Oportunidad para kumita ang dapat ibigay sa mga Pinoy, hindi pera

ni Ka Ambo @Bistado | February 13, 2023

Bubuhayin ang produksyon ng Toyota Tamaraw sa Pilipinas.

Ito ay isa lamang sa economic agenda na nabuo sa pagdalaw ni P-BBM sa Japan.

◘◘◘

MAS mainam kung diretsong makipagnegosasyon ang gobyerno upang magkaroon ng malawakang produksyon ng Toyota Tamaraw, kung saan direkta itong iaayuda sa mga tsuper.

Ibig sabihin, makakatulong ang Toyota Tamaraw sa pagbibigay ng hanapbuhay sa mga pobreng tsuper sa mga lalawigan.

◘◘◘

ANG aktuwal na oportunidad na magkaroon ng pagkakakitaan ang isang ordinaryong tao ay mas epektibo, kaysa sa kinokorup na financial assistance.

Kumbaga, pamingwit at sima ang kailangan ng mga tao, at hindi ang “isda”.

Trabaho o munting negosyo at hindi cash ang epektibong pagtulong sa mga mamamayan.

◘◘◘

PUWEDENG makatuwang ng Pilipinas ang gobyerno ng Japan sa pagbibigay ng tulong sa mga ordinaryong Pinoy.

Siyempre, piliin ang mga benepisaryo na masisipag, matitiyaga at masisinop.

◘◘◘

MAHALAGA ring magkaroon ng kooperasyon o kasunduan ang Pilipinas sa larangan ng modernong agrikultura sa Japan.

Ibig sabihin, direktang makikipagnegosasyon ang bawat LGU sa mga kinauukulang pribadong grupo sa Japan para sa exchange program, training at kultura.

◘◘◘

MODERNO na ang panahon, dapat ay mabilis ang desisyon at aksyon.

Kailangang maramdaman ang epekto ng kasunduan sa lalong madaling panahon.

Nasa teknolohiya at modernong panahon na ang ating henerasyon.

Kung may konkretong military relationship ang ‘Pinas at Japan, ‘di matatakot ang mga Pinoy sa Tsino

ni Ka Ambo @Bistado | February 12, 2023

MARAMI ang natutuwa sa 5-day official visit ni PBBM sa Japan.

Magpapasigla raw kasi ito sa ekonomiya ng bansa.

◘◘◘

PASISIGLAHIN na lamang ang matagal nang relasyon ng dalawang bansa.

Inaasahan na magbubunga ito ng 10,000 aktuwal na trabaho.

◘◘◘

SA totoo lang, mas dapat ituon ng Pilipinas ang relasyon sa Japan kaysa sa China. Dapat ay magkaroon ng konkretong trade partnerships ang Japan at Pilipinas.

Pero, bakit tila mas nakahapay ang Pilipinas sa China kaysa sa Japan?

◘◘◘

ISANG industriyalisadong bansa ang Japan at kapos sila ng skilled workers at working citizens dahil pinigilan nila ang paglaki ng kanilang populasyon.

Dapat ay bigyang-laya ang mga LGU na direktang makipag-ugnayan, makipagnegosasyon sa mga mauunlad na siyudad sa Japan.

◘◘◘

PASIGLAHIN din ang educational exchange scholarship sa kabataan upang magbalikatan sa pagpaparami ng skilled workers at ekspertong magagamit sa modernisasyon.

Hayaan ang mga Japanese na magnegosyo sa Pilipinas imbes na puro Tsino lamang.

◘◘◘

HIGIT na malinis at malulusog ang mga Japanese kumpara sa mga burara at salaulang Tsino.

Natututo ang mga Pinoy sa kalinisan dahil sa mga Japanese, na isa na nilang katutubong kultura.

◘◘◘

HINDI lang dapat minsanan ang pagbisita ni P-BBM sa Japan, puwede rin niyang dalasan ang pagdalaw sa Tokyo.

Ito ay upang mapagtibay ang relasyon ng dalawang bansa.

◘◘◘

KUNG pinahihintulutan ang mutual military relation sa U.S, bakit hindi direktang makipagkasundo ang Pilipinas sa Japan kaugnayan ng relasyong military?

Ibig sabihin, sakaling may konkretong relasyon ang Pilipinas sa Japan kaugnay sa military partnership, hindi na matatakot ang mga Pinoy sa nambubruskong Tsino.

◘◘◘

MAY dalawang bansa na aalalay sa Pilipinas sa pagpapatrol sa mga karagatang sakop ng ating soberanya.

Puwedeng isabay dito ang malawakang scientific research sa energy resources mula sa karagatan, partikular ang may kaugnayan sa deuterium o hydrogen fuel.

Earthquake drill wa’ ‘wenta, pakitang tao at pagwawaldas lang ng pera

ni Ka Ambo @Bistado | February 10, 2023

Nakapanlulumo ang sinapit ng Turkey at Syria sa magnitude 7.8 earthquake.

Epektib ba ang earthquake drill sa ganu’n kalakas na lindol?

◘◘◘

BIYAK ang kalye, gumuho ang mga gusali at siyempre, paralisado lahat ang serbisyo.

Sa aktuwal, maging ang mga ‘relief and rescue’ institution sa calamity area ay biktima rin.

Sino ang dapat sumaklolo sa ganyang sitwasyon?

◘◘◘

DAPAT nating maunawaan na ang ‘rescuers’ ay hindi magmumula sa lugar kung saan tinamaan ng kalamidad.

Tulad ng tsunami sa Tacloban, maging ang mayor, city council o ang mismong coast guard ay nakakapit sa palupo ng bahay.

Ang mga opisyal at empleyado ng gobyerno sa naturang lugar ay biktima rin, paano sila makakasaklolo?

◘◘◘

ISANG aral ‘yan na hindi maunawaan ng mga kinauukulan. Ang earthquake drill na palaging ginagawa ay walang silbi. Ito ay dahil ang mga“rescuers na nagpapraktis ay posibleng maging biktima kaya balewala ang naturang dril.

Pakitang-tao lang ‘yan at pagtatapon lang ng salapi.

◘◘◘

KAPAG tinamaan ng magnitude 8 na lindol ang ilang isla sa Mindanao, ang taga-Visayas at Luzon ang puwedeng sumaklolo rito.

Kapag may malaking kalamidad sa Luzon, ang mga taga-Mindanao at Visayas ang tutulong.

Kapag tinamaan ng krisis ang Visayas, ang taga-Luzon at taga-Mindanao ang sasaklolo.

◘◘◘

ANO ang pinakaepektibong transportasyon na magagamit sa panahon ng kalamidad?

Tama kayo—mga helicopter at barko.

May nakikita ba kayo na helicopter at barko kapag nagsasagawa ng earthquake drill?

◘◘◘

DAPAT ay magpundar ng libo-libong helicopter at mga seacraft na magagamit calamity area sa Luzon, Visayas at Mindanao.

Mayroon bang ganyang preparasyon ang gobyerno at pribadong sector tulad ng Red Cross?

◘◘◘

SA panahon ng kalamidad—lindol, bagyo, baha o tsunami—power failure at water crisis ang karaniwang nararanasan.

May paghahanda ba para r’yan? Malungkot ang sagot— wala, bokya!

◘◘◘

GENERATOR, solar panel o battery ang panlaban sa power failure sa panahon ng kalamidad.

Mayroon bang nakareserbang energy source ang bawat barangay, bayan, siyudad o lalawigan?

Malungkot ang sagot— wala.

◘◘◘

SAAN kukuha ng tubig kapag paralisado ang daloy ng iniinom na tubig dahil wasak ang mga instalasyon o halimbawang sumabog ang Angat Dam?

Kapag nagkaroon ng water distribution failure nang ilang araw, linggo o isang buwan, saan magmumula ang tubig ng Metro Manila?

Saan?

◘◘◘

ANG bawat barangay, bayan o siyudad ay dapat may kani-kanyang deepwell bilang reserba sa panahon ng kalamidad.

‘Yan ay isa sa pinakaepektibong preparasyon sa kalamidad na tila ‘magnanakaw’ na darating sa hinaharap.

◘◘◘

MAHALAGANG mag-isip, hindi lang ang mga taga-gobyerno, bagkus ay maging ang pribadong sektor ng inobasyon sa panahon ng kalamidad.

Hindi tayo makakaasa sa gobyerno.

Ang ating buhay ay personal nating responsibilidad, hindi obligasyon ng gobyerno na tulungan ka— ikaw ang tanging obligado rito.

◘◘◘

NGAYON pa lamang, dapat ay magkani-kanyang preparasyon ang bawat isa kontra sa kalamidad o posibleng “giyera” na paulit-uli nang ibinababala.

Sariling buhay natin ay ingatan at hindi dapat umasa sa ibang tao!