Paolo, habang ka-bonding ang mga anak kay Lian… YEN, TODO-POST NG PAGPAPA-CUTE SA PAGKAIN NG DONUT

ni Julie Bonifacio @Winner | August 9, 2025

Photo: Yen Santos - IG

Habang panay ang post ni Paolo Contis sa social media ng bonding niya with his children kay Lian Paz, todo-post si Yen Santos sa Instagram (IG) ng mapang-akit niyang mukha.

Ipinost ni Yen ang pictures niya habang nang-iinggit sa pagkain ng donut.

Tila pinaglalaway niya ang kanyang mga followers sa kung paano siya kumain.

May pose siya kung pa’no kumagat ng donut, tumakam na tila matagal nang ‘di nakakain ng donut at meron din namang pa-demure.

Pero ang agaw-pansin ay ang pagsupsup niya sa matamis na katas ng donut.

‘Kalokah si Yen, ha? Ginawang kuhol ang donut sa pagsupsup.

Caption ni Yen: “Just me and my sweet sidekick (girl with hand on head & donut emoji).”

Iba naman ang interpretasyon ng ilan sa mga followers ni Yen na parang patama kay Paolo.

Sey ng mga netizens:

“Donut (Do not) hide from me! Magpakita ka sa ‘kin.”

“Donut, eme-eme.”

“Dami na naman gusto maging donut.”

Patama nga kaya kay Paolo Contis ‘yan sa mga posts niya about making up sa kanyang mga anak?

Well….

---

Zsa Zsa, nagpaabot ng pakikiramay sa tita…

UTOL NI DABOY, PATAY SA SUNOG

IBINALITA ni Rap Fernandez sa kanyang Instagram (IG) kahapon ang pagkamatay ng kanyang tiyahin na si Beth Fernandez.

Si Beth ay kapatid ng yumaong action star at ama ni Rap na si Rudy Fernandez. Isang old photo ng kanyang tiyahin ang ipinost ni Rap.

Caption ni Rap: “Yesterday my father’s sister Beth Fernandez died tragically in a house fire. Rest in peace, Tita Beth.”

Marami ang nakiramay kay Rap sa pagkamatay ng kanyang auntie including the Divine Diva na si Zsa Zsa Padilla.

Comment-post ni Zsa Zsa, “RIP, Tita Beth (crying face emoji).”

For sure, nalungkot din sa balita ang iba pang members ng Padilla clan kasama na si Sen. Robin Padilla.

Ang daming naging aberya… MOVIE NI RODERICK, 4 NA TAON BAGO NAIPALABAS

ni Julie Bonifacio @Winner | August 8, 2025

Photo: Roderick Paulate via Bulgar

Ipapalabas na ang comeback movie ng nag-iisang Roderick Paulate sa direksiyon ni Julius Ruslin Alfonso, ang Mudrasta: Ang Beking Ina (MAKI) mula sa CreaZion Studios.

Matagal na rin naming inaabangan nu’ng maikuwento sa amin ni Direk Julius na ang husay-husay at wala pa ring kupas si Roderick, or Kuya Dick na tawag sa kanya ng mga taga-showbiz, sa mga nakakatawa niyang eksena sa movie.

Kaya ang question sa naganap na media conference ng Mudrasta ay kung bakit natagalan bago maipalabas ang pelikula ni Kuya Dick na nakatakdang ipalabas sa mga sinehan on August 20, Wednesday.

Ayon kay Kuya Dick, “Unang-una, I think, inabutan kami ng pandemic. So, s’yempre, hindi agad ipinalabas. Tapos, sabihin na natin na after nu’ng pandemic, s’yempre nabalitaan naman natin na hindi masyadong… medyo ayaw ng taong bumalik ng sinehan. “They really had a difficult time to think kung kailan talaga dapat ipalabas. So, marami silang inisip na playdates. So, in other words, to cut the story short, they really had a difficult time to think kung kailan dapat ipalabas.

“So I guess, after a while, doon nila naisip na, another reason… ‘Direk, dapat ikaw na sa part na ‘to, teknikal.’ So they have to cut it to… ‘Direk, gaano kahaba ang pelikula?’” tanong niya kay Direk Julius na katabi niya sa stage during the mediacon.

Pahayag ni Direk Julius, “Hmmm… ‘yung first cut kasi namin was more than two hours. And then, nag-viewing kami nina Kuya Dick, parang nahirapan kami to cut or edit out. Gusto namin, ‘yun ‘yung ano, and then, kailangan talaga namin s’yang i-cut into an hour and 40 (minutes).

“So, natagalan ‘yung editing namin and then, we decided na sige. Parang hindi pa s’ya panahon para ipalabas dahil nga sa attendance sa mga cinema.

“Very inconsistent after pandemic because people, nasanay na sa streaming.”

Until nag-regroup ang creative team ng Mudrasta last year.

“Kasi sabi namin, baka, ako naman for one, naniniwala ako it’s God’s perfect time. Laging ganu’n naman ‘yun, eh. So, hindi naman ako nawalan ng interest at all. Lahat kami, we remained in contact,” lahad ni Direk Julius.

Dugtong pa niya, “So, nag-regroup and then we opted, we decided on what to do and how to cut it. And then, ‘yun.

“May mga playdates supposedly, May for Mother’s Day. June for June bride. And then, we finally decided on an August playdate.”

Regroup means creatively nag-cut daw ang editor ng film.

Pagpapatuloy ni Direk Julius, “And then, T-Rex (Entertainment) kasi ito before. And then, nag-collaborate na sila with CreaZion.

“Iba ‘yung perception na gusto naming mangyari. Sa kanila, iba rin. Pero nagkasundo kami on what to do. So, it took some time for that.

“Naging happy kami sa nagiging… hindi naman compromise, nagiging resulta nu’ng final ano namin, edit.”

Ginawa nila ang Mudrasta taong 2021. After 3 years, ang daming nangyari sa industriya.

Kasama rin sa pelikula sina Tonton Gutierrez, Carmi Martin, Elmo Magalona, Ruby Ruiz, Sunshine Teodoro, Awra Briguela, Joel Saracho, Odette Khan and Ms. Celia Rodriguez. Introducing si Arkin Magalona.

Samantala, nilinaw ni Kuya Dick na nagsimula siyang gumanap bilang gay sa big screen sa pelikulang Charot. Hanggang sa nakita ng Seiko Films at Regal Films ang husay niya sa pagganap bilang gay sa pelikula.

Esplika ni Kuya Dick, “Gusto ko lang ikorek kasi parang ang notion ng publiko about sa gay roles ko sa comedy films all started sa Regal Films.

“Eh, gusto ko rin namang bigyan ng credit ang Seiko Films. Nagsimula kasi ang box-office ko, humility aside, sa Ako si Kiko, Ako si Kikay. Then followed by Leroy, Leroy, Sinta.

“Then, wala tayong magagawa… mabilis si Mother (Lily Monteverde, Regal Films), kinuha n’ya ako. Pinapirma n’ya ako ng kontrata, ‘yun na. Nangyari naman ang mga phenomenal films (ko) sa Regal Films.”

Trulili…

Kaya sad sa video… KIM, DAMAY SA AWAY NG MGA KAPATID

ni Julie Bonifacio @Winner | August 6, 2025

Photo: KIm Chiu - IG

IBINUKING ng mga netizens na may something sa mga kapatid ni It’s Showtime (IS) host Kim Chiu.

Sa post ni Kim sa Instagram (IG) kahapon, marami ang nakapansin sa malungkot na mga mata niya sa video when she went sa condo ng kanyang kapatid at pamangkin.

Caption ni Kim sa kanyang IG post na video, “Didn’t expect it. I didn’t prepare for it. I just needed this moment to breathe. Thank you, sis @twinklechiu @carlo\_anton22 and baby #carlita.”

May nag-akala na may kinalaman sa relasyon niya kay Paulo Avelino ang sadness na na-feel ng kanyang mga followers sa mukha niya.

Sey ng mga netizens:

“Kimmy, sana magkaroon din ng sarili mong anak balang-araw (red heart emoji).”

“Ay, maghintay tayo kung kailan n’ya gusto, bhie. ‘Wag natin i-pressure.”

“Kimmy, excited na kami makita ‘yung sarili mong anak. Sana magpakasal ka na (red heart emoji).”

Pero ini-reveal ng mga followers ni Kim ang posibleng dahilan ng sadness sa face ni Kim sa video.

“Who’s cutting onions right now? Feel ko sad ka today, Kimmy. Always remember whatever happens, our love and support for you is always there; hindi mababawasan ‘yun so much, Kimmy. We love you! TIGIL. HINGA. KALMA, AH!”

“About sa role n’ya ‘yan. She’s a bit stressed kasi very challenging. First time for her to do a role as challenging as this.

“Nope, sibling’s problem ‘yan. ‘Yung ate nila since 2023 pa, ‘di okey kay Twinkle at JP now, si Kim naman unfollowed na… masyado rin matandang dalaga.”

So, may problema pala si Kim sa kanyang mga kapatid? At tila naiipit siya sa “gap” ng kanyang mga kapatid.

Pinalakas naman ang loob ni Kim ng kanyang mga fans/followers sa kanilang comments. 

Sey nila, “You might not see it, Kimmy, but you’re doing better than you think. We’re proud of you. Keep going, I am always rooting for you.”

“Ang sarap balikan kung saan ka nagsimula at makita ‘yung achievements na napaghirapan mo, para sa pamilya at congratulations para sa ‘yo, Kimmy. Ikaw ang role model na dapat i-look up kahit ano man ibato sa iyo. Eto, naipakita mo ‘yung mga bagay na ‘di makukuha sa ‘yo ng kahit na sino.”

“Kaya mo ‘yan, Chinita. Mahusay ka talaga.”

Hopefully, magkaayos na ang mga kapatid ni Kim Chiu, kung meron mang problema.

---

DALAWANG celebrity teams na binubuo ng tatlong miyembro ang nakisaya at nakipagkulitan sa MASA-sagot Mo Ba? segment ng It’s Showtime (IS) kahapon.

Ang Team Viva Hot Babes na kinabibilangan nina Maui Taylor, Jaycee Parker at Zara Lopez at ang Team Miss Q & A nina Anna Patricia Lorenzo, Karen Montecillo at Matrica “Matmat” Centino ang nagharap sa MASA segment.

Sa pagtatapos ng segment, ang Team Miss Q & A ang nanaig at naglaro sa jackpot round, kung saan sila ang pinakaunang naka-perfect score mula nang i-launch ang larong ito noong Hulyo at nag-uwi ng kabuuang premyo na P70,000.

Okey na okey talaga ang Monday dahil sa pambihirang pagbisita ni Kapamilya heartthrob at It’s Okay To Not Be Okay (IOTNBO) star Joshua Garcia na bumati sa lahat ng “Happy day!”

Nakasama niya sa panel of board members ang mga naggagandahan at naggagalingang aktres na sina Iyah Mina at Max Collins, na naghatid din ng kakaibang entertainment sa lahat.

Dalawang nagguguwapuhang kalalakihan muli ang nagpamalas hindi lamang ng kanilang tikas, kundi pati na rin ng kanilang talino at talento sa Escort Mo, Show Mo. 

Si John Michael Baterna, a.k.a. Ongkoy, ipinakilala ang sarili niya bilang ang “Lee Min Ho” ng Brgy. Plaza Aldea, Tanay, Rizal, habang si Richard Libario, a.k.a. Chabo, naman umano ang “Joshua Garcia” ng Brgy. San Fernando, Malvar, Batangas.

Muling napasabak si Ate Girl Jackie Gonzaga sa on-the-spot aktingan kasama si Ongkoy, na pinagkamalan pa nga siyang si Kim Chiu! 

Well, parehas silang maputi, chinita, matangkad, maganda, at mahaba ang buhok kaya ‘di rin talaga natin siya masisisi. Habang isang nakakakilig at nakakatawang harana naman ang inialay ni Chabo kay Jackie na kinaaliwan naman ng lahat.

Samantala, hindi napigilan ni Baby Doll-referee Juby na mapa-open up tungkol sa kanyang problema sa pag-ibig nang pansinin ni Vice Ganda ang hindi niya pag-react matapos humampas ang pito sa mukha niya habang nagsasayaw. 

Dahil dito, inihingi ni Vice ng love advice si Baby Doll Juby kay board member Joshua, na noong una ay nahiya pa at napatanong kung bakit biglang napunta sa

kanya. 

Sa huli, pinayuhan niya si Baby Doll Juby na, “It’s okay to not be okay.”

Matapos nila tayong pakiligin sa kanilang karisma, kakulitan, at katalinuhan sa unang bahagi ng Escort Mo, Show Mo segment, nagpakitang-gilas naman sina Ongkoy at Chabo. Hinarana ni Ongkoy ang lahat sa kanyang rendisyon ng She Will Be Loved ng Maroon 5, habang kinagiliwan naman ng tanan ang dance number ni Chabo.

Sa bandang huli, si Chabo ang itinanghal na “Escort of the Day” matapos na makakuha ng 95% na grado mula sa kapita-pitagang board members, habang si Ongkoy naman ay nakakuha lamang ng 91%.

Nakakaaliw talaga ang It’s Showtime!