Nag-share ng piktyur ng aktor at anak… JOHN LLOYD, BINATI NG GF SA B-DAY

ni Julie Bonifacio @Winner | June 26, 2025

Photo: John Lloyd Cruz - IG

Simple pero matalinghaga ang pagbati kay John Lloyd Cruz sa kanyang kaarawan ng girlfriend niyang si Isabel Santos sa Instagram (IG) post nito kahapon.

Noong June 24, Monday, ang eksaktong kaarawan ni John Lloyd na 42 yrs. old na, at matagal-tagal na rin sila ng painter na nobya niyang si Isabel.

Sa tagal na ng kanilang relasyon, ‘di natin sure kung mag-boyfriend-girlfriend pa lang sila. Posible na nagpakasal sila pero tahimik lang, quiet lang siguro ang dalawa, knowing kung gaano ka-private si Lloydie and his girlfriend especially sa kanilang relasyon.

Anyway, ishinare ni Isabel ang ilang series of photos and short videos ni Lloydie. Ilan dito ay kasama ng aktor ang anak niyang si Elias. 

Ini-reveal din ni Isabel kung saan at paano nag-celebrate si Lloydie ng kanyang kaarawan.

Caption ni Isabel sa IG post niya kahapon: “Happy Birthday (crab emoji)! I can hear your voice now, and it’s nice to hear you’re happy. That’s what I want for you now and forever. Family and food by the sea (wave emoji).”

So, there.

---

INAMIN ni McCoy de Leon na mami-miss niya ang kanyang role bilang si David sa Kapamilya top-rating primetime action-series na pinagbibidahan ni Coco Martin, ang FPJ’s Batang Quiapo (BQ).

Noong Hunyo 24, hinarap ni David si Miguelito Montenegro (Jake Cuenca) na nagpunta para sa kanyang kamatayan.

Ilang sandali bago ang kanyang pagpanaw, nagsanib-puwersa si David at ang kanyang stepbrother na si Tanggol (ginampanan ni Coco Martin) para patayin ang mga tropa ni Miguelito.

Pahayag ni McCoy, “Malaking oportunidad po sa akin na magawa namin ito nang maayos, kasama ko pa si Jake Cuenca. Grabe! Masasabi kong unique ang action scene na gagawin namin ni Kuya na parang kami ‘yung magkasama.”

Si McCoy ay kasama na sa serye mula noong pilot episode nito mahigit dalawang taon na ang nakararaan.

Ayon kay Coco, ang karakter ni David ay unang binalak para sa isang maikling pamamalagi lamang.

Sa kanyang mga nakaraang panayam, palaging ipinagyayabang ni McCoy na nakasama ang mga beteranong artista tulad nina John Estrada, Cherry Pie Picache, Christopher de Leon, Charo Santos, at marami pang iba.

“Originally, alam naman ng lahat na hindi naman talaga ako magtatagal dahil ‘di kami kambal. Ang sa akin talaga, malaking blessing ito. Sabi nga sa akin ni Kuya, niloloko niya ako ‘Miss you, McCoy!’ Ako din, mami-miss ko ‘to,” lahad ni McCoy.

Naranasan daw ni McCoy ang paglaki bilang aktor sa serye. At ang pagiging bahagi ng BQ ay higit pa sa trabaho. Itinuring niya ito bilang kanyang tahanan, at kasama niya ang pamilya.

“Masaya na malungkot, ito ang pinaka-reaksiyon ko kasi naging tahanan ko na itong Batang Quiapo, at gusto ng tao. Ang priority naman namin dito ay 'yung manonood,” sabi pa niya.

May bagong bahay daw… JANINE, NAGSALITA NA SA KUMALAT NA NAGLI-LIVE-IN NA SILA NI ECHO

ni Julie Bonifacio @Winner | June 25, 2025

Photo: Janine at Echo - IG

Kinorek ni Janine Gutierrez ang mga netizens na nagsabing engaged at nagli-live-in na sila ng boyfriend niyang si Jericho Rosales.

Nag-post kasi si Janine sa Instagram (IG) recently ng series of old photos niya nu’ng tumira sila sa Subic, Olongapo.

May isang photo rin sa post na kuha ni Jericho na nakatingin sa kabayo na same area ng larawan din ni Janine nu’ng binisita niya ang old house ng parents niya sa Subic.

Obviously, magkasama sina Janine at Echo nu’ng pumunta sa Subic.

Caption ni Janine, “Been shooting in Bataan the past few months and went on a little road trip on a day off to visit our old house when I was a kid, when Papa used to race in Subic. Smiling face smiling face. My heart, my heart — a part forever here.

“I am older now than my parents were during the time we had this house and I don’t know how they pulled it off but this was such a great time. Thank you, Mama and Papa.”

May netizen ang nag-comment ng ganito, “Marry each other (heart eyes emoji).”

Sinagot ito ng isa pang follower sa IG ni Janine. Sabi ng netizen, “They’re engaged and living together na (red heart emoji).”

Pinabulaanan naman ito ni Janine. Pero hindi naman galit ang aktres nu’ng ni-reply-an ang comment ng netizen.

Aniya, “No. I just moved into a new place of my own, I don’t even have all my furniture yet!”

Baka ‘pag natapos nang punuin ni Janine ng furniture ang bago niyang “place,” whether it’s a house na or condo, saka sila magpapakasal ni Echo.

---

PROUD and loud ang mister ni Anne Curtis na si Erwan Heussaff sa pag-imbita sa kanya ng kilalang American writer and producer na si Philip “Phil” Rosenthal sa travel documentary TV series nitong Somebody Feed Phil (SFP) na napapanood sa Netflix.

Ipinost ni Erwan sa Instagram (IG) ang piktyur nila ni Phil sa pag-apir niya sa show nito.

Caption ni Erwan: “The cat’s out of the bag! I was invited to take part in Somebody Feed Phil when they came to Manila last year. I was so nervous, but Phil’s genuine passion and

interest put me at ease immediately.

“To be given this platform to talk about Filipino food and our love for it is such a privilege.

“The episode visits some pretty great spots around our beloved and chaotic Metro Manila. It was also our last meal with Gaita before she passed. Such a special episode, please check it out on @netflix. I hope we made all of you proud!

“@phil.rosenthal I hope to bump into you again soon! Amazing job with the new season.”

Tinawag naman ni Phil si Erwan bilang “Instagram titan with millions of followers” at “Champion of Filipino cuisine”.

Well, dito na umani ng mga haters si Erwan, sa title na ibinigay sa kanya ni Phil. 

Sey nila, “Luh! Maraming haters sa ‘Asawa ni Anne Curtis’ dahil tinawag s’ya na ‘Champion of Filipino food’ ni Phil Rosenthal. He has done so many things for Filipino cuisine and culture with Featr.”

“Sana mag-aral s’ya ng Tagalog. Marunong s’yang mag-French (dahil sa tatay) pero bakit hindi s’ya tinuruan ng sariling wika natin? Dito naman yata sila lumaki. Iniisip ko tuloy, nakakababa ba sa kanila na matutong magsalita sa wikang Tagalog?”

“Parang mas deserve ni Kara David. Mukha kasing profiting off on our culture ‘yung isa. Iba ‘yung business-centered talaga.”

“Not a hater here. Pero I find Erwan overrated as a cook.”

“Nah. Turn-off ‘yan, may isang vlog na he said he grew up daw with Burger Machine. Sino’ng t*ngang maniniwala ru’n? He makes his ‘renditions’ of Pinoy cuisine. His ‘advocacy’ is done by a team of researchers.”

“So it’s not him alone. Bakit sa kanya credit? Featr is a copy of Eater and Bon Appétit. He said he grew up with Burger Machine then turns around and says they had a chef growing up cooking French food.

“On his solo episode, kung anu-ano ginagawa n’ya sa lutong Pinoy.”

Sinagot din ng ibang mga netizens ang bashing kay Erwan. 

Sey ng ibang netizens, “You don't have to be fluent in Tagalog to be a champion of Filipino food. He has been advocating and promoting it through — try watching his episodes and you’ll see how he does it.”

“FEATR is more than Erwan's cooking skills. Hindi biro ‘yung paggalugad sa bawat sulok ng Pilipinas to promote our local cuisines, ha?”

Ang Featr Media ay isang content creator na pinamamahalaan ni Erwan.

Anyway, kung ayaw nila na tawaging ‘Champion of Filipino food’ si Erwan Heussaff, hayan at binigyan naman siya ng Broadcast Media Award under Social Media Account category mula sa The James Beard Awards, dubbed as “Oscars of the Food Community.”

Todo-deny na P20M ang ginastos… ZEINAB, UMAMING PAPER PLATE ANG GINAMIT SA KASAL NILA NI RAY PARKS

ni Julie Bonifacio @Winner | June 19, 2025

Photo: Zeinab at Ray Parks - IG

Sumalang for an exclusive interview sa Fast Talk with Boy Abunda (FTWBA) ang newlyweds na sina Bobby “Ray” Parks, Jr. at Zeinab Harake last Tuesday.

Sinagot nina Zeinab at Ray ang mga isyu sa naganap na kasalan nila last June 1.

Isa rito ang tsikang buntis si Zeinab noong ikasal kay Ray.

Pahayag ni Zeinab, “No! No! Saan galing ‘yan?”

Itinanong din ni Kuya Boy ang tanong ng mga netizens kung bakit paper plates ang gamit sa napakabonggang wedding nila.

“Kay Ate Toni (Gonzaga),” natatawang sabi ni Zeinab. 

Paliwanag niya, “Ano po ‘yun, kaya may paper plate dahil sa cocktail area. May pika-pika kasi after the ceremony, after the fireworks. Para hindi naiinip ‘yung aming mga bisita po at ‘di masyadong magutom. Nag-ready po kami ng pika-pika. So, that’s a pika-pika. Hindi s’ya ‘yung sa reception po.”

Nilinaw din ni Zeinab ang tungkol sa P20 million worth na ginastos nila sa wedding.

“OA (overacting) po… Hahaha! Ako po, nag-comment po talaga ako ng OA. Kasi masyado nilang pinapalaki. Even the cake, P2M na hindi naman po talaga. At hindi rin po umabot ng P20M ‘yung wedding,” esplika ni Zeinab.

Nagbigay din ng kanyang reaksiyon si Ray tungkol sa laki ng budget daw nila for their wedding.

“To be honest, na-humble po ako and blessed at the same time. Kasi po, ganu’n po ang taas ng tingin nila sa amin. Pero ‘yun nga po, hindi naman gumastos ng P20 M. Pero blessed po kami dahil na-present ‘yung elegance and ‘yung wedding na ganu’n,” lahad ni Ray.

Samantala, waiting din ang mga netizens sa kung ano ang paliwanag ng newlyweds tungkol sa pagbabawal na pumunta sa wedding nila ang ina ni Zeinab na si Marife Ocampo. Pero tila umiwas ang bagong kasal na pag-usapan ang tungkol dito.

Nangako naman ang isa’t isa ng katapatan sa kanilang marriage vows.

Sey ni Zeinab, “Forever akong magiging great wife and mom sa aming future kids and sa aming dalawang anak.”

Pramis naman ni Ray, “Nangangako ako na mamahalin kita to the ups and to the downs... I will remain faithful.”

So, there.

---

Kumpirmado na ang susunod na teleserye ng tambalang Kim Chiu at Paulo Avelino (KimPau). Gaya ng nauna na naming isinulat days ago, it’s a totally different genre na mapapanood sa Kapamilya Network.

New look kumbaga ang inaabangang teleserye ng KimPau, at ito ay ang romance-suspense series na pinamagatang The Alibi (TA), na ayon sa aming source ay isa ring period drama series.

Meaning, ang production ay naka-set in a past era. Kaya asahang makikita sa bagong serye ng KimPau ang metikulosong atensiyon na ibibigay sa historical details sa settings, costumes and social customs.

Kasama sa mga bumubuo ng TA ang mga direktor na sina FM Reyes at Jojo Saguin, writer na si Danica Domingo, at mula ito sa produksiyon ng Dreamscape Entertainment.

Ang TA ang kasunod na proyekto nina Kim at Paulo pagkatapos ng kanilang

matagumpay na mga seryeng Linlang at ang Philippine adaptation ng What’s Wrong With Secretary Kim (WWWSK). 

Bumida rin sila sa box office hit movie ng Star Cinema na My Love Will Make You Disappear (MLWMYD).

Abangan ang iba pang mga detalye tungkol sa TA bukod sa eksklusibong impormasyon na nalaman namin sa setting ng bagong proyekto ng KimPau.