Sa Araw ng Kalayaan... Huwag magsamantala sa pinagpaguran ng iba — PBBM

ni Mylene Alfonso @News | June 13, 2026

Photo: Pinangunahan ni Pangulong Ferdinand Marcos Jr. ang wreath-laying ceremony o ang pag-aalay ng bulaklak sa rebulto ni Dr. Gat Jose Rizal sa Luneta Park sa Maynila bilang bahagi ng ika-128 anibersaryo ng Araw ng Kalayaan. (Jeff Tumbado)

“Sa bawat Pilipino, ito ang aking panawagan: Huwag po tayong mapagod na mahalin, piliin, at ipaglaban ang Pilipinas.”

Ito ang panawagan kahapon ni Pangulong Ferdinand Marcos Jr. sa mga Pilipino sa paggunita sa ika-128 anibersaryo ng Proklamasyon ng Kalayaan ng bansa sa Luneta Park.

Binigyang-diin din niya na ang kapayapaan, soberanya, at kalayaang tinatamasa ng bansa ngayon ay bunga ng sakripisyo ng mga naunang henerasyon ng mga Pilipino.

“Palalimin natin ang ating kamalayan. Maging mapanuri sa katotohanan. Gamitin natin sa tama ang ating kakayahan, hindi sa masama. Lumaban nang patas sa araw-araw. Huwag pagsamantalahan ang pinagpaguran ng iba. At piliin natin ang ikabubuti ng bayan laban sa interes ng iilan.”

“Kung mananatili tayong tapat sa mga adkihaing ito, makatitiyak tayong magmamana ang mga susunod na henerasyon ng isang bansa na mas matatag, mas makatarungan, at mas maunlad,” pahayag pa ng Pangulo.

Kalayaan dapat ipaglaban, araw-araw

by Info @Editorial | June 12, 2026

Tuwing Hunyo 12, ginugunita ng bansa ang Araw ng Kalayaan—isang makasaysayang araw na nagpapaalala sa sakripisyo ng mga Pilipinong lumaban upang makamit ang kasarinlan mula sa dayuhang kapangyarihan.

Ngunit higit sa seremonya, watawat, parada, at talumpati, ang tunay na diwa ng kalayaan ay nasusukat sa kalagayan ng mamamayan.

Hindi sapat na sabihing malaya ang isang bansa kung marami pa rin ang nakararanas ng gutom, kawalan ng trabaho, mababang sahod, katiwalian, pang-aabuso, at kawalan ng katarungan. Ang kalayaan ay hindi lamang ang pagkawala ng mananakop; ito rin ay ang kakayahan ng bawat Pilipino na mabuhay nang may dignidad, seguridad, at pag-asa.

Sa kasalukuyang panahon, ang anyo ng laban ay kahirapan, fake news, korupsiyon, kaguluhan sa mga institusyong dapat sana’y nagtatanggol sa taumbayan. Ang tunay na malayang lipunan ay may mamamayang may access sa edukasyon, serbisyong pangkalusugan, patas na oportunidad, at pamahalaang may pananagutan.

Sa huli, ang tunay na paggunita sa kalayaan ay hindi natatapos sa pag-awit ng pambansang awit o pagtataas ng watawat. Ito ay nagsisimula sa araw-araw na paninindigan para sa katotohanan, katarungan, at kapakanan ng bayan. 

Ang kalayaang ipinaglaban noon ay dapat ipagpatuloy ngayon—hindi lamang para sa kasalukuyang henerasyon, kundi para sa mga susunod pang Pilipino.

MESSAGE FROM THE PRESIDENT: 128th Independence Day, Kalayaan, Kinabukasan, Kasaysayan

by Info @Brand Zone | June 12, 2026

Let this Independence Day inspire us to bridge our proud past with a bold future. May we remain united to purpose, resilient in spirit, and committed to the ideals of justice peace, and national unity.