Senado hindi entablado ng drama, serbisyo sa taumbayan ang kailangan

ni Ka Ambo @Bistado | June 1, 2026

Pokus ang lahat ngayon sa Senado.

Malaking isyu kasi ang “walkout” na idiniskarte ng minorya.

-----$$$-

Sorpresang nag-walkout ang miyembro ng minority dahil sa usapin ng online at electronic voting.

Huh? Parang ngayon lang nila narinig ang konsepto ng remote participation sa lehislatura.

Lumang estilo na ‘yan!

----$$$--

Tila may “dementia” ang mga nagpapakilalang “beteranong senador”.

Ilan kaya sa kanila ang unang nagsulong ng diskarteng remote conference?

----$$$--

Matatandaang noon pang Hulyo 31, 2019, inihain ni dating Senador Panfilo “Ping” Lacson kasama ni dating Senate President Franklin Drilon ang Proposed Senate Resolution No. 51.

Layunin nitong payagan si dating Senadora Leila de Lima — na noon ay nakakulong — na makadalo sa plenary sessions sa pamamagitan ng teleconferencing.

Nalimutan ba nila ‘yan?

----$$$--

NILINAW sa naturang lumang resolusyon, na ang kawalan ng isang halal na senador sa mga sesyon ay “unduly deprives” o nagkakait sa milyun-milyong Pilipino ng tamang representasyon sa Senado.

Binigyan-diin pa na nababawasan umano ang “collective wisdom” ng buong kapulungan kapag hindi nakikilahok ang isang miyembro sa mga deliberasyon.

----$$$--

ETO pa, noong Pebrero 23, 2021, muling isinulong ang konsepto ng remote participation sa ilalim ng Proposed Senate Resolution No. 658.

Inihain ito ni Drilon kasama nina Senadora Risa Hontiveros, Senador Kiko Pangilinan, at dating Senador Ralph Recto.

----$$$--

PINALAWAK na ang sakop ng naturang panukala.

Hindi na lamang plenary sessions ang sakop kundi maging committee hearings, gamit ang electronic communications at online platforms.

----$$$--

IBIG sabihin, noon ay malinaw na malinaw ang kanilang posisyon.

Puwedeng gamitin ang teknolohiya upang matiyak na may representasyon ang mamamayan kahit may extraordinary circumstances.

Ano ang bago? Wala!

----$$$--

ERE ngayon ang isyu: Kapag kakampi ang makikinabang, “historic” at “progressive” ang polisiya.

Pero kapag hindi na akma sa kanilang interes pampulitika, bigla itong tatawaging delikado o iregular.

Ha-Ha-Ha!

-----$$$--

MEANING, ang “walkout”—ay simpleng taktika, diskarte at maniobra.

Walang kinalaman dito ang isyu.

-----$$$--

Negatibo ang impresyon sa diskarte.

Pinababaho nito ang sarili nilang “institusyon.”

Kaawa-awa naman ang Senado.

----$$$--

Imbes na makipagdebate at mag-isip ng epektibong argumento, emosyon ang ginamit.

Kumbaga, tipong nag-uulyanin.

 ----$$$--

Hindi entablado sa kanto ang Senado na puwedeng layasan kapag hindi gusto ang takbo ng usapan.

Hindi rin ito entablado para sa dramatikong eksena na madaling gawing headline.

-----$$$--

Ang trabaho ng senador ay makipag-diskusyon gamit ang argumento, hindi ang paglikha ng political spectacle.

Hindi naman bago ang hybrid set-up at electronic voting.

----$$$--

KAHIT sa panahon ng COVID-19 pandemic, pormal itong kinilala at isinabatas sa ilalim ng Senate Resolution No. 43, kung saan inamyendahan pa ang Rules 22 at 41 upang payagan ang hybrid sessions at remote voting.

Hindi ito basta imbento lamang—isa itong tipikal at teknikal na proseso na walang “halong personal.”

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

‘Pinas, lubog na sa krisis at wala nang nakikitang pag-asa

ni Ka Ambo @Bistado | May 27, 2026

Nilinaw ng Korte Suprema kung bakit hindi binigyan ng TRO si Sen. Bato kaugnay ng arrest warrant ng ICC.

Siyam ang kontra sa TRO pero lima ang pabor.

Meaning, hindi lahat ng mahistrado ay kontra o pabor sa TRO.

------$$$--

Maselan at masyadong teknikal ang mga opinyon.

Hindi ito basta-basta mauunawaan ng ordinaryong tao—d’yan nag-uugat ang debate.

-----$$$--

KAKASUHAN na rin ng plunder si Sen. Rodante Marcoleta.

Naghahalo na ang balat sa tinalupan!

-----$$$--

Tulad sa TRO, masalimuot din ang debate kung bakit kakasuhan si Marcoleta ng Ombudsman kaugnay ng campaign contributions na ibinigay ng kanyang mga kaibigan.

Nagugulo ang isyu dahil inabsuwelto ng Comelec si Marcoleta na naniniwalang “normal” lang na tumulong ang mga kaibigan—at normal din na tanggapin niya ang asiste ng mga kaibigan.

-----$$$---

Ibinunyag ni Sen. Imee ang pagtatangka ng ilang sektor na pigilan ang 2028 election.

Ano ang masama ru’n?

-----$$$--

Hina-hunting na si Sen. Bato kahit wala pang final decision ang Korte Suprema.

Panibagong ugat ng debate!

----$$$--

Itinalaga si ex-Sen. Francis Tolentino bilang bagong Labor secretary.

Puwede na siyang magsimulang “mangampanya”.

-----$$$---

Bumagsak na nang todo ang halaga ng piso kontra-dolyar.

As expected!

-----$$$--

Walang sinuman ang nagsasabi na makakarekober ang Pilipinas sa nararanasang krisis sa ekonomiya.

Lahat ay naniniwala na mas lalala pa ang sitwasyon.

----$$$--

Itinatatwa kasi ng ilang opisyal na “walang krisis” sa ekonomiya.

Pwes, paano ‘yan masosolusyunan?

------$$$--

Kapag sinabing “krisis,” hindi lang gobyerno ang dapat kumilos, bagkus maging ang pribadong sektor.

Pero, kapag itinatwa o pinagtatakpan ang krisis—imbes na masolusyunan, mas lalala pa ang sitwasyon!

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Ping Lacson, tila mas kampi pa ngayon sa Kamara kaysa Senado

ni Ka Ambo @Bistado | May 26, 2026

Sabi ni Sen. Ping Lacson, nadadaig daw ngayon ng Kamara ng mga Representante ang Senado kung pag-uusapan ang kredibilidad at reputasyon.

Huh? Nasisira na ba ang kanyang loob at hindi man lamang niya ipinagtatanggol ang institusyon na bumuhay sa kanyang political career?

-----$$$--

May ulat na naglalaro sa kanyang isip na magbitiw na lamang bilang senador.

Nyek, siya ba ay may pusong mamon?

----$$$--

Teka, eh ano naman kaya ang kanyang sey sa kumakalat na ulat na inaakusahan bilang “master plunderer” si ex-Speaker Martin Romualdez?

Idedepensa ba niya si Romualdez sa alegasyon ni Assistant Ombudsman Mico Clavano?

----$$$--

Hindi vlogger o columnist ng multimedia si Clavano kaya’t hindi puwedeng ipagkibit-balikat ang ganitong alegasyon.

Hindi biro ang tawaging “master plunderer” ang isang dating House Speaker at isa sa pinakamakapangyarihang personalidad sa bansa. 

----$$$--

Pero, tila marami rin ang hindi na nagulat. 

Matagal na kasing isyu ‘yan—at sa totoo lang, maaaring nalipasan, o 'di kaya’y kumpirmasyon na pahayag ni Clavano.

----$$$--

Sa totoo lang, hindi na rin sikreto ang mga ulat tungkol sa umano’y lawak ng kayamanan ni Romualdez. 

Iniuulat na may property sa Forbes Park, Massachusetts at Spain. 

Sinasabing may mga helicopter, private plane at koneksyon sa corporations at business associates. 

Aba’y kung totoo man ‘yan, hindi natin masisisi ang kanyang mga kritiko na pagdudahan kung saan nagmula ang mga kayamanang ito.

-----$$$--

ISANG malaking hamon kay Clavano na patunayan ang kanyang alegasyon laban kay Romualdez.

Humahanga tayo at sumasaludo sa tapang ni Clavano.

----$$$--

DIREKTA niyang sinabi ang matagal nang saloobin ng karamihan sa atin. 

Hindi siya nagtago sa technicalities at walang ligoy-ligoy. 

----$$$--

MABIGAT ang pressure sa Office of the Ombudsman. 

Kredibilidad na ng ahensya ang nakataya rito. 

-----$$$--

HINDI kaya mapasubo ang tanggapan ng Ombudsman ang sarili nitong mga pahayag?

Hindi kaya mabahag din ang kanilang buntot kapag nagsimula nang makaramdam ng impluwensya ng poder? 

-----$$$--

SAKALING ang mga alegasyon laban kay Romualdez, mauuwi lamang sa ingay, press conference, at scripted narratives, lalo lang mawawalan ng tiwala ang taumbayan sa sistema. 

Nakatuon ngayon ang lahat sa tibay, tapang at personalidad ni Clavano.

Abangan natin ang mga susunod na kabanata!

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.