'Di raw apektado, pero… PIA, NAG-REACT NA SA PATUTSADA NI JANUS SA MILAGRONG

NANGYARI SA KANILA NI GERALD.

ni Julie Bonifacio - @Winner | August 29, 2021

Dahil sa mga controversial posts ni Janus del Prado sa Instagram, muling naungkat ang isyu kina Gerald Anderson and Miss Universe 2015 Pia Wurtzbach, bagama't ilang beses na ring nilinaw ng dalawa ang isyu ng pagkaka-link nila sa isa't isa noong ginawa nila ang Direk Cathy Garcia rom-com movie na My Perfect You.

Pa-blind item man ang pagkakasulat ni Janus sa kanyang IG post tungkol sa diumano'y pagtatakip ng grupo nila sa OMC (na hinala ng netizens ay title ng pelikula nina Bea Alonzo at John Lloyd Cruz under Direk Cathy's direction na One More Chance) sa 'milagrong' ginawa nina "G" at "P" sa set ng MYP, agad namang nahulaan ng mga netizens ang mga taong involved.

Sa gitna ng mga posts at pahayag ni Janus against Gerald, mas pinili ng ex-boyfriend ni Bea na huwag patulan ang dating child actor.

Pero laking-gulat naman ng mga netizens sa isang cryptic post ni Pia kahapon na hango sa quotation ni Eleanor Roosevelt.

Tweet ni Pia sa kanyang Twitter account, "No one can make you feel inferior without your consent."

Kino-consider ng mga netizens na "patama" ang post ni Pia sa current controversy regarding Janus and Gerald.

Ilan sa mga comments na nabasa namin…

"'Nah Pia, that is not a real reply. Give the netizens an official statement, pls?"

"Are you serious? She owes the netizens nothing. Ikaw nga, paki-explain bakit ka ganyan mag-isip. I-official statement mo, ha?"

"Unbothered queen."

Tinutulan ng iba na unbothered si Pia sa naglabasang isyu.

"'Di affected pero may pa-quote."

"Apektado. Nag-react, eh? May pa-quote."

"True, bothered s'ya in a way."

May nag-comment din na netizens na 'wag seryosohin o bigyan ng ibang kahulugan ang tweet ni Pia.

"She always posts quotes on her Twitter. Doesn't mean it's a reaction to anything. She's living her best life."

But there are some na nag-i-insist na dapat magsalita na si Pia.

"Sana, sabihin n'yang nothing happened, it was just work and nothing personal."

Say pa ng netizen, "Luh, hindi niya kailangang mag-explain."

"Ignore it, Miss Pia. It's a totally senseless issue."

"May nangyari man o wala, it's none of our business. She doesn't owe us any explanation. They may be public figures, but they also have their own lives so might as well mind our own."

"Go, Pia, enjoy life lang with your dyowa! Dedma na sa isyu!"

So there.

Katas daw ng showbiz… FRANCINE, MAY DREAM HOUSE NA, MAY KOTSE PA AT NAPAG-AARAL ANG MGA UTOL

ni Julie Bonifacio - @Winner | August 28, 2021

Natupad na ni Francine Diaz ang long-time dream ng kanyang family na magkaroon ng sariling bahay at sasakyan. Ini-reveal ni Francine ang tungkol dito sa latest vlog sa YouTube ng famous beauty surgeon na si Dra. Vicki Belo.

Mula sa mga kinita niya sa pag-aartista siyempre pa kaya nakabili na ng bahay at kotse si Francine for her family.

“Gustung-gusto kasi namin ng sariling bahay. Actually, palipat-lipat nga kami. Ngayon, nakakatuwa na meron na kaming house and may car na rin. 'Yung top two na sobrang kailangan namin, 'yun 'yung inuna ko. And ngayon, 'yung mga kapatid ko, nag-aaral pa sila and gusto ko, ma-achieve na may makapagtapos ako na kapatid sa pag-aaral,” pahayag ni Francine kay Dra. Vicki.

Plano rin ni Francine ang makapag-college after niyang magtapos sa high school.

“Siyempre, kasama sa dream ko 'yung sa college kasi I believe, hindi naman pang-forever 'yung fame, so kailangan, parati ka may fallback, na meron kang ititira for yourself. So, 'yun 'yung gusto ko na mag-college ako, para kahit papaano, if ever magtayo ako ng business, kung mawalan man ako, huwag naman sana ngayon, ng work, at least may nag-aantay sa akin na puwede kong pagkaabalahan in the future,” lahad niya.

Pangatlo si Francine sa anim na magkakapatid, pero wala raw sa mga kapatid niya ang may gustong pasukin din ang showbiz.

"Kung gusto nila, susuportahan ko sila, pero wala silang balak, eh (laughs). Sobrang mahiyain sila. Maski may bisita sa bahay, nahihiya silang bumati. Hanggang hi lang sila. Pero kung gusto nilang mag-artista, susuportahan ko sila," sabi pa ng isa sa mga bida ng Kapamilya teleserye na Huwag Kang Mangamba.

Wa' paki kahit walang make-up… NADINE, NAMALENGKE SA SIARGAO NA NAKA-SWIMSUIT

ni Julie Bonifacio - @Winner | August 27, 2021

Kumalat na naman ang latest photo ni Nadine Lustre sa social media habang nagbabakasyon sa Siargao.

Nadine's latest photo na nag-viral sa socmed ngayon ang pinakamalinaw at pinakamalapit na kuha sa aktres. And this time, hindi kasama ni Nadine sa piktyur ang rumored boyfriend niyang Fil-Am-French swimmer na si Christophe Bariou.

Makikita sa piktyur na tila may binili si Nadine sa isang tindahan na parang nasa loob ng maliit na palengke located sa General Luna, Surigao Del Norte. Napakasimple ng hitsura ni Nadine habang bumibili sa tindahan ng isang bote na pamilyar bilang lechon sauce.

Walang makeup si Nadine at ang suot ay swim top na labas ang kanyang tiyan paired with denim shorts.

Ang netizen na si Arah Mae Conte ang kumuha ng piktyur ni Nadine habang bumibili sa tindahan.

Caption ni Arah Mae sa kanyang FB post na piktyur ni Nadine, “Kng pag suyod pa lamang sa bayay tag kit-an ko nkaw di ko nkaw gjud pa lugwaon Nadine." (Kung pagpasok pa lang sa bahay, Nadine, nakita na kita, 'di na kita palalabasin.)"

Nainterbyu rin pala ang naturang netizen sa isang kilalang broadsheet at dasal niya, huwag daw magalit sa kanya si Nadine sa pag-upload niya ng larawan ng aktres.

"Nu'ng pag-picture ko po, tumingin lang sa 'kin, tapos balik po agad sa tinda po namin, kasi sinuklian na siya. Sana lang po, 'wag magalit si Nadine po, na-shock lang po talaga ako."

'Kaaliw naman ang mga comments ng mga netizens sa piktyur ni Nadine. May kani-kanya silang kuwento kung ano ang ulam ni Nadine at kung anik-anik pa.

"'Yung nautusan ka ng nanay mong bumili sa tindahan. (MANG TOMAS PO HAWAK NIYA)"

"Nadine living a simple life in Siargao."

"Mukhang may bagong endorsement na naman si Mama HSHSHSHSHAHA."

May mga nagretoke na rin ng piktyur ni Nadine at isinama ang sarili nila katabi ang ex-GF ni James Reid. Habang ang ibang netizens ay pinuri ang "no makeup look" ni Nadine sa piktyur.

"Walang paki si Nadine sa kulay niya, babad du'n, babad sa beach or pool, maglakad sa mountain... 'pag tunay na maganda talaga, umitim man, walang takot, eh."

"She looks so young without makeup."

"Queen Nadine is so adorable going out without hesitation knowing who she is."

In fairness kay Nadine, iba rin talaga ang ganda at kulay niya.