ni Vinia Vivar @Frankly Speaking | November 17, 2025
Photo: IG _annecurtissmith
Winner ang post ni Anne Curtis sa kanyang Instagram (IG) account kung saan ay kasama niya ang isa sa pinakasikat na South Korean actresses na si Song Hye-kyo (SHK).
Sa larawang ini-upload ng aktres ay makikitang nasa isang restaurant sila ni SHK.
“A lil (little) catch up with this beauty (loved emoji). 감사합니다 @kyo1122 for the most amazing Korean dinner (heart hand emoji) so neomu masisseo! 곧 봐요,” ang caption ni Anne.
Sa comment section ay mababasa ang reaksiyon ni Song Hye Kyo na heart emojis.
Kani-kanya namang reaksiyon ang mga netizens sa kanilang pagkatuwa na makitang magkasama ang dalawang ‘dyosa’ at karamihan ay napa-‘Oh, my God’ pa.
“OMG!!!!! I’M SO KILIG! (loved emoji),” komento ng isang netizen.
“OMG.. goosebumps! My 2 faves,” saad naman ng isang fan.
“Ohhh myyy gawwwwd! QUEEN x QUEEN,” reaksiyon naman ng isa pa.
Sa mga hindi nakakaalam, si Song Hye Kyo ay isa sa A-list actresses sa South Korea at kilalang-kilala rin siya ng Korean drama fans sa ‘Pinas.
Napanood siya sa mga hit K-dramas na Full House, Descendants of the Sun, Encounter, The Glory, at marami pang iba.
Ang bongga ng dinaluhan naming graduation and alumni get-together ng luxury authentication workshop ng LuxeTrust by Amethyst na ginanap sa Sheraton Manila Hotel last Friday.
First time nga naming nalaman na may ganito na pala tayong klase ng workshop na in-introduce sa Pilipinas ng CEO na si Junel Rufino-Harding.
Mahigit 30 students ang nakapagtapos ng 3-day workshop kung saan itinuturo niya kung paano malalaman ang fake at genuine na luxury bags, watches, o diamonds.
Namataan namin sa nasabing event ang isa sa mga guests na si Raymond Gutierrez kasama ang inang si Annabelle Rama, na as we all know ay napakahilig din sa diamonds, luxury bags, at watches.
Interesado nga si Raymond na mag-enroll sa next workshop na magaganap sa March 2026 para may authenticator na ang kanilang pamilya kapag bibili sila ng mamahaling relo at bags, lalo na nga si mommy niya at ateng si Ruffa Gutierrez.
Naroroon din ang Kapuso comedienne na si Lovely Abella bilang isa sa alumni dahil isa rin siyang negosyante at online seller ng mga alahas.
Nag-enroll daw siya sa nasabing workshop para madali niyang ma-distinguish ang genuine sa fake diamonds.
Ang mga naka-graduate sa workshop ay magkakaroon ng certificate na napakalaking bagay para sa mga sellers dahil proof din ito na legit talaga ang kanilang mga itinitindang items.
Ayon kay Junel, nagkaroon siya ng idea na magsagawa sa ‘Pinas ng ganitong klaseng training dahil naglipana nga sa atin ang mga fake or counterfeit designer bags at watches at kahit nga siya noon ay naging biktima na dahil hindi pa niya alam that time kung paano mag-detect ng fake at genuine.
Last year lang daw nagsimula ang kanilang workshops at 6 batches na ang nakakapagtapos so far.
“‘Yung mga nag-e-enroll po rito, they are luxury sellers, collectors, watch collectors, marami po rito ay mga owners ng pawnshops, nagla-live selling, at marami rin na for personal use lang nila na mahihilig talaga. Marami rin po rito na naka-experience na niloko na sila ng mga sellers,” saad ni Junel na nakabase sa Singapore.
Sa PGO Academy in Malaysia raw siya nag-attend ng authentication workshop noon dahil that time ay gusto niyang magnegosyo ng pawnshop.
Hanggang sa naisip na nga raw niyang magtayo ng ganitong klaseng training sa ‘Pinas dahil wala pa nga raw nito sa ating bansa, with the help of her partner, PGO Academy, na isang leading institute sa Malaysia for luxury appraisal training of precious metals, diamonds, watches, and luxury bags.
