Persona non-grata vs Chinese Embassy… De Lima sa pagtutol ni PBBM: Hindi tayo pwedeng lalamya-lamya

by Info @News | February 1, 2026

Photo: Leila De Lima at P-Bongbong Marcos - FB

Binigyang-diin ni Mamamayang Liberal (ML) Partylist Rep. Leila de Lima na hindi puwedeng lalamya-lamya ang Pilipinas sa pagtatanggol at pagdedepensa ng teritoryo matapos ang pagtutol ni Pangulong Ferdinand Marcos, Jr. sa mungkahi na ideklarang ‘persona non-grata’ ang Embahada ng China.

Kasunod ito ng mga maiinit na patutsada nito sa mga opisyal ng bansa na bumabatikos sa patuloy na panggigipit nila sa West Philippine Sea (WPS).

Aniya, “No, tapos ano na, Mr. President?”.

“Lantaran na ngang nagkakalat ng kasinungalingan tungkol sa ating bansa, itinataboy at binabastos pa tayo sa sarili nating bakuran, “NO!” lang ba ang isasagot sa ating mga panawagan?” saad ni De Lima.

Dagdag pa niya, “Sa usapin ng pagtatanggol sa ating mga kababayan, sa pagdepensa sa ating teritoryo, soberanya at pambansang dangal, at sa pagsusulong ng mga nilagdaan nating international agreements tulad ng Vienna Convention on Diplomatic Relations, hindi tayo pwedeng lalamya-lamya.”

PBBM, parang substandard na paputok, nagpasabog pero supot — De Lima

by Info @News | January 4, 2025

Photo File: PBBM at Leila de Lima - FB

‘NAGPASABOG PERO SUPOT’

Inihalintulad ni Mamamayang Liberal (ML) Partylist Rep. Leila de Lima si Pangulong Ferdinand Marcos, Jr. sa isang substandard na paputok dahil sa mga pangako umano nito na hindi pa rin natutupad.

“The public demands that the big fish… do not go unpunished — a promise of this administration that has yet to be fulfilled,” ayon kay De Lima.

Dagdag pa niya, “Pag ganyan nang ganyan ang Pangulo para siyang substandard na paputok. Nagpasabog pero supot.”

ICI, kulang ang kapangyarihan — De Lima

by Info @ News | December 1, 2025

Photo File: FB / Leila De Lima

Naglabas ng pahayag si Mamamayang Liberal Rep. Leila de Lima hinggil sa imbestigasyon ng Independent Commission for Infrastructure (ICI) sa flood control anomalies.

“Nakikita naman natin ang pag-usad ng ICI. Pero huwag tayong maglokohan: Kulang ang kapangyarihan nila. Kulang ang pondo nila. Limitado ang sakop nila. Hindi pwedeng sabihin na tunay na independent sila,” aniya.

Kinuwestiyon din ni De Lima ang mabagal na pagsasabatas ng Independent Commission Against Infrastructure Corruption (ICAIC) na magpapaigting sa kapangyarihan ng ICI.

“Walang dahilan para patagalin pa ang mga batas na yan, pwera na lang kung kayo mismo ang may ayaw at natatakot na maisabatas ang mga yan!” ani De Lima.