'Di lang si Pia… MAJA, DAMAY NA RIN SA MGA PASABOG NI JANUS LABAN KAY GERALD

ni Julie Bonifacio - @Winner | August 26, 2021

Hindi na-intimidate si Janus del Prado ng death threats and bashing sa social media dahil sa mga pinakawalan niyang mensahe laban sa dating katrabaho na si Gerald Anderson, bagkus ay mukhang mas naging palaban si Janus and more revelations were unveiled.

At dahil sa mga rebelasyong inilabas ni Janus, nagpistang lalo ang mga netizens sa socmed. Pati ang mga dating isyu kay Gerald ay binuhay ng mga netizens.

"So, totoo nga na may nangyari sa kanila ni "P" noon? Hala loko-loko."

"Nag-sorry man lang ba 'yang P na 'yan kay B? Parang hindi rin yata."

"The tea has been spilled!!!"

Kung may nanakot kay Janus, may mga netizens din naman na nagpakita ng suporta.

"True, hahaha! Kaya kay Janus, I support you. Spill more tea pa!"

"Go, Janus! Hahaha."

Bukod sa letter "P", may letter "M" din na binanggit ang mga netizens.

"Halata naman na totoo kasi P & M were never the same."

"Naku, lumang issue na 'yan! Nabalita na 'yan dati pa! Akala ko naman, bago ang ii-spill mo! 'Yan siguro epekto ng walang trabaho, 'no? Pilit na binabalikan ang nakaraan!"

"Sinu-sino mga letters na 'to... spill the tea, mga sis."

Madali namang hulaan kung sino 'yung letter "P" dahil hanggang ngayon, natatanong pa rin siya about Gerald kapag iniinterbyu. Bago pa man naugnay si Gerald kay letter "J," si "P" muna.

And now, pati si Maja Salvador na na-link din kay Gerald ay inungkat muli ng mga netizens. Pero apela ng iba, sana raw ay 'di na isali ang mga nakaraang female celebs na natsismis kay Gerald.

"Sana lang, 'di na siya nandamay pa ng tao na nananahimik na para lang patunayan 'yung point niya. Sobrang tagal na nu'n, eh."

"Sana, dati pa siya nagsalita. What triggered him? 'Yung pagso-sorry ni Gerald kay Bea? Eh, ano ba dapat? Huwag mag-sorry? Naayos naman na pala friendship nila ni Bea, eh, so ano pang problema? The fact na ipinagtanggol, ibig sabihin, somehow you understand Gerald at that time. Kung alam mong mali ginagawa, bakit mo ipagtatanggol? Tawag du'n, kinunsinti."

'Yun na!

Super-enjoy sa Siargao, kumakain kahit sa karinderya… NADINE, TODO-LAKWATSA SA UMAGA, WALWAL SA

GABI KASAMA ANG BAGONG FRENCH BF.

ni Julie Bonifacio - @Winner | August 25, 2021

Panay ang labas ng mga nakunang larawan at videos ng mga taga-Siargao sa aktres na si Nadine Lustre with her rumored boyfriend na si Christophe Bariou.

Expected naman 'yun dahil sikat si Nadine na kahit mga taga-probinsiya ay kilala siya at talagang mae-excite na kunan siya ng larawan o video.

But what added extra flavor sa mga kuhang pictures and videos ni Nadine ay ang diumano' y boyfriend niya na si Christophe na maituturing na isa rin sa mga locals ng Siargao. Kaya tuloy kahit saan magpunta, parang may paparazzi na laging nakaabang sa kanila.

Kung saan-saan din kasi siguro ipinapasyal ng Fil-French swimmer si Nadine sa Siargao. This must be the reason kaya sinasabing pagala-gala si Nadine roon.

Nand'yang kumain siya sa karinderya, i-meet ang ibang locals sa Siargao at mag-party-party.

"How sweet naman, ipinapakilala na si Nadine Lustre sa locals ni Cristophe Bariou. Island tour sa umaga, walwalan sa gabi! How romantic!" comment ng netizen.

"Nadine Lustre and Cristophe Bariou kumain sa karinderya sa Siargao. How sweet! Hindi naman pala sobrang tangkad ni Cristophe. Saka wala na ba s'yang ibang shorts? 'Yung white sando, ginaya ba 'yan?"

Eh, baka naman nagpaplano si Nadine na manirahan sa Siargao someday gaya ni Andi Eigenmann? Na mula nang makilala ang surfing champ na si Philmar Alipayo ay pinili nang mamuhay sa Siargao.

Malay natin, baka dahil kay Andi ay nagkaroon ng ideya si Nadine na puwedeng magkaroon ng isang simpleng buhay sa Siargao ang artistang tulad nila.

Ngayon pa lang ay kinikilig na ang mga netizens kina Nadine at Christophe. Gusto na nilang mag-stay si Nadine sa Siargao, pakasal kay Christophe at magkaroon ng baby.

"Nadine Lustre with her new BF Christophe! Happy for you, Nadine! Pakasal na kayo!"

"Tulo-laway ni Nadine Lustre sa jowa n'yang Afam na si Cristophe Bariou! In love na in love si ateng! Ang bilis talaga niyang ma-fall bespren Andrei! 1 Siargao trip lang, hulog na hulog na! Bumalik na agad to stay! Aww!"

Si Christophe raw ay owner and co-founder ng online magazine na BE Siargao. Founder and managing director din daw ang rumored BF ni Nadine ng luxury resort sa Siargao, ang Maison Bukana.

Wow.

Mexican actor na leading man noon ni Thalia… FERNANDO CARILLO, TODO-SUPORTA KAY PACQUIAO KAHIT TALO

ni Julie Bonifacio - @Winner | August 24, 2021

Natalo man sa laban sa boksing si Sen. Manny Pacquiao, inulan pa rin siya ng pagbati sa iba't ibang panig ng mundo.

Isa na d'yan ang dating Mexican telenovela actor na si Fernando Carillo. O, 'wag n'yong sabihing nakalimutan na ninyo ang famous leading man ni Thalia sa mga telenovela na kinabaliwan ng mga Pinoy noon.

Bago pa man nauso ang Koreanovela or Asianovela, nauna nang kinakiligan ng mga Pinoy ang mga Mexican telenovela ni Thalia lalo na 'yung with Fernando Carillo na Rosalinda.

Anyway, sa madamdaming mensahe ni Jinkee Pacquiao para sa kanyang mister na si Sen. Manny sa kanyang Instagram account, kahit natalo ay makikita ang mga pagbati ng mga celebrity friends ng mag-asawa sa comment section.

Pero nagulat talaga kami when we chanced upon 'yung naka-post na comment ni Fernando Carillo sa IG story ni Jinkee.

Sey ng Mexican actor, “Beloved brother in CHRIST; YOU are and will always be THE CHAMPION OF ALL THE PEOPLE, THE CHAMPION OF THE WORLD and above all, THE CHAMPION OF GOD. Vegas is not a good place. I feel you were robbed. But that’s just my humble opinion. Win, lose or draw, YOU ARE ALWAYS A WINNER and THE BEST IS YET TO COME. I know and I feel that GOD has a beautiful plan for you and your amazing family. We hope to see you soon. Love and endless blessings from us to you. Ferr, Gaby and Baby Milo. We love you brother.”

Tinawag na “brother in Christ” ni Fernando si Sen. Manny. So, we guess Christian na rin pala si Fernando.

Sinilip namin ang kanyang Instagram, may post siya na short video kung saan binabasahan siya ni Sen. Pacquiao ng ilang verses sa Bible habang very attentive naman na nakikinig si Fernando.

Waiting naman kami na baka mag-post din ng comment si Keannu Reeves sa IG story ni Jinkee. Eh, 'di ba nga, dumalaw pa si Keannu sa bahay ng mga Pacquiao sa US dati?

Ang bongga kaya kapag inimbita ni Sen. Pacquiao sina Keannu at Fernando na sumama sa kanyang political campaigns kapag itinuloy niya ang planong pagtakbo sa pagka-presidente next election.

Tiyak, winner 'yun!