KRISTINE, MAS PINILING MAGING NANAY SA 5 ANAK KESA BALIKAN ANG SHOWBIZ

ni Julie Bonifacio - @Winner | April 20, 2022

Tumira pala sa iisang bahay ang King of Talk na si Boy Abunda at ang former Kapamilya Primetime Teleserye Queen na si Kristine Hermosa.

‘Yan ang ibinulgar ni Kuya Boy sa kanyang exclusive interview sa misis ni Oyo Sotto — na isa sa pinakamagaganda, kundi man pinakamagandang aktres sa kanyang henerasyon — sa The Interviewer Presents: Kristine Hermosa content sa YouTube channel ng TV host.

Bago mag-isip ang iba, ang ibig sabihin ni Kuya Boy ay may dating tinirhan na bahay si Kristine na inupahan din ng TV host.

“May isang bahay na pagkatapos umalis nina Tin (pet name ni Kristine), kami naman ang tumira,” kuwento ni Kuya Boy.

Introduction pa lang ni Kuya Boy kay Kristine ay inulan na agad ng comments mula sa mga netizens.

“She is one of the most beautiful, inside and out, young mother in this country,” pagpapakilala ni Kuya Boy kay Kristine.

Say ng netizen, “Ang ganda ni Kristine, sobra. The most beautiful woman in the whole Philippines. Kahit walang makeup.”

“The most beautiful actress here in the PH. Saw other artistas na, pero siya talaga 'yung pinakamaganda."

Sa true lang, agree kami sa sinabi ng mga netizens. Kaya ang dami talagang nanghinayang nu’ng tumigil si Kristine sa showbiz, bagama't panaka-naka ay lumalabas siya sa telebisyon with Oyo.

“Actually, Tito Boy, it was my choice. Choice ko ‘yun kasi parang medyo too much ako pagdating sa (work), kumbaga, nawala rin talaga ‘yung childhood, which is happy ako doon, kasi nabigyan ako ng pagkakataon to experience that. So, eto na ako ngayon,” pahayag niya.

Nagpokus kasi talaga sa mga anak nila ni Oyo si Kristine. Lima ang anak nila, four boys and one girl. Ang panganay ay si Kristian Daniel or simply Kiel, Kaleb Hanns, Marvic Valentin, ang only girl na si Ondrea Bliss at ang youngest na si Vittorio Isaac.

“Well, ngayon, maliliit pa ang mga anak ko, masasabi ko na hindi ko siya puwedeng gawin nang hati-hati. I mean, I can do that kung pipiliin ko, pero mas pinipili ko to stay with them, alalayan sila hanggang sa lumaki sila. Siguro, 'pag malalaki na sila, that’s the time na unti-unting you know, balik sa showbiz," esplika ni Kristine.

Aminado si Kristine na siya man ay nami-miss na rin ang pag-arte. Pero mukhang matatagalan pa since she just gave birth kay Vittorio last August, 2021. Beybing-baby pa ang bunso nina Oyo at Kristine.

Gustong magkaanak pero… MARKKI, NAWALAN NA NG GANA SA BABAE

ni Julie Bonifacio - @Winner | February 17, 2022

Loaded ng activities si Markki Stroem last Valentine’s Day kaya wala siyang time para mag-senti kahit walang ka-date last February 14. Instead, na-celebrate siya ng Valentine’s Day with his sibling.

Inamin ni Markki na wala siyang karelasyon ngayon nu’ng makausap namin siya pagkatapos ng press preview para sa last episode ng successful BL series nila titled Love at the End of the World last Tuesday.

“I don’t believe in relationship. I stop believing in relationship,” lahad ni Markki. “Uh, I don’t know. Nawala ‘yung interest ko for love. Nag-focus muna ako sa sarili ko, sa work, sa family.

And then, kapag nakaipon na ako ng money, ‘yun, I’ll send my kids to college or high school kung may pera na ako for that.”

Four years na raw siyang walang karelasyon. But looking forward pa rin naman siya to have a family of his own.

“Yeah, I wanna have kids. I wanna send them to my high school. Nag-IS ako, International School, ‘yan ang goals ko. Saka, hindi lang ipon for my side. I mean, hindi naman mahirap ang family ko. They’re very well, pero I don’t want to rely on my parents kapag nagkaroon ako ng anak,” pahayag niya.

Pero ‘di matiyak ni Markki if he’ll end up in a family sa traditional setup na may misis siya and all that. It depends daw ‘yun kung kanino siya mai-in love and spend the rest of his life with — puwedeng boy, puwedeng girl.

“Yeah, I want kids. I’m not closing doors. I mean, if I fall in love with someone, fall in love with someone. Pero ngayon, wala akong believe system sa love. I’m very close to asexuality kasi. Wala akong sex drive. Katulad ng mga komedyante na nakakatawa sa screen pero pagkatapos, ‘di ba?

“Ako, sexy sa screen, but as a person, hindi ako sexuality driven. Hindi ako interested sa sex. Minsan, for example, nagkaroon ng sex moment or whatever, minsan, ina-act ko na lang. Kasi, wala akong sex drive. Boy, girl, wala akong sex drive,” malungkot na sabi ni Markki.

Nagulantang naman ang karamihan sa mga entertainment press sa mapangahas na eksena niya and the rest of the cast ng Love at the End of the World sa opening ng last episode ng series ni Direk Shandi Bacolod.

Bibilib ka rin sa professionalism ng mga bida ni Direk Shandi sa BL series na pumayag na gawin ang napaka-daring na eksenang ginawa nilang lahat, kabilang na si Markki.

Kuwento ni Markki, “Uh, I guess, part ‘yan ng role, eh. So, ginawa ko. Haha! Prepared naman ako kasi. I mean, nagawa ko naman ‘yun sa Unlocked dati, ‘yung isa kong series. Part lang ng role, so kailangan kong gawin. And if it’s part of the story, wala naman akong arte sa ganyan.

“Galing kasi ako sa teatro. We’re super ano, may orgy kami dati sa Hair, The Musical. So, I mean, depende sa role. ‘Pag kailangan, gagawin at ‘pag love ko.

“Marami ring nagtatanong sa akin na mga taga-industry kung bakit, ‘Markki, ba’t parang nag-iiba ang personality mo every single time?’

“Well, like ngayon, for example, may pinaghahandaan akong bagong movie, I think, mainstream, ‘di ko pa puwedeng sabihin, pero straight ‘yung character ko rito. Kontrabida ang role ko. That’s why lumaki ‘yung katawan ko. The last time na nagkita tayo, drag queen naman ‘yung karakter ko. So, payat, medyo flamboyant, medyo feminine. For this, iba naman. So, depende sa ginagawa ko, at the time.”

Nasa audience na raw nila ang choice kung magugustuhan o hindi ang mga eksena sa last episode ng Love at the End… na mapapanood ngayon sa Gagaoolala streaming platform.

“Kung magustuhan nila, go. Kung hindi, okey lang din. It’s really up to the audience. At the end of the day, wala na akong paki,” natatawang sabi ni Markki.

Basta ginawa raw ni Markki ang part niya sa series.

Wala rin daw ilangang nangyari among his co-actors sa kanilang BL series.

“I do all the same thing dahil I have to, saka artists din sila and mga friends ko rin sila, eh.

'Yan din ang rule ko sa work, walang sikat dito. Gawin nating lahat ang trabaho natin para maganda ‘yung kalabasan. And from what I saw, maganda ‘yung kinalabasan. I’m happy. I’m proud of all the… especially ‘yung new actors, older actors. Ginawa nila ‘yung parts nila. So proud of them,” ngiti ni Markki.

Kasama rin sa Love At The End of the World sina Gold Azeron, Kristof Garcia, Yam Mercado, Rex Lantano, Mike Liwag, Elijah Filamor and Nico Locco.

RABIYA, IPINAHANAP ANG LOLO NA KINASUHAN SA PAGNANAKAW NG MANGGA

ni Julie Bonifacio - @Winner | January 21, 2022

Humingi ng tulong si Miss Universe Philippines 2020 Rabiya Mateo para hanapin ang lolo na nag-viral sa news dahil nakulong pagkatapos sampahan ng kasong pagnanakaw ng mangga.

Ini-repost ni Rabiya ang news item tungkol sa 80-year-old na si Lolo Narding Floro, inakusahang nagnakaw ng mangga na kanyang itinanim sa lupang akala niya ay bahagi pa rin ng kanyang pagmamay-ari, pero sakop na pala ng ibang may-ari na katabi nila.

Caption ni Rabiya sa kanyang FB post, “Can someone bridge me to Lolo? Finding ways to contact him.”

Maraming netizens ang nagpasalamat at pinuri si Rabiya sa kanyang FB post.

"Thank you, Queen Rabiya Mateo, for having a good heart.”

“Rabiya, you are truly a queen! May puso at maawain. Sana 'yung mga nagsasabi ng masama laban sa 'yo, makita naman nila 'yung kabutihan mo.”

May nagbigay ng payo kay Rabiya kung paano mako-contact si Lolo Narding.

“If I were Rabiya, she can contact the Asingan precinct. Sabi sa paper, eh.”

Bukod kay Rabiya, may ibang celebrities din ang naghayag ng kanilang lungkot at pagkadismaya sa sinapit nu’ng lolo gaya ni DJ ChaCha.

Tweet ni DJ ChaCha, “Nakakapanlumo. 'Yung lolo na 80-anyos na nagnakaw ng mangga, kulong. Eh, 'yung mga magnanakaw sa kaban ng bayan? Hay. Life is really unfair.”

Inayunan naman si DJ ChaCha ng mga netizens sa kanyang tweet. At pati mga pulitikong may kaso ng corruption ay nadawit din sa palitan ng comment ng mga netizens.

“Nakakalungkot pero nangyayari.”

“Pilipinas be like: Nagnakaw ng mangga=arestado. Nagnakaw ng pera ng bayan=ibinoto/ibinoboto/iboboto.”

“'Di naman nagnakaw si BBM, ah, tatay naman niya.”

“Wala namang minention na BBM sa tweet. Bakit defensive? Lelz.”

Anyway, watch n'yo si Rabiya sa kanyang first television program, ang Agimat ng Agila na pinagbibidahan ni Senator Ramon “Bong” Revilla, Jr..

Gagampanan ni Rabiya ang role bilang si Agent Asha Raj sa Agimat ng Agila sa GMA-7 na magsisimula na sa January 22, 2022.