Pautot ni Isko, nakasira kay Leni, nakatulong kay BBM

ni Ka Ambo - @Bistado | April 21, 2022

HINILING ni Mayor Isko kay VP Leni na mag-withdraw.

Sinabi ito ni Moreno habang kasama ang isa pang presidential candidate na si Ping Lacson.

◘◘◘

AYON sa kanyang mga handler, tama ang ginawa ni Moreno dahil kailangan nitong manatiling pinag-uusapan sa social media.

Umani ng atensyon si Isko.

Sapat na iyon.

◘◘◘

MAY mga nagsasabi na nakasira kay VP Leni ang pautot ni Yorme samantalang nakatulong ito sa frontrunner na si BBM.

Iisa ang indikasyon, nagkakagulo ang mga kalaban ni Marcos.

Malinaw na malinaw 'yan.

◘◘◘

SA totoo lang, si VP Leni ay simpleng dekorasyon lang dahil mayroon siyang secret group na nagpapatakbo ng maniobra.

Iyan ang dapat iniisip ni Yorme.

Hindi nagmumula sa kumpas ni VP Leni ang maniobra.

◘◘◘

TALIWAS kina VP Leni at BBM, hands-on naman sina Yorme, Lacson at Pacquiao na tila ang mismong kandidato ang mismong “konduktor” sa orchestra ng kampanya.

Maselang sitwasyon na dapat pag-aralan ng bawat kampo.

◘◘◘

SA mga lokal na kandidato, ang mga nangunguna sa bakbakan ay mayroon kanya-kanyang inner group.

Imbes ang kandidato ang magdikta sa inner group,dapat ay pakinggan ng mismong kandidato ang sinasabi, plano at desisyon ng kanyang itinalagang inner group.

Ipaubaya sa tactician ang “taktika at estratehiya”.

◘◘◘

MASELAN ang kampanyahan ngayon, dahil bukod sa hindi makontrol ang social media, halos lahat ng kampo ay nagsasagawa ng iba’t ibang porma ng “vote buying”.

Ang vote buying, ay mistulang “gabi ng lagim” dahil may iba’t ibang balatkayo ang “anak ng kadiliman”.

◘◘◘

AMINADO ang siyensiya na mahirap patunayan kung mayroon mang “aswang” o wala.

Ganyan mismo ang pahayag ng Comelec, imposibleng masugpo o masawata ang vote buying, dahil mahirap makakuha ng matibay na ebidensiya na magpapatunay na lumalabag sa election code.

◘◘◘

ANG mga incumbent ay guilty sa iba’t ibang porma ng vote buying gamit ang mismong pondo ng gobyerno.

Kahit ang office of the vice president ay humingi pa ng pahintulot sa Comelec upang makapagbigay ng ayuda.

◘◘◘

NAKAKAIMPLUWENSIYA sa mga botante ang pagbibigay ng anuman sa mga botante — 'yan ang esensiya ng probisyon sa vote buying.

Kahit ang Comelec ay lumalabag dito.

Walang sinasabi sa batas na kapag may krisis ay exempted sa paglabag sa election code.

◘◘◘

MILYONG piso ang inilalabas ng mga LGUs upang impluwensiyahan ang mga botante sa iba’t ibang porma.

Kabilang dito ang social subsidy, TUPAD, at ayuda.

Lantarang isinasagawa ‘yan nang may bendisyon ang Comelec.

Pamilya at magkakatropa, galit-galit dahil sa pulitika

ni Ka Ambo - @Bistado | April 19, 2022

MAY taas-presyo na naman sa petrolyo

Sanay na ang taumbayan, sanay nang magtiis.

◘◘◘

NAGKALAT ang Comelec checkpoint pero motor lang ang hinaharang.

Lahat damay sa riding-in-tandem criminals!

◘◘◘

GRABE ang init ng panahon.

Pero mas grabe ang init sa social media kahit wala namang paki ang mga ‘manok’ nila,

◘◘◘

NON-STOP ang parinigan online.

Marami nang pamilya at magkakatropa ang nagkasiraan.

◘◘◘

BALIK-FACE-TO-FACE classes na.

Balik-baon na rin, aruy!

◘◘◘

NAKALAYA na ang mga tao na makalabas ng bahay.

Wala nang face mask na suot ang mga tao sa mga lalawigan sa nakaraang Kwaresma.

Balik-normal na po.

◘◘◘

PINUPUTAKTI ng mga kritiko ang mag-asawang Jeannie at Ricky Sandoval ng Malabon.

Binubungkal ang isyu sa pork barrel scheme ni Janet Napoles.

◘◘◘

MAY 11 taong naupong kongresista sa dating Malabon-Navotas lone district ang mga Sandoval.

Aabot diumano sa halos P300 milyon ang nagamit ng mga Sandoval at P108 milyon dito ay galing sa sinasabing pork barrel.

◘◘◘

SA pork barrel, ang mambabatas ang pipili ng proyekto na kanilang popondohan; ang ahensiya ng gobyerno naman ang mag-iimplementa ng proyekto; at magiging katuwang nito ang mga non-government organization (NGO) o foundation na ang mambabatas mismo ang mag-eendorso.

Iyan mismo ang cycle ng paggamit ng pork barrel.

◘◘◘

ANG malaking isyu ngayon ay kung may tiwala pa ba ang taumbayan sa mga pulitikong sabit sa pork barrel scheme?

Pagkatiwalaan pa kaya sila ng mga taga-Malabon?

Dating purdoy lalong maghihirap, mga buwitreng negosyante lalong yayaman

ni Ka Ambo - @Bistado | April 12, 2022

USAPANG palengke pa rin sa Maynila.

Imbes na si Meyor Isko, idinepensa na ni Vice Mayor Honey Lacuna ang pagbebenta sa pribadong korporasyon ng Divisoria Market.

◘◘◘

SA isang panayam ng isang pahayagan, inamin ni Lacuna na ibinenta ng City of Manila ang lupa na kinatitirikan ng Divisoria Mall dahil hindi daw kumikita sa operasyon nito ang gobyernong lokal.

Ikinatwiran ni Lacuna na ang pangangasiwa ng Divisoria Mall ay wala sa city government bagkus ay hawak ng pribadong grupo na may-ari ng gusali.

◘◘◘

PERO, pumalag ang lider ng kooperatiba ng mga vendors sa Divisoria Mall na si Emmanuel Plaza sa pagsasabing walang katotohanan ang inihayag ni Lacuna kung saan sinisisi rin nito ang dating mayor na si Mel Lopez.

Ayon kay Plaza, walang kinalaman ang mga dating alkalde sa bentahan ng Divisoria market partikular na si Ex-Mayor Mel Lopez na ama mayoralty candidate na si Atty. Alex Lopez.

◘◘◘

MALINAW umano sa Deeds of Absolute Sale, na ang nakalagda ay sina Mayor Francisco ‘Isko Moreno’ Domagoso at George Chua, chairman ng Festina Holdings Corporation na may petsang October 16, 2020.

Wala rin katotohanan na hindi na pinamamahalaan ng City of Manila ang naturang palengke dahil simula noong 1992 hanggang October 2021 ay may itinatalagang Market Master na siyang representante ng city hall upang mamahala roon at mangolekta ng mga fees.

◘◘◘

SA katunayan umano, ang huling nakatalagang market master ay si supervisor Alexander Villanueva.

Noong October 2021 lamang umalis si Villanueva sa nasabing palengke.

◘◘◘

NAGLABASAN na ang mga obrero, pero dahop pa rin ang buhay.

Mataas ang presyo ng mga bilihin.

◘◘◘

INAMIN ng Bangko Sentral na inaasahan nila ang pagtaas ng presyo ng mga bilihin sa mga susunod na buwan.

Ito ay matatapat sa panahon ng tag-ulan matapos ang eleksyon.

Kaawa-awa ang mauupo sa gobyerno, sila ang magpapasan ng sisi ng taumbayan.

◘◘◘

HINDI lang kasi ang Pilipinas ang inaasahang magdarahop kundi maging ang buong mundo.

Ang krisis ay bunsod ng COVID at ang hindi maawat na giyera ng Russia at Ukraine.

◘◘◘

MAGING ang China at India ay nababahala.

Walang solusyon sa krisis sa ekonomiya hangga’t patuloy ang away ng Russia at Ukraine.

◘◘◘

ANG Pilipinas naman ay lubog sa utang at patuloy pa itong mangungutang sa pagpapalit ng administrasyon sa Malacañang.

Maghihirap nang todo ang mga dati nang nagdarahop pero lalong yayaman ang mga buwitreng negosyante lalo na ang mga oil companies.