Kahit super-lamig… ANDREA, WALANG BRA SA PHOTO SHOOT SA SWITZERLAND

ni Julie Bonifacio @Winner | February 8, 2026

Photo: IG _blythe

Nakipagkabugan si Andrea ‘Blythe’ Brillantes sa pagrampa kasabay ang international model sa Switzerland.

Si Blythe lang ang nag-iisang Pinay na rumampa para sa international clothing brand na Guess. 

Ang nakakaloka pa sa invitation ng Guess ay sa bonggang ski resort ng rich and famous sa Gstaad, Switzerland ginanap ang show para sa winter fashion/collection. Plus, provided ng Guess Europe ang hair and makeup ni Andrea. Kaya naman naiba talaga ang look ng face niya sa mga pictures na ipinost sa Instagram (IG). Nagmukhang European talaga si Andrea sa makeup niya.

Habang ang kanyang stylist na si Eldzs Mejia ay inilipad din from Philippines to Switzerland ng Guess. Pang-international star na talaga ang level ni Andrea.

Shookt naman ang mga followers niya sa latest photo na ipinost niya sa IG recently. Braless si Andrea suot ang puffer jacket. Kaya naman sumilip ang mga pisngi ng dalawa niyang malulusog na boobs habang nagpi-pictorial sa Switzerland.

Anyway, tinapos muna ni Andrea ang shoot ng A Secret in Prague (ASIP) sa Czech Republic. Right after matapos ang shoot, agad siyang lumipad papuntang Switzerland.

Ang taray ni Andrea Brillantes, ‘di ba? Bonggang-bongga talaga!

---

BALIK-‘PINAS na pala si Jenny Syquia.

“Cynthia?” tanong for sure ng mga GenZs. 

Well, sa mga hindi nakakakilala kay Jenny, paki-Google na lang po. Hahaha!

Si Jenny ang pangalawang babaeng pinakasalan ni Gabby Concepcion after Megastar Sharon Cuneta. Pero siya ang pangatlong babae ni Gabby pagkatapos ikasal ang aktor sa nanay ni KC Concepcion.

Noong nagkahiwalay sina Sharon at Gabby, si Grace Ibuna ang sumunod na nakarelasyon ng aktor at nagkaroon sila ng anak, si Garie Concepcion. 

Isa lang din ang naging anak nina Jenny at Gabby, si Cloie, pagkatapos ay naghiwalay din sila after 3 yrs..

Ikinuwento ni Jenny kay Karen Davila na noong pumunta siya sa Pilipinas, may relative siya na nagdala sa kanya sa set ng movie ni Gabby. Agad ay niyaya siya ng aktor na makipag-date hanggang sa nag-propose na nga sa kanya. After a while, ikinasal na sila.

Mas nauna pa raw ikasal si Jenny kay Gabby bago sila nag-kiss. 

Nang maghiwalay sila, muling nagpakasal si Jenny at nanirahan sa Switzerland. Nagkaroon ulit siya ng isang anak na babae sa second husband niya, kaya lang naghiwalay din sila. 

Three years nang hiwalay si Jenny sa kanyang second husband at nagbalik na siya sa Pilipinas. 

May jewelry business si Jenny Syquia na plano niyang i-stretch dito. Naiisip din niyang magbalik sa showbiz, provided na English ang dialogue. 

Bukas din siya sa posibilidad na gawin ang reunion movie with Gabby Concepcion.

Nakorner, napaamin… CHRISTOPHE, AMINADONG SURFER LANG, P7 M LUXURY CAR NA IDINA-DRIVE, KAY NADINE

ni Julie Bonifacio @Winner | February 7, 2026

Photo: TikTok Daniel Mac

Puring-puri si Nadine Lustre ng mga netizens nang ma-interview siya ng isang foreign vlogger na nagpi-feature ng mga mamahaling kotse sa Amerika. 

Pagkatapos nito, pumunta naman ang vlogger sa Pilipinas at nakorner niya ang magdyowang sina Nadine at Christophe Bariou.

Ang vlogger ay si Daniel Mac, na nag-i-interview ng mga celebrities sakay ng mga

mamahaling kotse. 

Una na niyang na-interview si Liza Soberano sa US.

Sakay ng Mercedes-Benz 280S sina Nadine at Christophe. Ang huli ang nagda-drive sa luxury car na nagkakahalaga ng $130,000 (na ang katumbas sa pera natin ay mahigit P7 milyon).

Pagkatapos parahin ni Daniel ang kotse, bumanat siya ng kanyang signature question na: “What do you do for a living?” kay Christophe.

“I just live and surf on an island for a living, honestly. You know, you should ask her,” sagot ni Christophe sabay turo kay Nadine.

Tinanong naman ni Daniel si Nadine, “Are you a big actress?” 

Sagot ni Nadine, “I guess. I do movies and I used to do TV.”

Inamin din ni Nadine na dating mekaniko ang kanyang ama.

Samantala, cool na cool ding nagkuwento si Christophe tungkol sa kanila ni Nadine.

Ayon sa kanya, nagde-date sila at nang makilala raw niya si Nadine sa isla kung saan naroon ang beach resort niya, hindi niya alam na isa pala itong artista at dating on-and-off screen partner ni James Reid.

Dagsa ang papuri kay Nadine sa comment section dahil sa pagiging humble niya, pati na rin kay Daniel.

“Shoutout Nadine for being so humble, I need to brush up on my Filipino knowledge,” sabi ni Mac.

Ibinida naman ng mga fans si Nadine kay Daniel. Sey ng mga netizens…

“Fun fact, Nadine is one of the biggest stars in the Philippines. She peaked around 2015 to 2019 but is still one of the biggest stars in the country today. In fact, she’s been given a title, she’s now called the ‘President.’”

“THE Nadine Lustre. Very humble, that’s my queen.”

“She’s our superstar.”

“Ohhhh, Nadine and Chris looked so good together. Nadine is famous in the Philippines, she’s humble.”

‘Yun, oh!

---

ISHINARE ng award-winning actress na si Hilda Koronel sa Instagram (IG) ang isang throwback picture niya kasama ang pumanaw na Superstar at National Artist na si Nora Aunor, maging sina Tirso Cruz III at Ed Finlan.

Napa-wow ang mga followers ni Hilda sa ipinost niyang black and white photo

nila. Bumilib ang mga fans ni Hilda dahil matapos ang mahigit 50 taon ay naitago niya ang larawan kasama sina Nora, Pip at Ed.

Sey ng mga netizens:

“OMG, what a beautiful photo and what a beautiful YOU Miss Hilda now and then.”

“Oh youth has no rewind, just memories to remember by.”

“Beautiful people.”

“Kung ang ‘80s, may Sharon, Maricel at Snooky, ang ‘70s, may Nora, Vilma at Hilda.”

May nag-post ding fan ni Hilda na nanghinayang na hindi natuloy ang dapat sana ay proyekto nilang muli matapos ang Beloved.

“Too bad your nth collaboration with Ms. Nora did not take off soon enough.”

Reply ni Hilda, “Sayang nga.”

Malapit nang ipalabas ang comeback movie ni Hilda na may titulong Sisa, na idinirek at isinulat ni Jun Lana Robles.

Ang pelikula ay naganap noong 1902 kung saan ang isang ‘mad woman’ na nakasaksi sa pagpaslang sa kanyang pamilya sa panahon ng malagim na Philippine-American War ay napag-alamang isa palang espiya ng mga rebolusyonaryong Pilipino.

Kasama sa Sisa sina Eugene Domingo at Jennica Garcia.

Kasama ang pelikula sa 29th Tallinn Black Nights Film Festival (PÖFF, Pimedate Ööde Filmfestival). Nagkaroon din ito ng festival premiere sa 46th Festival Internacional de Cinema do Porto (Fantasporto).

Kasalukuyang nasa Amerika si Hilda Koronel. Umaasa naman ang kanyang mga fans na makauwi siya ng Pilipinas bago ipalabas ang Sisa next month.

Sana nga…

Palaban sa driver na nagkaso sa kanila ni Michelle Dee… RHIAN, HANDANG LUMABAN HANGGANG KAMATAYAN

ni Julie Bonifacio @Winner | February 6, 2026

Photo: Rhian Ramos - Instagram

Muling nagparamdam si Rhian Ramos sa kanyang Instagram (IG) Story kahapon sa pamamagitan ng isang lumang video niya kasama ang kanyang mga kaibigan na sina Michelle Marquez Dee (MMD) at Samantha Panlilio.

Makikita sa video ang masayang beso-beso at yakapan nina Michelle at Rhian. Nilapatan ito ni Rhian ng background music na tila nagpapahayag ng kanyang saloobin.

Ang linya ng kanta, “Just keep going to find your way. Once upon a time you’ll be okay.”

Ito kaya ang deklarasyon ni Rhian na tuloy ang laban hanggang sa lumabas ang katotohanan at muling maging maayos ang kanyang buhay?

Sinundan pa ito ng isang post ni Rhian ng announcement sa pagkakaroon niya ng award bilang TV Actress of the Year mula sa Platinum Stallion National Media Awards.

Mayroon ding scoring ang IG Story mula sa kanta ni Julie Anne San Jose na Bagong Tadhana.

Sabi ng kanta, “Handang lumaban hanggang sa kamatayan.”

‘Yan si Rhian Ramos, palaban!

---

OPISYAL nang inilunsad ang ika-anim na kanta ng batang singer na si Love Kryzl, ang Heart’s In Bloom.

Si Love Kryzl mismo ang nagsulat nito ka-collab ang Purple Hearts Production para sa arrangement ng bago niyang awitin.

Pahayag ni Love Kryzl sa launching ng kanyang Heart’s in Bloom, “The song is about new beginnings. If you want to start fresh, just listen to the song.”

Nais magbigay ng pag-asa ng song ni Love Kryzl. May bahagi raw sa kanta na nanghihikayat sa mga nahihirapan sa buhay at nalulugmok na magsimulang muli.

During the presscon, sinabi ni Love Kryzl na ang chorus ng Heart’s in Bloom ang paborito niyang bahagi at itinuturing niyang mahalaga ito.

Para sa kanyang forthcoming birthday concert, isa sa kanyang dream venue choices ang SM Mall of Asia (MOA).

“I just want to make a song for fun. It feels fun. Like if I have nothing to do, I just need to write a song,” sabi ni Love Kryzl.

Ang Heart’s In Bloom ang ika-anim na recorded song ni Love Kryzl. Kumpara sa kanyang previous recorded songs, pakiramdam niya ay malaki na ang kanyang naging improvement.

“In the music video, it ended strong. It was fun, tiring but worth it,” sambit niya.

Bilang isang batang mang-aawit, gusto niyang maka-relate ang mga tagapakinig sa kanyang mga kanta at maantig ang kanilang mga puso at damdamin.

Ang pagkakaroon ng anim na recorded songs at pagtatanghal sa iba’t ibang okasyon ay isang tagumpay para sa batang malikhain, na nakakaramdam ng gulat at pagmamalaki sa nangyayari sa kanya bilang isang singer.

Ibinahagi rin ni Love Kryzl ang ilang detalye sa pagbuo ng Heart’s In Bloom.

“The tune was helped by the Purple Hearts Production. Of course, coach Rachel Ann

Pegason Alejo helped me to improve my singing so I could sound better during the recording,” tsika pa ng ingleserang batang singer.

Isa ring choir member si Love Kryzl. Kasabay nito, nakikipaglaro rin siya sa kanyang mga kapatid, nanonood ng sine at lumalabas sa mall.

Paborito raw niyang pakinggan ang mga kanta ng Katseye, pati Pop songs at Blues.

Wish niya na maka-collab ang mga popular at established artists tulad ni Gigi de Lana.

At bilang pagdiriwang ng kanyang 10th birthday, kinukumpleto rin ni Kryzl ang 10 original songs na lahat ay itatanghal sa kanyang upcoming concert.

Para suportahan ang malikhaing paglalakbay na ito, ang Purple Hearts Production ay maglalabas ng buwanang music videos ng mga kanta ni Kryzl sa buong taon, na magbibigay-daan sa mga manonood na masaksihan ang kanyang artistikong paglago, isang kuwento sa bawat pagkakataon.

Ang unang limang original songs ni Love Kryzl ay kasalukuyang available sa Spotify, Apple Music at sa Love Kryzl’s World YouTube (YT) channel.