Lolobo na naman ang presyo ng petrolyo next week?!

ni Ka Ambo - @Bistado | February 21, 2022

GUMIGIRE na ang U.S., E.U. at Russia sa isang mitsa ng digmaang-pandaigdig.

Pangisi-ngise lang ang China!

◘◘◘

INILILIKAS ang mga OFW mula sa Ukraine pabalik sa Maynila.

Panibagong krisis ini!

◘◘◘

BAKIT walang contingency ang Palasyo kung sakaling biglang magkaroon ng World War III?

Tulad sa COVID-19, mangongopya lang sila ng protocol!

◘◘◘

KUNG sakaling madamay ang Pilipinas, Taiwan, China at Japan sa Ukraine War, may solusyon d’yan si P-Digong.

Posibleng ideklara ang Martial Law at ikansela ang 2022 election!

◘◘◘

LOLOBO na ang presyo ng petrolyo next week.

Indikasyon ‘yan ng napipintong digmaan!

◘◘◘

KAPAG nakipaggiyera ang U.S. kontra Russia, no choice ang Palasyo, kundi ang makisali.

‘Yan mismo ang probisyon ng Mutual Defense Act sa U.S.!

◘◘◘

HINDI itinatanong sa mga panayam kung ano ang pananaw ng mga presidentiables sa nagaganap na girian sa Europe kontra Russia.

Drama-drama at nega-nega ang alam ng mga kolokoy na nagrurunung-runungan!

◘◘◘

OPEN na ang mga sinehan.

Pero, mayroon bang nanonood?

◘◘◘

MAY bago nang normal.

‘Yan ay ang digital media.

Pero, kakaunti ang ganap na nakauunawa nito!

◘◘◘

ANG traditional TV ay nalipasan na ng panahon.

Maging ang traditional newspaper ay hindi na epektibo.

Pero, walang sinumang nagpapatupad ng inobasyon!

◘◘◘

ANG kahinaan o kamangmangan ng mga media executives ang siyang ugat ng pagkalugi.

Hindi ito maisisi sa teknolohiya, bagkus ay dapat isisi sa kahinaan ng mga decision-makers na sumabay sa modernong sibilisasyon!

◘◘◘

HINDI ba kayo nagtataka kung bakit sa gitna ng daan-daang taong pagbabago ng teknolohiya ay hindi nalalaos ang Bibliya?

Ang Bibliya ang sinaunang “Mabuting Balita”, pero patuloy itong nakakasabay sa panahon.

Ang sagot ay ito: mabuti kasi ang nilalaman ng content — at walang halong malisya at negosyo!

◘◘◘

ANG media ngayon ay 98 percent business.

Hindi ito naglilingkod para sa kabutihan ng tao sa ibabaw ng mundo!

◘◘◘

ANONG media outfit sa daigdig ang aktwal na may motibong maglingkod alang-alang sa “katotohanan”?

Karaniwan ay negosyo at may “hidden agenda”!

◘◘◘

ANG pagiging gahaman, sakim at makasarili ay nakaka-engot.

Ibig sabihin, hindi magiging matalino ang tao kapag ang “sarili lang niya” ang kanyang pinagsisilbihan!

COVID-19 vaccination drive, dapat i-house-to-house

ni Ka Ambo - @Bistado | February 20, 2022

INISNAB ni P-Digong ang huling PMA Alumni Homecoming sa kanyang termino.

Nag-iingat lang siguro sa Omicron variant!

◘◘◘

NAGBITIW na si DENR Secretary Roy Cimatu dahil sa kanyang kalusugan.

Sino pa ang susunod?

◘◘◘

ILANG buwan na lamang sa Malacañang si P-Digong.

Aminado na nag-iempake na rin siya.

'Yan ang good boy!

◘◘◘

HINDI naabot ang 5 million target sa ikatlong mass vaccination drive.

Tinatamad ang mga tao na magpabakuna!

◘◘◘

DAPAT i-house-to-house ang COVID-19 vaccination drive.

Kapag hindi 'yan ginawa, baka mag-expired lang 'yan.

Sayang!

◘◘◘

SA ayaw o sa gusto ng gobyerno, maglalaho na ang COVID-19.

Ang ekonomiya naman ay walang katiyakan kung paano makakarekober!

◘◘◘

PAANO sasaklolohan ng gobyerno ang mga walang pambayad sa konsumo ng tubig, kuryente at renta sa inuupahang bahay?

Waley programa!

◘◘◘

KALIWA’T kanan ang dumaraing sa hirap ng buhay.

Dumarami na ang kaso ng pagnanakaw!

◘◘◘

INAASAHANG gagrabe ang kaso ng prostitusyon, pagkabaliw at pagpapakamatay.

Walang sinumang grupo ang nagboboluntaryong sagipin ang mga may “mental case”!

◘◘◘

KUWARENTA porsiyento ng military resources ng Russia ay nakaporma sa border ng Ukraine.

Isang hudyat lang ni Putin ang hinihintay sa ikatlong digmaang pandaigdig!

◘◘◘

SOBRA ang taas ng presyo ng petrolyo dahil sa banta ng digmaan.

Matapos ang COVID-19, krisis naman sa langis!

◘◘◘

WALANG duda, madadamay ang Pilipinas kapag sinalakay ng Russia ang Ukraine.

Kaawa-awang Pinoy!

◘◘◘

KAPAG natuloy ang giyera sa Europe, maaaring madamay na rin sa digmaan ang China.

Maaari kasing gumuho ang kanilang ekonomiya ng isang iglap lang!

Anyare na sa 29 nawawalang sabungero?!

ni Ka Ambo - @Bistado | February 19, 2022

WALA pa rin linaw kung nasaan ang 29 sabungero na dinukot.

Eh, bakit?

◘◘◘

NAGDEDEBATE pa rin kung dapat bang tanggalin ang illegal tarpaulin na nakakabit sa pribadong lugar.

Siyempre, 'yung may-ari lang ang puwedeng magtanggal.

Kasi’y baka makagat kayo ng doberman!

◘◘◘

TARPAULIN ang pinagdedebatehan kaugnay sa election imbes na ang “vote-buying” nang natapos nang naisagawa.

Nakapag-vote-buying na ang mga incumbent gamit ang pondo ng gobyerno.

Ngayon naman ay ibang diskarte bago mag-eleksiyon—gamit ang “watcher-watcher” scheme!

◘◘◘

MARAMING dapat ayusin ang Comelec pero hindi ito nagagampanan.

Dapat baguhin ang election code at iangkop sa teknolohiya!

◘◘◘

HINDI malaman kung kasali o hindi sa Magic 12 ng UniTeam si Robin Padilla.

Malaking publisidad ito.

Nalaman ng mga botante, na kandidato pala si Binoe.

◘◘◘

MAY demolition job daw kontra kay Sen. Ping Lacson.

Ano ang ide-demolish sa kanya, eh, kulelat siya sa survey?

◘◘◘

SINO ang manok ng US sa presidential election?

Kapag nasagot ninyo 'yan, masasagot din ninyo kung sino ang may pinakamalaking resources sa pandaraya!

◘◘◘

DESIDIDO nang salakayin ng Russia ang Ukraine.

US ang nagkumpirma niyan!

◘◘◘

MAY economic war ang India at China.

Naaagrabiyado ang Beijing!

◘◘◘

ANG susunod na world power ay walang iba kundi ang India.

Hindi sila nananakop ng ibang bansa tulad ng US at China.

Nagpapautang pa sila ng capital—nang walang kolateral—at patak-patak lang!

◘◘◘

WALA nang patutunguhan kundi ang maglahong bigla ang COVID-19.

Kuwento-kuwento na lang ang pandemic.

Pero ang krisis, nananatiling multong hindi maglalaho!

◘◘◘

SISIGLA na ang kumpitensiyahan sa telebisyon.

Muling magreregudon ang mga talent sa paglitaw ng signal ng dating ABS-CBN.

◘◘◘

BIGO ang “DITO” na maging ikatlong telco.

Sino ang na-scam?

He-he-he!