KIM SO HYUN, KINANTA ANG HULING SOUND TRACK NG QUEEN OF TEARS

ni Rensel Sabando @Entertainment | April 29, 2024

Inilabas na ng Super Sound Bugs ang MV (music video) para sa special original soundtrack ng Queen of Tears na kinanta mismo ni Kim So Hyun.

Ang title ng kanta sa English translation nito ay "Way Home," kung saan konektado sa umereng last episode nito.

Samantala, ayon sa Nielsen Korea, naungusan na ng QoT (Queen of Tears) ang Crash Landing on You na pinagbidahan nina Son Ye Jin at Hyun Bin.

Sa ngayon, patuloy na sinasakop ng QoT ang buong social media at nakakatanggap ng mga positibong komento mula sa netizens.

Well, sinasabi naman ng TvN sa kanilang Instagram na magkakaroon ng special episodes ang nasabing serye bilang regalo raw nila ito sa mga fans nina Baek Hyun Woo (Kim So Hyun) at Hong Hae In (Kim Ji Won).

LISA NG BLACKPINK, BIDA SA HBO SERIES NA THE WHITE LOTUS

ni Rensel Sabando - Trainee @Entertainment | February 14, 2024

Puno ng suporta at pagmamahal ang natatanggap ng Blackpink member na si Lisa sa kanyang bagong tinatahak na career dahil sa post ng HBO, sinabi nila na kasama si Lisa sa hit HBO series na “The White Lotus.”

Ayon sa Facebook post ng HBO Asia, “The trip of a lifetime awaits. Lalisa Manobal, Scott Glenn, and Julian Kostov will join the cast for Season 3 of #TheWhiteLotus.”

Tulad ng lahat ng casting para sa ikatlong season, ang kanyang papel ay inilihim.

Nakatakdang simulan ng “The White Lotus” ang produksiyon sa loob at paligid ng Koh Samui, Phuket, at Bangkok, Thailand ngayong February. Ang mga eksaktong detalye ng plot ay inilihim bukod sa katotohanang susundan nito ang isang bagong grupo ng mga bisita sa isang White Lotus resort property.

The character of Manobal sa "The White Lotus" ay para markahan ang kanyang debut sa pag-arte. Siya na ngayon ang pangalawang miyembro ng Blackpink na lumabas sa isang serye ng HBO.

Mas nakilala naman ang South Korean singer na si Lisa sa kanyang "Lalisa" noong 2021, at first female artist na nakabenta ng 736,999 na kopya ng album sa unang linggo sa South Korea.

Parehong ang kanyang mga single mula sa album na “Lalisa” at “Money” ang pumasok sa Top 10 Billboard Global 200, ang huli ay naging longest-charting na kanta ng isang babaeng K-pop soloist sa U.S. Billboard Hot 100 at U.K. Singles Chart.

Kamakailan lang ay nagtatag si Lisa ng kanyang sariling kumpanya na pinangalanang Lloud Co. Sa kabila ng lahat, ang mga fans and supporters ng Blackpink ay patuloy pa rin silang sinusuportahan sa kani-kanilang sariling career na pinili matapos maging hiatus ang girl group.

5 members ng N. Flying, positibo sa COVID-19

ni Lolet Abania | September 10, 2021

Lahat ng limang miyembro ng Korean rock band na N. Flying ay nagpositibo sa test sa COVID-19. Ayon sa isang Soompi report, si Cha Hun ay nagpositibo sa test sa COVID-19 matapos na lahat ng kanyang bandmates ay una nang ma-infect.

Agad na nag-isyu ng statement ang FNC Entertainment, ang management ng N. Flying, kung saan si Cha Hun ay unang nagnegatibo sa coronavirus noong September 4.

Sumailalim naman agad ito sa self-quarantine dahil sa naging close contact at na-expose siya sa infected. Subalit, habang naka-self-quarantine, nakaramdam si Cha Hun ng kakaiba kaya nagdesisyon itong magpa-test uli. Doon na lumabas ang resulta na positibo siya sa COVID-19.

“We apologize for giving fans and many other people cause for concern. Our agency will diligently follow the instructions of health authorities and we will do our utmost to help our artists return in good health as quickly as possible,” ayon sa statement ng management ng grupo.

Ang tatlong miyembro na sina Lee Seung Hyub, Yoo Hew Seung, at Sea Dong Sung, ang unang nagpositibo sa test sa COVID-19. Makalipas ang isang araw, sumunod naman si Kim Jae Hyun na positive sa virus. Nitong Huwebes, si Cha Hun ang ikalimang miyembro ng grupo na na-infect sa naturang sakit. Patuloy naman ang pagdarasal ng mga fans ng N. Flying para sa kanilang paggaling.