Todo-asa raw na babatiin ng aktres, todo-banat naman… KIM, INI-REPOST ANG SINABI NG FAN NA KAPALMUKS SI OGIE DIAZ

ni Julie Bonifacio @Winner | June 30, 2026

Photo: Kim Chiu - IG

Naglabas na ng reaksiyon ang aktres-host na si Kim Chiu sa mga isyung ibinabato sa kanya.

Sa kanyang account sa X (dating Twitter), nagparamdam si Kim sa gitna ng kanyang katahimikan sa mga namba-bash sa kanya.

Ini-repost ni Kim ang mensahe ng isang fan para sa kanya. Nilagyan ni Kim ng folded hands at sparkle emojis ang ini-repost niyang mensahe. Ang dalawang emojis ay nagre-represent ng positivity at gratitude.

Sa mensahe ng faney ni Kim, tila ito na rin ang tugon niya sa mga naghihintay na pumutak ang It’s Showtime (IS) host sa pagsasabong sa kanila ni Ryzza Mae Dizon ng Eat… Bulaga!.

Post sa X ng fan ni Kim, “Dearest Kimmy @prinsesachinita,

“Why are you so kind? You are the exact embodiment of the saying, ‘When someone throws a stone at you, throw back bread.’

“You respond to hostility with kindness and repay evil with blessings. What if just once, you threw a stone back at them? But that’s not you, and I wouldn’t wish for you to be like that. You once said, ‘And I’m also blessed with the heart that I have.’

“You are indeed blessed with a heart that is kind, loving, and compassionate. Your heart finds joy in offering selfless love, in sharing your material blessings, and in seeing people with happy faces.”

Bukod dito, ipinost din ni Kim ang reaksiyon ng kanyang fan sa akusasyon sa kanya ni Ogie Diaz.

Repost ni Kim sa X: “Kapalmuks (ang kapal ng mukha) ni OD na mag-expect na babatiin s’ya ni Kim, eh, puro paninira lang naman ginagawa n’ya sa kanya. Expect n’ya magiging chummy-chummy si Kim sa kanya? The nerve.”

“RESPECT BEGETS RESPECT. Eh, ano ngayon kung 1992 ka nag-start?! Bakit ka rerespetuhin kung ‘di mo naman deserve?”

Reaksiyon naman ng isa pang fan ng aktres-host, “Hahaha! Love this #KimChiu’s repost! She speaks up her mind and makes everyone know her stand! Go @prinsesachinita! We will support you all the way.”

Iba talaga ang Kim Chiu fandom.

---

Anak nina Manny at Jinkee…

MOMMY D., PINAYUHAN SI QUEENIE NA ‘WAG MUNANG MAG-BOYFRIEND

PINANGARALAN ni Mommy Dionisia Pacquiao ang kanyang apo na si Queenie bago siya umalis sa Amerika pauwi sa ‘Pinas. Sinabihan niya ito na huwag munang magkaroon ng boyfriend. 

Si Queenie ang bunsong anak na babae nina Manny at Jinkee Pacquiao.

Nagkita ang mag-lola sa Amerika para sa kasal nina Jimuel Pacquiao at Carolina Pimentel.

May nakapagsabi raw kasi na may boyfriend na ito kaya pinangaralan ni Mommy D ang apo na huwag munang makipagrelasyon. 

Well, inokray ng mga netizens si Mommy D sa pangaral niya kay Queenie.

“Ikaw, Mommy D, nakipag-live-in sa batambata.”

“Hahaha! ‘Wag ka mag-boyfriend. S’ya lang ang may karapatan, Queen.”

“Mommy, ‘di n’ya ma-enjoy ang buhay-dalaga n’ya, eh.”

For sure, concerned lang si Mommy D sa apo niya, ‘di ba?

Piktyur nila, ipinost sa socmed… ELLEN, INILABAS NA ANG BAGONG DYOWA

ni Julie Bonifacio @Winner | June 29, 2026

Photo: Ellen Adarna at Vanesse Wu - Circulated

Ibinulgar na ni Ellen Adarna ang bago niyang dyowa. Kilig much si Ellen sa pag-reveal ng kanyang ‘lover’ sa Instagram (IG). At ‘yan ay walang iba kundi ang F4 member mula sa sikat na Asianovela na Meteor Garden (MG), na si Vanness Wu.

Ipinost ni Ellen ang kanyang picture kasama si Vanness sa backstage ng F Forever 1st World Tour.

Caption ni Ellen (as is), “Jowa Reveal.”

Inggit much naman ang mga IG followers at celebrity friends ni Ellen sa picture niya with Vanness. Kabilang dito sina Arci Muñoz, Melai Cantiveros, na nanood din ng concert, at Rovilson Fernandez.

Ani Melai, “Happy for you!!! Pero parang may mali?! Si Jerry, ‘di ba?! Hahaha.”

Reply ni Ellen, “Both!”

Sey ni Melai, “Wow! Sana all.”

“Instagram official na! #HardLaunch.”

As far as we know, si Ellen lang na celebrity ang nakapanood ng concert ng F4 na malapit sa stage. Kaya hindi lang kay Vanness siya nagkaroon ng special moment kundi pati kay Jerry Yan.

Proud na itinampok ni Ellen sa IG ang 10-second eye-to-eye moment nila ni Jerry, with holding hands pa.

Marami pang videos during the concert ang ipinost ni Ellen sa kanyang IG Story. Nandoon na naki-sing along siya sa kanyang mga faves at inaming iyon ang first Taiwanese concert na kanyang napanood.

Sabi pa ni Ellen sa isang video, “Our younger selves are screaming with happiness today.”

Kabog!

---

IBA ang feeling ng mga netizens sa pagkakaospital ni Heart Evangelista recently. Imbes na magkaroon ng empathy kay Heart, binash pa nila ang misis ni Sen. Chiz Escudero.

Naospital daw si Heart dahil sa sobrang pagod at stress sa pagtatrabaho. Kahit daw kailangan na niyang magpa-confine ay tumatanggi ang Kapuso star.

Sey ng mga netizens:

“Saan s’ya napagod, aber?! Parang sambayanang Pilipino yata ang pagod na sa kaartehan n’ya.”

“Na-stress sa inggit?”

“Kumain ka kasi. Ang payat mo. Kaya ka nagkakasakit at walang lakas. Kulang ka sa sustansiya. Puro gamot na pampaganda ang iniinom o kinakain mo at mga chemical ‘yun na isinasaksak mo sa katawan mo.”

“Eme lang nila ‘yan. Para gawing narrative na trabaho nang trabaho para ‘di s’ya nakinabang sa ninakaw ng asawa! (laughing emoji).”

“Iba talaga kalaban ang kunsensiya.”

Grabe sila kay Heart, ha?

Herlene, gustong ikasal sa simbahan

ni Julie Bonifacio @Winner | June 28, 2026

Photo: Herlene Budol - IG

Spotted si Herlene Budol na kasama ang Thai-Irish actor na si Kevin Dasom sa grand launch ng bagong streaming app, ang Star SineMax.

Pero agad na nilinaw ni Herlene na partner lang niya si Kevin. As in, trabaho lang, walang personalan ang “dramarama” nila.

Pahayag ni Herlene, “Abangan n’yo kasi gagawan din kami ni Ms. Ery (President and COO ng Star Sinemax) ng magandang movie together. ‘Di pa puwedeng sabihin ‘yung title. Maganda po s’ya. Ah, clue. Ako si Jane.”

May pagka-‘Tarzan’ daw ang movie na gagawin nila under Star Sinemax.

Pero bago iyon, may movie na si Herlene para sa Star Sinemax, ang The Haunted Bride (THB).

Dream ba niya ang maging bride in real life?

“Of course! Sino ba ang babaeng ayaw ikasal, ‘di ba? Ako naman, nasa tamang panahon ‘yan. Nasa tamang tao at sa simbahan gusto ko. ‘Wag haunted. Hahaha! Baka ‘pag kayo ang nandu’n sa moment na ‘yun, kabahan kayo talaga,” sagot ni Herlene.

As for her love life, “Tumitibok pa naman. Happy naman ako at ang daming nagpapasaya ng puso ko ngayon.”

With regards sa pageantry, marami pa rin daw ang nag-aalok sa kanya na sumali pa.

“Why not, ‘di ba? Pero tingnan natin ang tamang panahon. S’yempre, ‘yung boss, amo, manager ko pa rin, si Mr. Wilbert Tolentino, ang bahala kung saan ako dalhin,” saad ni Herlene.

Pero umamin si Herlene na muntik na siyang matuloy ulit na sumali sa beauty contest.

“Actually, eto, sa inyo ko lang sasabihin,” sey niya sa entertainment media sa launching ng Star Sinemax.

Dagdag pa niya, “Dapat this year, may nag-invite sa akin. Sila Sir ALV (Arnold Vegafria), ‘yan. Pero nasa tamang panahon pa rin po talaga s’ya. Ayoko namang i-disclose na umayaw ako o ayaw nila sa akin.

“Pero parang nasa point na nasa tamang panahon po ang pagbabalik. If ever, ‘pag ‘di na inabutan ng tanda. Kasi patanda na rin po ako nang patanda.”

May nagsabi kay Herlene na wala nang age limit sa pagsali sa beauty contest ngayon.

“Eh, s’yempre, ‘yung katawan, ‘yung fez (face). Ano, walang kabulukan?

“May hangganan ang lahat. Saka ‘wag na kayong masyadong mag-expect. ‘Di naman ako masyadong nagtatrabaho sa utak ko. Kaya ready na ba kayo na i-bash ako ulit?” diin pa ni Herlene Budol.

---

MARAMI nang viewers ang makakapanood ng Kapamilya Deal or No Deal (KDOND) at Everybody Sing (ES).

Mapapanood na rin kasi ang popular at well-loved game shows sa TV5 simula ngayong July 4 at 5, simultaneous with the airing on ALLTV2, A2Z, Kapamilya Channel, Kapamilya Online Live on YouTube (YT) and Facebook (FB), iWant, at TFC.

Ang Pambansang Host na si Luis Manzano continues to keep the audience on the edge of their seats in KDOND.

Kasama ni Luis ang bagong batch ng masusuwerteng bituin para sa pagkakataong manalo ng hanggang P1 milyon.

Si Vice Ganda naman, na tinaguriang Unkabogable Phenomenal Box Office

Superstar, ay nagpapanatili ng lakas sa Everybody Sing, kung saan ang mga miyembro ng Songbayanan ay nakikibahagi sa paghula ng tamang lyrics at mga pamagat ng kanta sa iba’t ibang hamon para sa pagkakataong manalo ng P1 milyon.

Habang patuloy na umuunlad ang mga gawi sa panonood, patuloy na nagtutulungan ang mga kumpanya ng media upang magdala ng mas maraming lokal na programa sa mas maraming madla. Mas maraming manonood ang masisiyahan sa panonood ng KDOND at ES tuwing weekend sa mas maraming platform.

Ang dalawang weekend na palabas ay mapapanood tuwing Sabado at Linggo, simula sa Kapamilya, Deal or No Deal sa ganap na 7:30 PM, na susundan ng Everybody Sing sa 8:30 PM sa ALLTV2, TV5, A2Z, Kapamilya Channel, Kapamilya Online Live, iWant, at TFC.