Nagka-bacterial meningitis, mata at tenga apektado… LANI, AMINADONG NASISINTUNADO NA

ni Janiz Navida @Showbiz Special | May 8, 2025

Grabe pala ang nangyari at tumamang sakit sa Asia’s Nigtingale na si Ms. Lani Misalucha at sa kanyang asawang si Noli Misalucha.

Naawa kami sa magaling na singer but at the same time, mas lumaki ang respeto namin sa kanya dahil sa kanyang passion at professionalism sa trabaho at mundong minahal niya nang 40 years!

Yes, 40 yrs. na sa music industry ang 55-year-old na Asia’s Nightingale, kaya naman naisip ng Backstage Productions na ipag-produce siya ng isang very special concert na gaganapin sa The Theater at Solaire on Aug. 21, 2025, 8 PM, titled Still Lani.

Sa media launch ngang ginanap kahapon sa Pandan Resto, QC, bagama’t masakit alalahanin ang nangyaring matinding pagsubok sa kanilang mag-asawa, ni hindi namin nakitang umiyak at naging emosyonal si Lani habang idinedetalye kung paano nila nakuha ang bacterial meningitis na tumama sa kanila ng mister noong October, 2020, kasabay ng kasagsagan ng pandemic.

Kuwento ni Lani, kahit ang mga doktor ay hindi diretsong matukoy kung saan nila nakuha ang bacterial meningitis, pero may suspetsang sa nakain nilang contaminated.

At ang epekto ng sakit na ito, pareho silang mag-asawa na paningin at pandinig ang tinamaan.

Actually, nang itsek daw ng mga doktor ang kanilang mata at tenga ay walang problema kundi sa nerve lang talaga sa brain tumama ang bacteria, na hanggang ngayon nga ay hindi na bumalik sa 100% normal ang kanilang paningin at pandinig.

Kapag lumilingon at ipinapaling daw nila ang kanilang ulo ay nagbe-blurred ang kanilang vision at nahihilo sila. Pero siyempre, bilang singer, mas mahalaga para kay Lani Misalucha ang kanyang pandinig para makakanta nang tama sa tugtog at hindi masintunado.

Kaya bumilib din kami kay Lani nang aminin niyang mula nang nangyari ito sa kanilang mag-asawa 5 yrs. ago, distorted sound na raw ang naririnig ng kanyang right ear kaya siya nasisintunado.

So, ‘yung left ear na lang talaga niya ang ginagamit niya para makinig ng tamang tono. At thankful naman daw siya sa buong team ng Still Lani dahil kahit aminado siyang may takot siya na baka masintunado kapag kumanta nang live sa upcoming concert niya on August 21, naniniwala raw siyang hindi siya pababayaan ng mga ito para makapagbigay sila ng isang maganda at special show sa lahat ng mga fans ng Asia’s Nightingale.

At ang isa pang nakakabilib kay Lani Misalucha ay ang napakapositibo niyang pag-handle sa matinding pagsubok na ito na dumating sa kanilang buhay-mag-asawa.

Aniya, ayaw niyang isipin na kagustuhan ito ng Diyos kundi ito’y tadhana kaya nangyari sa kanila. Kaya wala siyang ni katiting na galit o panunumbat, at sa halip, thankful daw siya na buhay pa rin silang mag-asawa at kasama ang kanilang mga anak at apo.

Kaya naman bilang pasasalamat din sa mga patuloy na kumakanta at tumatangkilik ng kanyang mga old hits tulad ng Bukas Na Lang Kita Mamahalin, Tunay na Mahal, Tila atbp., ito na ang pagbabalik-pasasalamat ni Lani, ang kanyang Still Lani concert na mula sa musical direction ni Toma Cayabyab at concert director naman si Calvin Neria.

Sa The Theater at Solaire piniling ganapin ang concert kesa sa mas malalaking venues tulad ng Smart Araneta Coliseum, MOA Arena o Phil. Arena dahil mas gusto ni Lani Misalucha na maging intimate ang Still Lani.

Ngayon pa lang, inaabangan na ang mga birit songs ni Lani Misalucha sa kanyang 40th anniversary concert titled Still Lani, maging ang kanyang mga special guests na for sure, close to her heart din.

So, guys, matagal pa ang August 21, kering-keri pang mag-ipon para maka-watch kayo ng Still Lani.

---

ISA ang Ultimate Heartthrob na si Piolo Pascual sa mga naging bising-busy sa kampanya ng mga sinusuportahang kandidato ng mga celebrities.

Bukod kay Bam Aquino na tumatakbong senador, suportado rin ni Papa P. ang Ang Probinsiyano Partylist (APPL).

Bumaba kamakailan mula sa entablado ng showbiz ang nag-iisang Piolo Pascual upang makiisa sa adbokasiya ng tunay na serbisyo.

Siya ay mainit na tinanggap ng mga taga-Zamboanga at Pagadian sa sunud-sunod na Grand Rally ng Ang Probinsyano Partylist (APPL).

Kasama niya sina Representative Alfred "Cong. Apid" Delos Santos at isa pang APPL nominee na si Edward Delos Santos sa mga pagtitipong nagsilbing pagsasama ng malasakit, kasiyahan at kongkretong aksiyon para sa mga probinsiya.

Kaya naman, kapansin-pansin ding medyo pumayat si Piolo dahil siguro sa kaliwa’t kanang kampanya, pero dahil ilang araw na lang ay eleksiyon na, puwede na siyang bumawi ng pahinga pagkatapos nito.

Kesa raw mga wa’ ‘wenta ang pumasok sa Top 12… VICE GANDA, TODO-ENDORSO KINA KIKO AT ABALOS

ni Janiz Navida @Showbiz Special | May 6, 2025

Vice, Kiko Pangilinan at Benhur Abalos - FB, IG

Samantala, marami na namang namba-bash ngayon at tinatawag ng kung anu-ano ang It’s Showtime host na si Vice Ganda sa social media dahil sa lantaran niyang pag-eendorso sa senatoriable na si dating MMDA Chairman Benhur Abalos.

Sa kanyang Facebook page, nag-post si Vice ng video niya kung saan sumasayaw siya at ineendorso si Benhur Abalos at mababasa sa video ang: “Kesa naman ‘yung mga walang kwenta ang pumasok sa Top 12.”

May mga tumawag kay Vice na “pera-pera lang” dahil sa paniwalang milyones ang tinanggap nitong honorarium mula sa naturang senatoriable.

Pero may mga naniniwala namang may prinsipyo pa rin ang It’s Showtime host at may matindi itong dahilan kung bakit nagtiwala siya para iendorso si Benhur Abalos sa pagiging senador.

Well, ilang araw na lang at eleksiyon na at ang wish lang namin ay maiboto natin ang tama at karapat-dapat para sa pag-unlad na inaasam natin para sa Pilipinas.

Amen!

---

Ex ng anak na si KC… SHARON, GAME SA MAS BATA BASTA SI PIOLO LANG

IYAK nang iyak si Megastar Sharon Cuneta sa ibinigay na mediacon kahapon ng mag-inang Roselle at Keith Monteverde ng Regal Entertainment bilang suporta sa kanyang mister na si Francis “Kiko” Pangilinan na muling tumatakbong senador under Liberal Party.

Sobrang touched kasi si Ate Shawie dahil kahit nu’ng buhay pa ang Regal matriarch na si Mother Lily Monteverde, ilang beses din nitong sinuportahan si Kiko sa pagtakbo sa pulitika.

Kaya nga nang makapanayam namin ang mag-asawa after the mediacon, paliwanag ni Mega kung bakit ganito siya kaemosyonal ngayon, “Sobra naming nami-miss si Mother Lily. Tapos ngayon, si Roselle, Keith, parang lagi na lang Monteverde ‘yung…”

Biglang naputol ang sinasabi ni Sharon at napatalikod sabay luha bago muling itinuloy na, “‘Yung nagpapakita ng pagmamahal, hindi ‘yung ‘pag masasayang panahon, nandiyan sila, pero ‘pag kailangan mo sila, sana nandiyan lang sila. So, siguro inaasahan ko ‘yun sa mga matagal ko nang…”   

Nabitin uli ang sagot ni Ate Shawie kaya tanong ni Tito Gorgy Rula, may suporta naman daw ba ang mga Del Rosario sa pagtakbo ng kanyang mister?

FYI, Viva baby kasi talaga si Megastar, mas marami siyang pelikulang ginawa sa produksiyon ni Boss Vic del Rosario kesa sa Regal Films ni Mother Lily Monteverde.

Pero sa kabila nu’n, parang anak ang turing sa kanya ng the late Regal matriarch kaya nga pati ang kanyang mister ay suportado nito noon sa pagtakbong senador, at extended pa ito ngayong sina Ms. Roselle at Keith na ang namamahala sa Regal Entertainment.

Sagot ng mag-asawa sa tanong, “Meron, meron naman,” pero hindi na nga ito na-elaborate nina Kiko at Sharon.

Anyway, sobrang saya at thankful naman ng mag-asawa dahil kahit wala raw silang malaking budget, nandiyan ang mga kaibigan nilang celebrities para iendorso si Kiko tulad na lang nina Vice Ganda, Piolo Pascual, Judy Ann Santos at Ryan Agoncillo, Ogie Diaz at maging sina Iza Calzado at stage actor Phi Palmos na personal pang dumating sa Valencia Events place kahapon para magpakita ng suporta kay Kiko Pangilinan.

Samantala, ang payat na talaga ni Ate Shawie kaya biniro nga namin siya na puwede na ba siyang mag-Vivamax ngayon?

“‘Wag na, ‘di na bale,” nangingiting sagot nito.

At sa tanong kung game ba siya sa mas batang leading man na ipa-partner sa kanya dahil nga ang bagets na rin niyang tingnan, sagot ni Ate Shawie, “Ay, ako, Piolo lang ako, pero hindi puwedeng love story. Alam mo na, muntik maging manugang, nakakahiya.”

Eh, ‘di ba nga, ex ng panganay niyang si KC Concepcion si Papa P?!

‘Yun na!

---

AND speaking of Piolo Pascual, nakakatuwa na kung dati, todo-iwas ang aktor sa usaping-pulitika at mga gusto niyang iendorso dahil may ‘image’ nga siyang pinoprotektahan bilang Kapamilya star, ngayon ay all-out na sa pagsuporta ang aktor sa mga kandidatong pinaniniwalaan at pinaninindigan niya.

In fact, last Sunday, sumama pa si Papa P. sa motorcade ng senatoriable na si Bam Aquino sa ilang parte ng Metro Manila, kabilang ang Mandaluyong at Cubao, Quezon City.

Nakasama rin ni Bam sina Iza Calzado at Bea Binene sa Mandaluyong, Quezon City, at Valenzuela.

Bago nagsimula ang motorcade, pinagtibay nina Pascual, Calzado at Binene ang endorsement kay Aquino sa pamamagitan ng pag-flash ng No. 5 sign ni Bam sa balota.

Noong umaga, sina Aquino at Binene ang nag-ikot sa Muntinlupa, Las Piñas at Pasay kasama ang mga influencers na sina Kerwin King, Zion Aguirre, Gabe Pineda, Niño San Jose, Andrea Guevarra, Andrei Hermida, at Damien Villaflor.

Inendorso rin ni Piolo si dating Vice-President Leni Robredo nang tumakbo itong pangulo noong 2022.

Sa pang-5 dyowa na national athlete… GENEVA, GAME MAGPAKASAL ULI

ni Janiz Navida @Showbiz Special | May 3, 2025

Geneva Cruz via Bulgar

After 35 years in showbiz, ngayon lang magkakaroon ng first major concert si Geneva Cruz, ang Gen Evolution na gaganapin sa Music Museum on May 30.

Paliwanag ni Geneva kung bakit ngayon lang at hindi pa nu’ng 25th anniversary niya sa showbiz, feeling niya, ngayon pa lang talaga siya ready and right time ito since hindi nga matuluy-tuloy ang reunion nila ng mga kagrupo niya sa Smokey Mountain.

But good thing is director at todo-support sa kanya ang dating kagrupo at itinuring na rin niyang best friend niya na si Jeffrey Hidalgo sa kanyang Gen Evolution concert, kaya inspired si Gen na hindi lang todo-praktis sa pagkanta kundi panay din ang workout para hindi raw siya hingalin sa concert lalo’t hahataw din daw siya ng sayaw sa edad na 49!

Yes, 1 year na lang at Golden Girl na si Geneva pero sabi nga niya, wala sa edad ‘yan kaya patutunayan niyang may ibubuga pa siya.

Mas inspired din ngayon si Geneva dahil masaya ang puso niya sa piling ng BF na national athlete.

Sa kabila ng 4 failed relationships at pagkakaroon ng anak na si Heaven kay Paco Arespacochaga at bunsong si London sa huling partner niya bago dumating ang dyowa niya ngayon, never daw siyang nadala at sumuko sa love dahil naniniwala raw siyang iba-iba naman ang mga tao.

Kaya kung sakaling yayain siya ng kasal ng kanyang ika-limang partner ngayon, open pa rin siya at willing magpakasal.

Pero sa ngayon, busy muna si Geneva sa kanyang upcoming concert sa May 30 at marami raw siyang pasabog na throwback ng kanilang Smokey Mountain days para maka-relate ang mga fans na kaedad niya.

Bongga! Lalambitin din kaya si Geneva tulad ng nasa poster ng Gen Evolution?

Watch na lang tayo, mga Ka-BULGAR!!!

---

Padir, tao lang daw…

IÑIGO, HAPPY NA MAY BAGONG BABAE  SI PIOLO

Habang nagkakaedad, mas nagiging kamukha na ni Iñigo Pascual ang amang si Piolo Pascual, at pati boses at paraan ng pagsasalita ay pareho na rin sila.

Muli naming nakita at nakausap si Iñigo kahapon sa Spotlight presscon ng Star Magic sa Coffee Project in front of ABS-CBN Audience Entrance. Medyo nag-gain na ng weight ang aktor-singer kaya mas gumuwapo at nagka-appeal ito.

Nasa ‘Pinas ngayon si Iñigo dahil sa latest film niyang Fatherland, pero mas madalas na siyang abroad dahil sa kanyang dream na maging international actor.

Although, hindi rin naman talaga niya iiwan totally ang career niya sa ‘Pinas lalo't may mga nagawa na rin siyang projects at kilala na nga rin siya rito.

Kaya naman natanong si Iñigo kung dream at willing din ba siyang makasama sa movie ang amang si Papa P.

Aniya, of course, gusto niyang makasama si Papa P. at ang naiisip niyang movie project para sa kanilang dalawa ay ‘yung magkaribal o magkaagaw sila sa isang girl.

So, ang next question siyempre is sino ang girl na pag-aagawan nila?

At ang sagot ni Iñigo, puwede raw si Arci Muñoz na minsan na ring naging leading lady ng ama sa isang serye.

Natanong namin si Iñigo kung nangyari na rin ba in real life na pareho silang nagkagusto sa iisang babae ni Papa P.

Natawa ito at nagbirong ibang generation na si Piolo at malayo sa edad ng mga natitipuhan niya, kaya never pa naman daw nangyari, although pa-bagets na rin nang pa-bagets ang nagiging leading ladies ng ama lately.

Samantala, hiningi namin ang reaksiyon ni Iñigo sa nag-viral recently na photo ni Piolo sa isang yate na may kasamang Fil-Chinese model na Kim Rivera raw ang name.

Nagulat si Iñigo dahil hindi pa raw niya nakita ang photo, at tinanong pa kung “Maayos naman ba?” o ano bang pose o datingan ng ama at ng girl.

Pero if ever true, happy naman daw siya para kay Piolo.

“Tao lang naman siya and he deserves it,” nakangiti pang sabi ni Iñigo, na knowing his dad daw ay tatawa lang ito ‘pag tinanong o kinantiyawan niya.

Bukod sa kanyang acting and singing career, inamin ni Iñigo na susundan na rin niya ang yapak ni Piolo as businessman at soon ay magtatayo na rin siya ng sarili niyang negosyo.

Wow! Sana all blessed na blessed na blessed!

Congrats, Iñigo Pascual!!!