War on drugs kuno, pero ang mga utak ng sindikato ‘di mahuli-huli

ni Ka Ambo @Bistado | February 17, 2026

Tatlong warrant of arrest ang inilabas kontra sa gambling czar na si Atong Ang.

Hindi pa rin siya maaresto!

-----$$$---

WALANG warrant of arrest kahit isa, pero nagtatago si Sen. Bato dela Rosa.

Hindi siya nagpaparamdam!

-----$$$---

NAGREREKLAMO naman ang mga suspek sa pagpatay sa pulis sa Bulacan na itinapon ang bangkay sa isang poso-negro.

Isang linggo matapos ang krimen, inaresto sila nang “walang warrant of arrest”.

------$$$---

KALIWA’T kanan ang kaso ng pagpatay sa buong bansa.

Isang dating beauty queen na isang titser ang binaril at napatay sa Isabela.

-----$$$---

ORDINARYONG ulat laman ang pag-ambush at pagpatay sa Visayas at Mindanao.

Anuna ereng sitwasyon sa bansa?

-----$$$---

Araw-araw din ang ulat sa pagkakakumpiska ng mga illegal drugs, pag-aresto sa adik at tulak—pero walang nadarakip na “Big time drug lord”.

Eh, bakit?

-----$$$---

NAG-ABROAD na si Representante Leandro Leviste.

Pero, nag-iwan siya ng “intriga”na pinag-aawayan ngayon!

-----$$$---

NATAHIMIK na si Rep. Kiko Barzaga.

Baka pinag-abroad din.

------$$$---

MALAKING papel ang ginagampanan ngayon ng mga “batang kongresista”.

Hindi sila nabubusalan.

Huwag lang mag-a-abroad.

-----$$$---

IPAGDASAL natin at ikampanya na huwag nang maluklok sa gobyerno ang mga matatanda na at mga re-electionist.

Umaapaw sila sa “karanasan” sa korupsiyon, ang kanilang track record ay nagpapakita na kakutsaba, at kunsintidor sila sa walang patumanggang paglustay sa national budget.

----$$$---

ANG ginagastos bilang campaign fund at propaganda ay malinaw na kulimbat sa kaban ng bayan.

Pero, ereng mga botante—patuloy pa rin ang pagboto sa kanila—kahit mga bopol.

-----$$$---

ANG pinaka-modelo natin ng kamangmangan ay ang “hindi maayos na trato” sa China.

Ika nga ni Kristo: “Patawarin mo sila sapagkat hindi nila alam ang kanilang mga ginagawa!”

----$$$---

CHINESE New Year ngayon.

Kung Hei Fat Choy!

Papasok kaya sa Senado si Tito Sen kahit Holiday?

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Gobyerno at pribadong korporasyon, panahon na para ipaubaya sa kabataan

ni Ka Ambo @Bistado | February 16, 2026

Umeeksena na naman ang isyu kaugnay sa nakatakdang pagdinig sa kaso ni dating Pangulong Digong sa ICC.

Matatabunan ang flood control projects scam.

-----$$$--

TINUKOY ng ICC ang mga inaakusahang kasabwat ni Digong.

Palag ng mga suspek, “Tsismis lang po!”

-----$$$---

GUMIGIRE na ang mga potensiyal na kalaban ni VP Sara sa 2028 election.

Kumbaga kay Atong Ang, naggigitgitan ang mga “tiyope.” Ha-ha-ha!

-----$$$--

SA sabong, ang mga tiyope ay inilalaban ng mga handlers kahit alam nilang matatalo ang kanilang manok.

Kumikita ang handler mula sa “nakamaskarang financer”.

Siyempre, tatabo rin ang “tiyopeng presidentiable”—at makakabili ng ari-arian at mapag-aaral ang mga anak sa abroad.

-----$$$--

SAKALING ngayon ang eleksyon, walang tatalo kay VP Sara bilang presidente.

Pero, maraming PR consultants ang yayaman.

-----$$$---

MARAMI ring re-electionist  ang matatalo.

Kumbaga kay Binoe, salamat sa flood control scam.

Nauntog na ang mga botante.

-----$$$--

DAHOP ang ekonomiya.

Imbes na gamitin ang boga ng mga pulis, may mga scalawags na ginagamit ang armas sa paggawa ng krimen.

-----$$$--

WALANG espesyal na aktibidad ang pulisya para linisin ang sariling hanay.

Eh, bakit?

----$$$--

BAKIT nagkalat ang puslit na sigarilyo ang iba pang puslit na produkto?

Graft and corruption din ang ugat niyan.

-----$$$--

AYON kay Robinhood, “weak” ang mga bata.

Nagmula iyan sa “batang isip”.

----$$$--

INAAKALA ng marami na ang napapanood nila sa mainstream media at social media ay totoo.

Aray ko po!

----$$$--

HINDI na maire-reverse—diretso na sa pagkalugi ang malalaking media network.

Ito ay dahil sa digitalization at AI.

D’yan lahat patungo tulad sa pagkawala ng makinilya, wires, beeper, fixed telephone, fax, TV sets at iba pa.

-----$$$--

MAGING ang mga behikulo na gumagamit ng diesel at gasoline ay masasapawan ng electric car.

Maging ang power grid ay maglalaho dahil sa quantum energy, solar power at wind energy.

-----$$$--

Maiiwan sa pansitan ang mga takot sa inobasyon at teknolohiya.

Dapat nang ipaubaya ang gobyerno at pribadong korporasyon sa hanay ng mga kabataan ang trangko at liderato.

Lumaki sila na kalaro ang digital images sa kanilang mga selpon.

-----$$$--

ANG mga lipas nang matatandang naiwanan ng teknolohiya—ang nagdedesisyon sa kapalaran ng mga kabataan.

Malaking kabulastugan at isa na itong krisis at modernong pandemya.

-----$$$--

HINDI ang kabataan ang “weak”, bagkus ay ang pulpol na utak ng mga matatanda.

Matitigas ang kanilang mga ulo at ayaw tumanggap ng modernisasyon.

-----$$$---

PAGNANAKAW, pandarambong ang inaatupag ng mga buwaya—across all departments!

Hindi ito matanggap ng mga hinayupak!

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Divisoria at Baclaran, magiging ghost town kung walang China trade

ni Ka Ambo @Bistado | February 11, 2026

Nag-aaway ang mga senador dahil sa China.

Natatawa ang mga maka-America.

-----$$$--

WALANG nagtatangka na iayos ang konteksto ng mga argumento.

Sa totoo lang, tulad din naman na hindi maaaring  kumawala ang Pilipinas sa pundiya ng Kano.

Hindi rin mabubuhay ang mga Pinoy nang wala ang kunsarsilyo ng Tsekwa.

----$$$--

ALAM kaya ng mga nagdedebate na ang kasaysayan ng Pilipinas ay mas nakadikit sa China kaysa na kakambal sa America?

Ang mga bayaning Pinoy tulad ni Dr. Jose Rizal ay may dugong Tsino.

-----$$$--

ANG mga dambuhalang negosyante at maging ang ilang senador ay aktuwal na may dugong China.

Pero, ilan sa mga senador ang may dugong Kano?

-----$$$--

ANG isyu ng China at US ay tulad sa argumento kung alin ang nauna: Itlog o manok?

Kapag binura mula sa Pilipinas ang lahat ng may kaugnay sa China, mawawalan tayo ng pambansang bayani at mababawasan din ang bilang ng mga kasalukuyang senador.

----$$$--

Kapag nagtampo tayo at inalis sa merkado ang gawang China, magiging ghost town ang Divisoria, Baclaran, Binondo, Ongpin at halos lahat ng mall at palengke.

Hindi mabubuhay ang mga Pinoy nang wala ang China.

----$$$--

SA kabilang dako, babagsak ang gobyerno ng Pilipinas kapag pinalayas ang mga Kano.

Mababawasan din ang bilang ng mga opisyal ng gobyerno na may dugong Kano.

-----$$$--

ANO ang solusyon?

Nasagot na iyan ng matandang Marcos.

----$$$--

SA panahon ni dating Pangulong Ferdinand Marcos Sr, isinulong nito ang aktibong ugnayan sa lahat ng bansa—demokratiko, komunismo o sosyalista.

Ang tawag d’yan ni Apo Makoy ay internasyonalismo!

----$$$--

NAKIPAGKAIBIGAN si Apo Makoy kay US President Ronald Reagan; kay Mao Tse-tung ng China; kay Leonid Bresnev ng Russia at maging kay Muammar Khadafy ng Libya.

Walang nag-akusa kay Marcos Sr na isang traydor—bagkus siya ay kinilala bilang ganap na “makabayan”.

-----$$$--

SA panahon ni Marcos Sr, ang 100-year na pagkontrol ng US sa mga military base ay pinaikli niya sa 25-year kontrata na nagbunsod ng pagputol dito sa panahon ni Pangulong Erap.

Nagalit ang Kano kina Marcos Sr at Erap—pareho silang naging biktima ng Edsa revolt—na pinaniniwalaang may foreign component.

-----$$$--

MAY mga traydor na nakikipag-ulayaw sa mga dayuhan kapalit ng poder sa Malacañang.

Pero, hindi malinaw kung sa Kano o Tsekwa sila nagpapatutot.

----$$$--

SA ngayon, walang lider na masasabing ganap na makabayan gaya sa kalidad nina Claro M. Recto, Arturo Tolentino, Jovito Salonga at Blas F. Ople.

Ang mga lider natin ay karaniwang sangkot sa maniobra sa annual budget.

-----$$$--

NAG-AAWAY-AWAY sila hindi para sa Inang Bayan, bagkus ay dahil sa partihan at inggitan sa kulimbat.

Walang linaw o sinag ng araw na masisilayan upang makaahon tayo sa pangil ng mga buwayang nagkukunwaring tapat pero naglalaway sa kaban ng bayan.

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.