Herlene, gustong ikasal sa simbahan

ni Julie Bonifacio @Winner | June 28, 2026

Photo: Herlene Budol - IG

Spotted si Herlene Budol na kasama ang Thai-Irish actor na si Kevin Dasom sa grand launch ng bagong streaming app, ang Star SineMax.

Pero agad na nilinaw ni Herlene na partner lang niya si Kevin. As in, trabaho lang, walang personalan ang “dramarama” nila.

Pahayag ni Herlene, “Abangan n’yo kasi gagawan din kami ni Ms. Ery (President and COO ng Star Sinemax) ng magandang movie together. ‘Di pa puwedeng sabihin ‘yung title. Maganda po s’ya. Ah, clue. Ako si Jane.”

May pagka-‘Tarzan’ daw ang movie na gagawin nila under Star Sinemax.

Pero bago iyon, may movie na si Herlene para sa Star Sinemax, ang The Haunted Bride (THB).

Dream ba niya ang maging bride in real life?

“Of course! Sino ba ang babaeng ayaw ikasal, ‘di ba? Ako naman, nasa tamang panahon ‘yan. Nasa tamang tao at sa simbahan gusto ko. ‘Wag haunted. Hahaha! Baka ‘pag kayo ang nandu’n sa moment na ‘yun, kabahan kayo talaga,” sagot ni Herlene.

As for her love life, “Tumitibok pa naman. Happy naman ako at ang daming nagpapasaya ng puso ko ngayon.”

With regards sa pageantry, marami pa rin daw ang nag-aalok sa kanya na sumali pa.

“Why not, ‘di ba? Pero tingnan natin ang tamang panahon. S’yempre, ‘yung boss, amo, manager ko pa rin, si Mr. Wilbert Tolentino, ang bahala kung saan ako dalhin,” saad ni Herlene.

Pero umamin si Herlene na muntik na siyang matuloy ulit na sumali sa beauty contest.

“Actually, eto, sa inyo ko lang sasabihin,” sey niya sa entertainment media sa launching ng Star Sinemax.

Dagdag pa niya, “Dapat this year, may nag-invite sa akin. Sila Sir ALV (Arnold Vegafria), ‘yan. Pero nasa tamang panahon pa rin po talaga s’ya. Ayoko namang i-disclose na umayaw ako o ayaw nila sa akin.

“Pero parang nasa point na nasa tamang panahon po ang pagbabalik. If ever, ‘pag ‘di na inabutan ng tanda. Kasi patanda na rin po ako nang patanda.”

May nagsabi kay Herlene na wala nang age limit sa pagsali sa beauty contest ngayon.

“Eh, s’yempre, ‘yung katawan, ‘yung fez (face). Ano, walang kabulukan?

“May hangganan ang lahat. Saka ‘wag na kayong masyadong mag-expect. ‘Di naman ako masyadong nagtatrabaho sa utak ko. Kaya ready na ba kayo na i-bash ako ulit?” diin pa ni Herlene Budol.

---

MARAMI nang viewers ang makakapanood ng Kapamilya Deal or No Deal (KDOND) at Everybody Sing (ES).

Mapapanood na rin kasi ang popular at well-loved game shows sa TV5 simula ngayong July 4 at 5, simultaneous with the airing on ALLTV2, A2Z, Kapamilya Channel, Kapamilya Online Live on YouTube (YT) and Facebook (FB), iWant, at TFC.

Ang Pambansang Host na si Luis Manzano continues to keep the audience on the edge of their seats in KDOND.

Kasama ni Luis ang bagong batch ng masusuwerteng bituin para sa pagkakataong manalo ng hanggang P1 milyon.

Si Vice Ganda naman, na tinaguriang Unkabogable Phenomenal Box Office

Superstar, ay nagpapanatili ng lakas sa Everybody Sing, kung saan ang mga miyembro ng Songbayanan ay nakikibahagi sa paghula ng tamang lyrics at mga pamagat ng kanta sa iba’t ibang hamon para sa pagkakataong manalo ng P1 milyon.

Habang patuloy na umuunlad ang mga gawi sa panonood, patuloy na nagtutulungan ang mga kumpanya ng media upang magdala ng mas maraming lokal na programa sa mas maraming madla. Mas maraming manonood ang masisiyahan sa panonood ng KDOND at ES tuwing weekend sa mas maraming platform.

Ang dalawang weekend na palabas ay mapapanood tuwing Sabado at Linggo, simula sa Kapamilya, Deal or No Deal sa ganap na 7:30 PM, na susundan ng Everybody Sing sa 8:30 PM sa ALLTV2, TV5, A2Z, Kapamilya Channel, Kapamilya Online Live, iWant, at TFC.

‘Di kasama sa Star Awards for Music… JAMES, NAGSALITA NA SA KUMALAT NA BUNTIS NA SI ISSA

ni Julie Bonifacio @Winner | June 27, 2026

Photo: James Reid at Issa Pressman - IG

Kiligin kaya ang mga fans ni James Reid sa pag-amin na gusto na niyang magka-baby? 

Nakorner kasi ng members of the press si James pagkatapos ng 17th Philippine Movie Press Club (PMPC) Star Awards for Music na ginanap sa Teatrino sa San Juan.

Tinanong si James ng entertainment editor ng BULGAR na si Ateng Janice Navida kung ano ang reaksiyon niya sa balitang buntis ang girlfriend niyang si Issa Pressman.

Ngumiti si James habang maayos namang inawat ng kanyang publicist na huwag sagutin ang tanong. Pero sa kabila nito, nagpatikim si James ng kaunti tungkol sa isyung ito.

“I wish,” nakangiting sabi ni James.

O, ‘di ba? At least, may sinabi si James. At ang kyut-kyut niya nang sabihin iyon.

Dahil d’yan, naisip tuloy namin na mukhang ready na si James na magka-baby.

Kunsabagay, nasa edad na rin naman si James at matagal na ang relasyon nila ni Issa.

Kaya lang, okay kaya sa dyowa niya na baby muna bago wedding?

For now, tutok muna si James sa kanyang pagbabalik bilang aktor. Matagal na rin mula nang huling mapanood ng kanyang mga fans si James na umaarte sa harap ng kamera.

Aminado nga si James na nag-adjust siya nu’ng una siyang sumalang ulit sa set ng serye nila ni Kathryn Bernardo, ang Someone, Someday (SS). Kahapon ay ini-reveal na ang special poster and teaser.

Kasunod nito ang announcement na mapapanood ang unang serye na magkasama bilang lead stars sina Kathryn at James soon sa AllTV2, A2Z, TV5, Kapamilya Channel, Kapamilya Online Live sa Facebook (FB) & YouTube (YT), and iWant. Viewers and fans can also stream it first on Netflix.

Samantala, isa pang gustong balikan ni James ay ang paggawa ng album. Sobra siyang na-inspire sa pagkapanalo niya ng Album of the Year sa Star Awards for Music.

Congratulations, sweet baby James! Baby James?!

---

TUMALAK ang aktres na si Sofia Andres sa social media tungkol sa gobyerno at sa kalagayan ng bansa. Nakikisimpatya ang aktres para sa mga kababayan nating biktima ng maling sistema at bulok na pamamahala.

Sey ni Sofia, “Mahirap mangarap sa sariling bayan.

“Mahirap magsumikap nang tahimik habang may mga taong handang husgahan ka bago ka pa man makapagsalita. Mahirap magtiyaga ‘pag tila mas nauuna ang may kapangyarihan kaysa sa may prinsipyo.

“Mahirap maniwala kapag paulit-ulit mong nakikita na maraming lumalaban nang patas, ngunit tila ‘di nabibigyan ng pagkakataon.

“Maraming mangungutya. Maraming magdidiskrimina. Maraming susukat ng halaga ng tao base sa estado ng buhay at koneksyon. Pero hindi iyon ang tunay na sukatan ng pagkatao. Sa dulo ng lahat, ang pinakamahalaga pa rin ay kung paano tayo magmahal, sumuporta, maging tapat, at manatiling mabuti kahit mahirap.”

Minsan daw ay nakakalimot tayo, ayon kay Sofia.

Pagpapatuloy niya, “Nakakalimot tayong lahat ay pansamantala lamang. Nakakalimot tayo sa tunay na dahilan kung bakit tayo narito. ‘Di para lamang yumaman, manalo, o maging makapangyarihan kundi para magmahal ng kapwa at mag-iwan ng kabutihan sa mundong ito. At kung may isang bagay tayong ‘di dapat kalimutan, ‘wag tayong makalimot. S’ya ay nanonood.

“Nakikita Niya ang bawat sakripisyo, bawat luha, bawat kabutihang ginagawa nang walang nakakakita. Nakikita rin n’ya ang mga bagay na akala ng iba ay natatago. Kaya kung pagod ka na, magpatuloy ka. Kung nadidismaya ka, maniwala ka pa rin. At kung pakiramdam mo ay ‘di napapansin ang kabutihan mo, tandaan mong may Diyos na nakatingin at may hustisyang ‘di kailanman naliligaw. Darating din ang panahon ng mga taong ‘di sumuko.

“At ‘pag dumating ‘yun, mas magiging makabuluhan ang tagumpay dahil alam mong ‘di mo kailanman isinuko ang iyong puso, prinsipyo, at pananampalataya.”

Pinuri si Sofia Andres ng mga netizens:

“Maraming salamat sa pakikiramay at sa patuloy na pagboses, Ma’am Sofia!”

“Sobrang totoo at sobrang nakakaantig ng puso ito…”

“Thank you for standing with us.”

Boto para kay Bimby, ang laki raw ng iginanda… KRIS KAY RYZZA: MAG-KISS KA SA MOTHER-IN-LAW MO

ni Julie Bonifacio @Winner | June 26, 2026

Photo: Team Ryzza - FB

Sa unang pagkakataon ay nagpakita na si Kris Aquino sa telebisyon matapos ang ilang taon. Kinailangan pa ang kanyang bunsong anak na si Bimby Aquino Yap, Jr. para mapabalik sa TV ang Queen of All Media.

Bumulaga si Kris sa studio ng isang noontime show para suportahan si Bimby. Agad na sinalubong ni Bimby ang ina at si Ryzza Mae Dizon ay tumakbo pa talaga papalapit kay Kris.

Bungad ni Kris kay Ryzza, “Mag-kiss ka sa future mother-in-law mo.

“I love you. Ang ganda mo ngayon. Ang laki kaya ng iginanda mo. I think dahil may nagpapaganda sa ‘yo.”

Samantala, sinabi pa ni Kris kay Ryzza na siya ang ‘wardrobe’ ni Bimby. Meaning, siya ang bumibili at namimili ng mga isusuot ng anak.

Siyempre, super ang reaksiyon ng mga netizens sa muling paglitaw ni Kris sa telebisyon.

“Natutuwa naman akong makita si Miss Kris.”

“Parang mas bumata, ah.”

“Tumaba na s’ya. May gamot pa sa braso n’ya. Talagang nagpunta pa s’ya d’yan para suportahan ang anak n’ya at si Ryzza. Ang suwerte ni Ryzza kung sakaling magkatuluyan silang dalawa ni Bimby sa future kasi bukod sa mayaman sina Bimby, napalaki rin naman s’yang mabuti ni Ms. Kris.”

“Natuwa naman ako du’n sa ‘Mag-kiss ka sa future mother-in-law mo.’”

Alam na this!

---

TANGGAP ng mga fans ni Andrea Brillantes ang kanyang alter ego na si Ramona.

Singer, dancer at rap artist si Ramona. Kamakailan ay inilunsad na ang kanta na pinamagatang Laguna sa iba’t ibang streaming platforms.

Sunud-sunod din ang gigs ni Ramona para sa promo ng kanyang kanta at solo shows.

Bilib ang mga nakapanood kay Andrea sa husay niyang mag-perform bilang Ramona sa kanyang bar tour.

Sey ng mga fans…

“Ganda mo talaga. Astig mo, #Ramona Andrea Brillantes. Yesterday at the 12 Monkeys Hall Bar.”

“Love the alter ego.”

“Gandang rakista naman n’yan, Ramona.”

Andrea Brillantes as Rockstar Ramona. Puwede!