Mga taga-Maynila, worried sa milyun-milyong utang na maiiwan ‘pag bumaba sa puwesto si Yorme Isko

ni Ka Ambo - @Bistado | March 8, 2022

MARAMI ang nababahala kung paano babayaran ang milyun-milyong utang ng City of Manila kapag wala na sa city hall si Mayor Isko.

Ninenerbiyos kasi ang mga Manilenyo na maaaring palobohin ang buwis para lang makabayad sa naturang utang.

◘◘◘

NAHIMASMASAN naman ang mga taga-Maynila sa malinaw na sagot ni Mayoralty candidate Alex Lopez.

Kung sakaling maupong mayor, ibabasura o ive-veto niya ang anumang panukalang batas na magtatakda ng dagdag-buwis sa Maynila.

◘◘◘

SUPORTADO naman ng kumakandidatong bise-alkalde na si Raymond Bagatsing at kagrupong konsehal ang posisyon at platapormang ito ni Lopez.

Kailangan ang panukalang batas sa dagdag-buwis at ito ay dapat mapagtibay ng konseho ng Maynila na binubuo ng bise-alkalde at mga konsehal.

◘◘◘

NILINAW din ni Lopez na tatanggalin niya ang red tape at korupsiyon sa pagkuha ng building permit.

Imbes na ipagbawal ang high rise building, sisingilin na lamang ng kaukulang halaga ang mga nagkukusang magtayo ng matataas na gusali sa kapitolyo ng Pilipinas.

◘◘◘

AYON sa Zero-Waste Coalition, hihigit sa 40 porsiyento ang madadagdag na bolyum ng basura dahil sa mga tarpaulin at iba pang propaganda materials sa kampanya.

Ikinatuwa nila ang eco-friendly campaign na ginagawa ni ex-speaker Alan Peter Cayetano dahil hindi siya gagamit ng anumang propaganda materials.

◘◘◘

NAGDESISYON din si Cayetano na hindi magsasagawa ng anumang motorcade upang makabawas sa polyusyon at matinding trapik.

Pinuri ni Jove Benosa ng Zero-Waste Coalition ang pagkalinga ni Cayetano sa kalikasan.

◘◘◘

HINIKAYAT ng Ecowaste Coalition ang ibang kandidato na tularan ang ginawa ni Cayetano at maghayag ng plataporma para sa kapaligiran.

Hindi ba puwedeng ipagbawal ng Comelec ang paggamit ng materyales na hindi nabubulok sa propaganda, tulad ng plastik o tarpaulin?

◘◘◘

PINALILIKAS na mula sa Russia ang mga dayuhan palabas ng naturang bansa.

Indikasyon ito na maaaring magkagulo rin mismo sa loob ng Moscow.

◘◘◘

UNTI-UNTING nauunawaan ng ordinaryong tao ang tunay na ipinaglalaban ni Vladimir Putin.

Taliwas sa ikinakalat ng international press, special operation lamang ang ginawang pagsalakay ng Russian Forces sa Ukraine.

◘◘◘

NAPAGTANTO naman ng Ukraine na binobola lang sila ng US at NATO na umiiwas na sagupain ang Russian troops.

Kumbaga, napeke sila.

Larga na ang face-to-face classes next year? abangan!

ni Ka Ambo - @Bistado | March 5, 2022

HINDI na maiiwasan ang face-to-face classes next school year.

Lahat ay patungo na sa ‘new normal’!

◘◘◘

MAS mainam ay higit pa sa normal ang ipatupad upang makaresbak

Mula sa naranasang pandemic.

Ibig sabihin, dapat may inobasyon ang pagbabago!

◘◘◘

NAPAPANAHON ang plano ni Atty. Alex Lopez at kanyang maybahay na si Sarah Laurel-Lopez na isamoderno ang academic environment sa Maynila.

Nais ng mag-asawa na kopyahin ang bagong tayong Sotero H. Laurel Academic Resource Center na itinampok sa 70th Founding Anniversary ng Lyceum of the Philippines University.

◘◘◘

ISINABAY ang okasyon sa kaarawan ng dating pangulo ng Pilipinas na si Jose P. Laurel noong Marso 1.

Kung sakaling magwaging mayor, katambal si Raymond Bagatsing, isasamoderno nila ang mga eskuwelahan sa Maynila na may kumpleto at de-kalidad na library, libreng wifi at may skygarden.

◘◘◘

KAPANSIN-PANSIN ang maayos na pagtanggap ng mga Manilenyo sa lahat ng presidentiables gayung kandidato rin si Yorme Isko.

Kumbaga, walang masamang tinapay sa Maynila!

◘◘◘

INAASAHANG dadalaw ngayon sa Maynila ang binansagang “Agila ng Davao” na si Mayor Sara na kumakandidatong vice-president.

Makikita natin ang magiging pagtanggap ng Manilenyo kay Pangulong Duterte na itsinitsismis na idinidikit din kay Mayor Isko.

◘◘◘

PERO ang pagdalaw ni Inday Sara ay pangangasiwaan ng tandem nina Lopez at Bagatsing na kumakandidatong alkalde at bise alkalde.

Bitbit nina Lopez at Bagatsing si ex-Sen. Bongbong Marcos bilang pangulo.

◘◘◘

ISASAGAWA ang programa sa Manila Golden Mosque, alas-8:00 ng umaga.

Inaasahan ni Lopez na magsusuot sila ng kulay berde upang ipakita ang kanilang suporta sa susunod na bise-presidente.

◘◘◘

HILING ni Lopez na panatilihin ang pagsusuot ng facemask at paggamit ng alcohol bilang pag-iingat laban sa COVID-19.

Ano kaya ang masasabi ni Doc Willie sa pagdating ng kanyang karibal na suportado rin ni Yorme?

He-he-he!

◘◘◘

TALIWAS sa ipinangako ng US at NATO, walang direktang saklolo na tinatanggap ang Ukraine sa unang linggo ng digmaan.

Imbes na saklolohan, inalok ng US ang pangulo ng Ukraine na itakas palabas ng bansa tulad ng ginawa kay dating pangulong Marcos.

◘◘◘

SUPORTADO ng US ang mga unang taon ni Marcos sa Palasyo pero nang mahalata ng mga ito na masyadong patriotiko at popular si Marcos, bumaliktad ito.

Imbes na tulungan si Marcos, sinaksakan ito ng pampatulog at tinangay patungo sa Hawaii.

◘◘◘

NAKIKITA natin na binobola lang ng US at NATO ang Ukraine, kung saan inamin nilang umiiwas sila nang direktahang sagupa sa puwersa ng Russia.

Malinaw na malinaw ito.

Hindi rin tutulungan ng US ang Pilipinas kapag nagkaroon ng komprontasyon ang AFP at China sa Spratly Islands taliwas sa ulat ng international press.

Yorme, masama ang loob na hindi pinayagang mag-motorcade sa Caloocan?!

ni Ka Ambo - @Bistado | March 4, 2022

HINDI magkamayaw ang mga kandidato sa kaliwa’t kanang motorcade.

Kani-kanyang gimik at mga pautot!

◘◘◘

PERO pumapalag ang kampo ni Mayor Isko nang biglang ikansela ni Caloocan Mayor Oscar “Oca” Malapitan ang permit sa kanilang motorcade.

Daig pa ang tinamaan suntok na below-the-belt!

◘◘◘

MAAGA nang naisaayos ng kampo ni Moreno ang nasabing permit sa city hall ng Caloocan, sa pangunguna ni Lito Banayo, ilang araw bago pa ang nasabing motorcade.

Ayon sa impormante, kung kailan malapit at kinabukasan na ang motorcade, biglaan na lamang binawi ni Malapitan ang permit.

◘◘◘

IKINATWIRAN na bubugso raw ang trapik sa buong Caloocan dahil sumailalim na ang Metro Manila sa COVID-19 Alert Level 1.

Kinabigla ito nila Moreno dahil maayos nilang inilapit ang permit.

◘◘◘

KALMADO naman ang reaksiyon ni Moreno.

“Bibigyan ko ng laya ang taumbayan na makapili ng taong iboboto. Kaya para sa lahat ng mga kandidato, sa Maynila welcome kayo!” .

Nagkakainitan na talaga sa ground.

◘◘◘

SA totoo lang, pinayagan ni Malapitan magkaroon ng caravan sina BBM at Sara noong ikalawang linggo ng Pebrero, kung saan nasa ilalim pa ng COVID Alert Level 2 ang Metro Manila.

Matindi rin ang trapiko sa Caloocan noong panahon na iyon, ngunit hindi ito ininda ni Malapitan.

◘◘◘

DISKARIL man sa Caloocan, welcome na welcome naman sila Moreno sa Malabon.

Patas na patas ang trato ng mayor ng Malabon sa mga kandidato na dumadalaw sa kanilang siyudad taliwas sa Caloocan.

◘◘◘

HIGIT nang isang linggo ang giyera ng Russia sa Ukraine.

Palala nang palala ang sitwasyon.

◘◘◘

MAY ilang nagdedepensa kay Vladimir Putin at umaatake sa pambubuyo ng U.S.

Pero, marami ang pumapabor sa posisyon ng US at Europe.

Kumbaga sa social media sa ‘Pinas, kani-kanyang “trolls” lang ‘yan!

◘◘◘

WALANG duda, diretso ang krisis sa ekonomiya.

Imbes na makaraos matapos ang COVID-19, sa tingin natin ay lalong lalala ang sitwasyon.

◘◘◘

SA dalawang taong pamemeste ng COVID-19, hindi kinapos ng supply ang petrolyo — at nakaranas pa ng ibayong pagbaba ng presyo.

Pero, ngayon ay tapos na ang COVID-19 — sobrang taas ang presyo ng petrolyo!

◘◘◘

MAS grabe ang magiging sitwasyon sa mga susunod na buwan.

Ito na ang aktwal na krisis sa ekonomiya.

Kakapusin ng supply at sobrang taas na presyo ng mga bilihin!

◘◘◘

TAMA ang panawagan ng Ang Probinsiyano Partylist na paghandaan na ang face-to-face classes.

Ayon kay Representante Edward Delos Santos, pero dapat matiyak din ang kaligtasan ng mga estudyante at titser dahil nariyan pa rin ang banta ng COVID-19!

◘◘◘

PINAGKALOOBAN ng naturang partylist ang may 500 College students ng educational assistance sa Bocaue, Bulacan.

Nakiisa si Bulacan Vice-Governor Willy Alvarado at Bocaue Mayor JJS Santiago sa ginanap na programa.

◘◘◘

NAKIBALIKAT din ang third nominee na si Michael Chua na si Rondelle de Leon.

Kabilang sa benepisaryo ang mga college students na sina Eugene Munda at Nina Ortega ng Bocaue, Bulacan.

Malaking bagay umano ang tulong sa gitna ng nararanasang nilang krisis sa kabuhayan.