Sen. Imee kay PBBM: BSKE postponement, pirmahan na

ni Mylene Alfonso @News | July 19, 2025

File Photo: Sen. Imee Marcos / Comelec

Nanawagan si Senadora Imee Marcos sa kanyang kapatid na si Pangulong Ferdinand Marcos, Jr. na lagdaan na bilang batas ang panukala na nagtatakda ng apat na taong termino para sa mga opisyal ng Barangay at Sangguniang Kabataan.

Ang parehong panukalang batas ay nagtatakda rin para iurong ang BSK Election sa unang Lunes ng Nobyembre 2026. “Ayan na! Na-transmit na sa wakas kay PBBM! Ang tagal bago makarating, parang tumambay pa kung saan. Kaya, beke nemen, pirmahan na ‘yan!” wika ni Marcos sa isang pahayag. 

Matagal na aniyang inaprubahan ng Senado at Kamara ang naturang panukalang, pero nitong Hulyo 10 lang naipadala mula sa House of Representatives patungong Senado, at noong Martes, Hulyo 15, lamang ito inihain sa Palasyo. 

“Sa pagkakaalala ko, hindi karaniwan ang ganitong katagal. Wala ring sapat na paliwanag kung bakit natagalan nang husto. Sa totoo lang, matagal nang tapos ang trabaho sa Senado,” ayon kay Marcos. 

Batay sa Saligang Batas, may 30 araw ang Pangulo mula sa araw ng pagtanggap para pumirma o mag-veto. 

Kapag hindi ito pinirmahan o vineto sa loob ng panahong iyon, awtomatiko itong magiging batas. 

“Anim na buwan na silang nakaabang. Karapatan nilang malaman kung hanggang kailan sila sa pwesto. Ang tagal-tagal na, oras na para tuparin ang batas,” punto pa ni Marcos. 

“Pumirma man o hindi, basta’t maging batas na. Let’s get it done, para klaro na ang lahat,” dagdag ng Presidential sister.

Saan mang lupalop ng ‘Pinas, dapat pantay-pantay na minimum wage

ni Imee Marcos @Imeesolusyon | July 14, 2025

Mga beshie — hindi ko na talaga keri! Kapag taga-NCR ka, parang may crown ka sa sahod? Eh ‘di ba pareho lang naman tayong nagbubuhat, nagpapagod, at pawis na pawis sa trabaho gaya ng mga nasa probinsya?

Kaya naman, inihain natin ang Senate Bill No. 111 o ang National Minimum Wage Act — isang panukalang batas na ang goal, BURAHIN ang P200 wage gap sa bawat rehiyon! Simple lang: Kung magkano ang minimum sa NCR, dapat ‘yun din ang basehan kahit nasaang lupalop ka man ng ‘Pinas!

Tigil-tigilan na ang eksena na mas mahal ang bigas, gasolina at kuryente sa Maynila. Hellur?! Anong klaseng kuwento ‘yan? Minsan mas mahal pa nga ang bilihin sa probinsya. 

This is not just about suweldo. This is justice. Fairness. True love para sa mga manggagawang matagal nang sawi sa sistemang ito!

At sa employers diyan na baka nanlilisik na ang mata, kalma lang. Hindi naman ito biglaang pasabog na, “Boom, dagdag agad!” — may transition period tayo para hindi kayo mawindang. 

Ang importante: tapos na ang eksena ng mga api! Tapos na ang panahong ang taga-probinsya ang laging nagtitiyaga habang ang iba naka-Starbucks na parang wala lang.

Isang bansa. Isang sahod. Walang lamangan. Walang tinatapakan. Walang napag-iiwanan.

At para sa masa: Dasurv na dasurv niyo ang National Minimum Wage na ’to! Push natin ‘yan!

Tuluy-tuloy lang sa makatao, makabayan at makabagong batas

ni Imee Marcos @Imeesolusyon | July 14, 2025

In-game agad ang lola niyo sa pagpasok pa lang ng ika-20 na Kongreso!

Na-file na natin ang unang benteng prayoridad na panukalang batas na talaga namang ASAP na need ng taumbayan mula Luzon hanggang Mindanao! It’s giving bongga, ‘di ba?!

May pantay na sahod para sa lahat pati suweldo para sa mga magsasaka at mangingisda. May panukala rin para sa murang bilihin, mas maayos na serbisyong pangkalusugan, at siyempre para sa mga bagets! ‘Di rin mawawala ang suporta sa barangay officials, sa mga LGU, at yes mga baks — pasok sa banga na rin ang panukalang proteksyon para sa LGBTQIA+!

Kumbaga, lahat onboard! Mapa-opisyal ka man o ordinaryong mamamayan, may panukalang para sa’yo! Everybody happy, walang jiwanan, ganern!

Kung gusto mong malaman ang first 20 bills ko sa Senado, aba shameless plug na ito, go ka na sa social media pages ko, mga beshie! Talagang too many to mention kung iisa-isahin natin dito! 

Ang mahalaga: kasama ka sa plano.

Tuluy-tuloy lang tayo sa makatao, makabayan, at makabagong batas. Walang maiiwan! 

Kasama ka sa mga #IMEEsolusyon ko sa Senado!