ni Reggee Bonoan @Sheet Matters | August 2, 2026
Photo: Circulated
Nakunang tumatawid sa mga monoblock chairs si Kathryn Bernardo kahapon dahil baha sa location ng taping ng Someone, Someday (SS) series nila nina James Reid at Maja Salvador.
“Go guys, thank you po. Live na live po dito sa Cainta, Rizal. Thank you, Kuya,” maririnig sa video na nai-share sa social media ng @dKapamilyaTV.
Mula sa tent kung saan ang standby area ng aktres ay nilagyan ng mga monoblock chairs bilang tulay niya patungo sa kanyang van, at mukhang ine-enjoy ni Kath ang moment na iyon dahil ang ganda ng ngiti niya.
Inabutan si Kath ng malakas na ulan sa nasabing lugar na nagdulot ng pagbaha na abot hanggang kalahating binti, base sa napanood naming video.
May nabasa kaming ang arte raw ni Kathryn dahil bukod sa paglalagay ng mga monoblock chairs ay pinapayungan pa ang aktres gayung huminto na ang ulan.
May mga nagtanggol naman sa aktres, “‘Di kaartehan ‘yan. Nag-iingat lang, baka magkaroon ng sakit na leptospirosis at nakakamatay ito.”
May isa pang komentong “Kung si Queen Kaila (Estrada) namin ‘yan, lulusong ‘yan sa baha at ‘di kailangan ng upuan at payong, kaya nagustuhan ng aming King DJ (Daniel Padilla).”
Susme, hindi pa rin nakaka-move on ang mga bashers sa pagkukumpara kina Kathryn at Kaila?
Hello, ilang taon na ang nakalipas at parehong masaya na sa kani-kanilang partner sina DJ at Kath.
Anyway, may paglilinaw ang taong ayaw ipabanggit ang pangalan na hindi raw totoong hiwalay na sina Kath at Lucena City Mayor Mark Alcala, taliwas sa mga naglabasang blind items sa social media.
Sey ng isang source, “Sinundo ni Mayor Mark si Kath sa taping kailan lang. Paanong naghiwalay?”
Hirit namin, “Kailan sinundo?” Kasi kahit nu'ng isang araw lang sinundo, baka that day din ay nagkaroon sila ng gusot?
Anuman ang totoo, lalabas din isa sa mga araw na ito.
Nahuli ng NBI dahil sa human trafficking…
SIKAT NA AKTRES, ‘DI RAW ESCORT GIRL PERO TODO-KABADO NA MADAMAY KAY LITO DE GUZMAN
HOW true na dahil sa pagkakakulong ngayon sa NBI detention facility ng talent manager na si Lito de Guzman ay may ilang contract stars niyang gusto nang kumalas dahil nangangamba sila kung hanggang kailan mananatili sa kulungan ang kanilang manager?
Human trafficking ang ikinaso kay Lito at walang bail ito, kaya habang dinidinig ang kanyang kaso ay mananatili siyang nasa detention facility.
Sa pagkakaalam namin ay maraming talents si Lito na mostly ay lumalabas sa Vivamax movies, kaya siguro nangangamba silang hindi na sila maaasikaso.
Hindi ba’t co-managed naman ni Lito ang mga ito sa Viva? Hindi naman siguro sila pababayaan ni Boss Vic del Rosario.
Isa pang nakarating na balita sa amin ay “‘Yung isang kilalang aktres na minsan nakunan n’ya (Lito) ng booking, naloloka ngayon. Sana raw, ‘di lumabas ang pangalan n’ya.”
Natawa kami to the max sa reaksiyon ng kilalang aktres. ‘Di ba, sabi n’ya, hindi siya pumapatol o katulad ng ibang escort girls? Bakit may ganito siyang emote ngayon?
