na merong makakaramdam ng pagkadismaya. Hindi ba?

4. ‘WAG MAG-EXPECT. Kung kayo man ay magde-date sa restaurant o kahit simpleng pag-date lang sa mall, i-push mo ang sarili mo na matapos ang buong gabi na walang ine-expect sa iyong partner dahil magdudulot ito ng walang katapusang pagtatalo at masasayang lang ang araw na pinaghandaan ninyo.

5. DETAIL IS A MUST! Huwag na huwag ninyong kakalimutan ang mga ayaw at gusto ng inyong mga kabiyak, gaya nga ng sabi ng iba, “Small things matter”.

6. MALIIT MAN O MALAKING REGALO, REGALO PA RIN. Subukan ninyong magbigay ng kahit maliit na gift o kahit anong surprise na makakatulong sa pag-set ng mood n’yo.

7. BE THANKFUL. Kung nagpakita ng effort maliit man o malaki, simpleng pagpapakita lang ng tuwa o saya sa iyong mukha ay makakatulong para maibalik ang effort na ginawa niya.

Matapos man nang maayos o hindi ang inyong Valentine’s, piliin n’yo pa ring intindihin ang isa’t isa. Hindi porke hindi sumunod sa plano n’yo ang lahat, hindi ka na niya agad mahal. 

Tandaan mo, ang Valentine’s Day ay ginaganap lang tuwing Pebrero, at hindi naman puwedeng dapat doon mo lang siya mahal o magpapakita ng pagmamahal, piliin mo pa rin sanang mahalin ang partner mo araw-araw. Gets?

521 wika, isang mensahe: Ama, bida sa Guinness!

by Info @Gulat Ka 'No?! | February 6, 2026

Kaya n’yo rin kayang ipagsigawan sa buong mundo kung gaano kahalaga inyo ang isang tao?

Sa araw-araw na kasama ninyo ang inyong mahal sa buhay, mga Ka-BULGAR, kailan ang huling beses n’yo silang sinabihan na mahalaga sila sa inyo at mahal n’yo sila?

Sapat na kaya ang araw-araw na pagsasabi ng “Mahal kita”? Kaya n’yo rin kaya ang ginawa ng isang tatay, na lumikha ng kanta upang masabi sa kanyang anak ang salitang “I love you” sa iba’t ibang wika?

Merong humigit-kumulang 521 na magkakaibang wika ang napagsalinan nitong kanta. Ang numerong 521 ay hindi lamang nagkataon, kundi ito ay hango sa kaarawan ng kanyang anak na ipinanganak noong Mayo 21.

Si Philip ay may kakayahang magsalita at makaintindi ng Danish, English, at Arabic, at merong kaunting kaalaman sa Hebrew, French, at Chinese. Sa tulong ng kanyang sariling kagamitan, nagawa niyang mai-translate ang kanyang ginawang kanta sa lahat ng wikang ito.

Si Philip Halloun, na kasalukuyang nasa Denmark, ay isang musician na nakapagsulat ng kanta at bumuwag sa Guinness World Record bilang may pinakamaraming pagsasalin ng isang kanta sa iba’t ibang wika sa buong mundo.

Nalampasan niya ang dating world record na may 398 na pagsasalin sa iba’t ibang wika ng isang kanta, na hawak ni Sunnet Haran mula India.

Sa loob ng 20 taon sa propesyon ng paglikha ng mga kanta sa iba’t ibang wika, marami na ang na-inspire ni Philip—hindi lamang ang kanyang pamilya kundi pati na rin ang buong mundo.

Bagama’t sanay na siya sa paggawa ng kanta, hindi naging hadlang ang iba pang gawain at ang sabay-sabay na pag-aalaga sa kanyang mga anak para makagawa ng isang hindi malilimutang regalo sa kanyang anak.

Isa sa pinakamahirap para sa kanya sa paggawa ng kantang ito ay ang tamang pagpo-pronounce ng bawat salita. Ito rin ang paraan upang maipakita ang respeto sa bawat wika na kanyang sinasambit.

Bukod sa kanyang anak na si William, ginawa ni Philip ang kantang ‘I love you’ upang marinig at matanggap ito ng mga taong talagang nangangailangan ng salitang “I love you.”

Nakakatuwang malaman na sa panahon ngayon na karamihan sa balita ay puro krimen, korupsyon, kahirapan, at isyung pangkalusugan, may mga tao pa rin na pinapalaganap ang pagmamahal at malasakit sa kapwa.

Isa si Philip sa nagpapatunay na ang pagmamahal ay hindi nasusukat sa dami o halaga ng iyong ibinibigay. Kahit sa pinakamaliit na bagay, o kahit isang salitang “I love you,” makakapagbigay ka ng hindi matatawarang halaga sa iba.

Hindi raw P19M… BAGONG BILING TESLA CYBERTRUCK NI ANNE, P6.7 M LANG

ni Beth Gelena @Bulgary | February 2, 2026

Photo: IG @annecurtissmith

Bina-bash si Anne Curtis sa pagkakabili niya ng bagong sasakyan na Tesla Cybertruck na nagkakahalaga umano ng P19 milyon. 

Maging ang kanyang kasuotan na denim Adidas jacket ay pinuna rin ng mga bashers.

Sey ng mga netizens… “Go lang, Anne Curtis, deserved mo magkaroon ng ganyan, kasi ang bait mong tao.”

“Go, Anne, afford mo naman ‘yan at bagay talaga sa awrahan mo. You look so pretty always, my lods (idol).”

“Mapapa-sana all ka na lang talaga, idol Anne. Sana po, i-share n’yo naman po sa amin ang yaman n’yo kahit konti. Hehehe! God bless po.”

May computation pang ibinigay ang isang basher, “Explain to me, how can a $175,000 cost P19 million sa ‘Pinas?”

“Tesla Cybertruck 2026 is only ranging from $79K (P4.6 M to $114,990 (P6.7 M) depending on trims. That’s not 19M pesos. If she bought it that much, she was cheated. Unless she bought 2!”

Hay, naku, mga netizens nga naman, sobrang mapanuri kapag ang isang artista ay nakabili ng mamahaling bagay. 

Hindi naman ipinangangalandakan ni Anne Curtis ang kanyang pinaghirapang ani, tanging mga Marites lang ang pumupuna sa nabili niyang sasakyan.

---

Una, si Ian…

THE KINGDOM, DEDMA RIN SA FAMAS

Tila nagiging kontrobersiyal ang Filipino Academy of Movie Arts and Sciences (FAMAS) ngayong taon kahit tapos na ang kanilang 73rd FAMAS Awards noong Agosto 2025. 

Nauna ang hindi pagtanggap ni Ian Veneracion para sa special award na Child Stars Icon, at ngayon naman ay ang tungkol sa hindi pagbibigay ng kopya ng pelikulang The Kingdom (TK).

Ayon kay Atty. Vince Tañada, artistic director ng FAMAS, simpleng dahilan lamang ang rason: hindi nag-submit ng entry ang production team ng pelikula.

“Sa FAMAS, kailangang mag-entry. ‘Yun ang mga pipiliin namin… May isa lang talaga, ayaw mag-entry. Kahit anong pilit namin, ‘Sige na! Kasi puwede talaga kayong manalo,’” paliwanag ni Atty. Vince sa mediacon ng inaugural ng FAMAS Broadcast Arts Awards.

Dagdag pa niya, ilang beses silang nag-e-mail at nakipag-communicate sa team ng TK, ngunit walang naging tugon mula rito. 

Naniniwala ang FAMAS na karapat-dapat sana ang pelikula sa mga nominasyon dahil sa kalidad ng production design at cinematography, pati na rin ng performance nina Vic Sotto, Piolo Pascual, Cristine Reyes, Sue Ramirez, Sid Lucero, Nico Antonio, Zion Cruz, Ruby Ruiz, Iza Calzado, at Cedrick Juan.

“‘Yung The Kingdom last year… ayaw nilang mag-entry. Naka-ilang e-mail kami, ayaw nilang mag-entry. Eh, ayaw, eh!” dagdag pa ni Atty. Vince.

Hmmm… Mukhang hindi maganda para sa kredibilidad ng FAMAS ang nangyayari ngayon. Tama ba na nawawalan na yata ng tiwala at respeto sa kanila ang ilang celebrities natin?

Bukas ang BULGAR sa magiging pahayag ng kabilang panig.

---

NAG-OATH-TAKING na ang mga bagong halal na 2026 Philippine Movie Press Club (PMPC) officers kung saan si Hon. Marcos Mamay ang nagsilbing inducting officer. 

Nanumpa sila ng kani-kanilang mga katungkulan sa harap ni Hon. Mamay nitong Enero 30, 2026.

Si Mamay ay vice-mayor ng Nunungan, Lanao del Norte, at isang movie producer. 

Pinangungunahan ang 2026 PMPC officers at board members ng newly-elected president na si Fernan de Guzman, na nagbabalik sa kanyang pang-apat na beses na pamumuno sa grupo.

Ang iba pang bagong opisyal ng PMPC na nanumpa ay sina Rodel Fernando (vice-president); Eric Borromeo (secretary); Mildred Bacud (assistant secretary); Boy Romero (treasurer), Jimi Escala (assistant treasurer), Joey Austria (auditor); Evelyn Diao (PRO - English); at Glen Sibonga (PRO - Filipino).

Board of Directors sina John Fontanilla, Leony Garcia, Melba Llanera, Mell Navarro, Rommel Placente, at Francis Simeon.

Ayon kay Mamay, “Malaking karangalan po na maimbita po tayo para mag-administer ng oath sa new officers ng PMPC. Maraming salamat sa PMPC at sa bagong president na si Fernan de Guzman. Sana, tuluy-tuloy na ito. Sana ay maganda ang pamamalakad para sa kabutihan ng buong PMPC, ng ating media friends and press, at sana, magtagumpay lahat ng mga adhikain natin.”

Inihayag din ni Mamay ang hangarin niyang masuportahan at matulungan ang PMPC lalo na sa pagsasagawa at pag-oorganisa nito ng taunang Star Awards for Movies, Music, at Television. Napili ng PMPC si Mamay na maging inducting officer dahil sa magandang imahe at kredibilidad niya bilang public servant, pati na rin ang naibibigay

niyang ambag sa showbiz industry bilang movie producer.

Si Marcos Mamay ay na-elect na vice-president for Operations ng Vice Mayors League of the Philippines (VMLP) noong 29th National Convention. Nagsisilbi rin siyang national vice-president of the League of Municipalities of the Philippines (LMP).