Ngayong Labor Day — DOLE.. Taas sahod, wala, P1.8B ayuda, meron

ni Madel Moratillo | April 29, 2023

Maglalaan ng 1.8 bilyong piso ang gobyerno para sa mga kwalipikadong benepisyaryong manggagawa.

Ayon kay Labor Undersecretary Benjo Benavidez, ang halagang ito ay para sa assisstance ng pamahalaan sa mga kwalipikadong benepisyaryo ng financial aid, kasama na ang emergency employment at livelihood assisstance.

Sa gitna na rin ito ng pagdiriwang ng Araw ng Paggawa sa Mayo 1.

Ayon sa opisyal, para sa Labor Day, mamamahagi ang Department of Labor and Employment (DOLE) ng P100 milyon na sahod para sa mga benepisyaryo ng Tulong

Panghanapbuhay sa Ating Disadvantage/Displaced Workers o TUPAD sa Metro Manila.

May 50 milyong piso naman para sa nasa iba pang bahagi ng bansa.

Layon aniya nitong matugunan ang pangangailangan ng mga marginalized sector lalo na ang mga walang maayos na trabaho.

Patungkol naman sa isyu ng dagdag-sahod, tiniyak ni Benabidez na patuloy ang pag-aaral ng Regional Tripartite Wages and Productivity Board sa mga petisyon na humihiling ng wage hike.

Nabatid na may 8 petition ang naka-pending sa iba't ibang mga rehiyon gaya sa Metro Manila, Calabarzon, Western Visayas at Central Visayas.

74K trabaho, alok sa Labor Day — DOLE

ni BRT | April 27, 2023

Halos 74,000 trabaho na ang maaaring apply-an sa job fair ng Department of Labor and Employment (DOLE) sa darating na Labor Day.

Nasa 73,779 ang job vacancies sa taunang labor day job fair, at maaari pang dagdagan habang papalapit ang Labor Day sa Mayo 1.

Karamihan sa mga trabaho ay galing sa business process outsourcing, manufacturing, financial and insurance activities, manpower services at sales and marketing

Kaugnay nito, may 40 venue ang job fair sa buong bansa pero sa SMX Convention Center sa Pasay ang main venue na bukas na simula Abril 30.

Paalala sa mga aplikante, magdala ng sapat na kopya ng resume, diploma, transcript of records at certificate of employment.

Para sa Araw ng Paggawa... P-Du30, tapat pa rin sa karapatan ng mga manggagawang Pinoy

ni Lolet Abania | May 1, 2022

Ipinahayag ni Pangulong Rodrigo Duterte ngayong Linggo, ang kanyang huling mensahe para sa Araw ng Paggawa o Labor Day bago siya bumaba sa posisyon sa Hunyo 30, kung saan kinilala niya ang naging tagumpay mula sa mga hamon sa buhay at mga susuungin pa ng mga Pilipinong manggagawa.

“On this day, we are given the chance to celebrate all the triumphs and progress that the labor movement has accomplished over the years. We are likewise reminded to overcome the challenges by recognizing the rights of our workers and reassessing the systems that may hinder their growth and development,” saad ni Pangulong Duterte.

“This administration, even if it is coming nearly to a close, shall remain committed to providing the people with the opportunities they need to realize their full potential. It is my hope that this day recharges everyone as you continue to work for yourselves, your families and our nation,” dagdag ng Punong Ehekutibo.

Samantala, kinilala rin ni House Speaker Lord Allan Velasco ang mga laborers na nagtatrabaho nang mabuti para pantustos sa kanyang sarili at maibigay ang mga pangangailangan ng kanilang mga pamilya sa gitna ng COVID-19 pandemic.

“We extend a special recognition of the low-wage earner who gets by, as well as our medical frontliners and other essential workers who we now realize impact our lives significantly during this pandemic,” sabi ni Velasco.

“This occasion also reminds each one of us the importance of working hard in life, and that without hard work, nothing can be achieved,” ani pa Velasco.