Horoscope | Enero 10, 2026 (Sabado)

ni Maestro Honorio Ong @Horoscope | January 10, 2026

Sa may kaarawan ngayong Enero 10, 2026 (Sabado): Lahat ng gusto mo ay mararanasan mo na. Ito mensahe ng araw ng iyong pagsilang.

ARIES (Mar. 21-Apr. 19) - Kumilos ka na parang wala kang problema para isa-isa na rin itong mawala. Kung ano ang ikinikilos mo ngayon, iyon din ang magiging resulta ng iyong kapalaran. Masuwerteng kulay-white. Tips sa lotto-3-19-26-31-37-42.

TAURUS (Apr. 20-May 20) - Pasasayahin ka ng langit. Makakatanggap ka ngayon ng mga biyaya na labis mong ikatutuwa. Kaya huwag mong kalimutan ang mga taong walang-wala. Masuwerteng kulay-green. Tips sa lotto-6-12-23-28-30-45.

GEMINI (May 21-June 20) - Iwasan mong masilaw sa sarili mong kinang. Habang nagsasaya ka, alalahanin mo na minsan ay nangailangan ka rin ng saklolo. Masuwerteng kulay-yellow. Tips sa lotto-1-17-22-27-31-44.

CANCER (June 21-July 22) - Unawain mo ang mga sumasalungat sa mga kagustuhan mo. Aminin mo rin na may mga bagay na hindi maganda sa iyo. Sa ganitong paraan, tatakbo nang maayos ang iyong kapalaran. Masuwerteng kulay-purple. Tips sa lotto-7-16-25-34-36-42.

LEO (July 23-Aug. 22) - Lahat ng madidikit sa iyo ngayon ay susuwertehin dahil ikaw mismo ang pampasuwerte ng mga taong malalapit sa iyo. Masuwerteng kulay-pink. Tips sa lotto-5-15-23-30-38-41.

VIRGO (Aug. 23-Sept. 22) - Huwag mo nang gustuhin ang mga bagay na naitapon na. Mas maganda kung maghahanap ka ng mga bagay na ‘di pa pagmamay-ari ng iba. Masuwerteng kulay-beige. Tips sa lotto-1-18-21-28-39-41.

LIBRA (Sept. 23-Oct. 22) - Hanapin mo ang daan ng pagkakaunawaan. Kahit pa masakit sa iyong kalooban, mas mabuti pa ring ibalik ang dati kesa maghanap ng bagong pakikipagsapalaran. Masuwerteng kulay-blue. Tips sa lotto-6-13-20-25-34-40.

SCORPIO (Oct. 23-Nov. 21) - Tanggapin mo ang inaalok sa iyo kahit hindi ito gusto. Sa ganitong paraan, gagalaw ang iyong kapalaran na sa ngayon ay natutulog at walang anumang pag-usad. Masuwerteng kulay-black. Tips sa lotto-2-16-24-28-32-43.

SAGITTARIUS (Nov. 22-Dec. 21) - Nakabibigla ang mga pangyayari. Ang hindi mo inaasahang makatutulong sa iyo ay siya pa palang pagkukunan mo ng lakas. Masuwerteng kulay-violet. Tips sa lotto-7-17-22-30-36-42.

CAPRICORN (Dec. 22-Jan. 19) - Papalakas nang papalakas ang iyong kapalaran. Mayayanig ang mga kontrabida sa buhay mo at tatanggapin na nila ngayon na wala silang magagawa sa mga suwerteng nakapila at nagkakagulo sa iyo. Masuwerteng kulay-peach. Tips sa lotto-8-10-15-25-34-45.

AQUARIUS (Jan. 20-Feb. 18) - Umulan man o hindi, babaha ng magagandang kapalaran ang iyong buhay. Magpasalamat ka lagi sa Itaas. Ito ang obligasyon mo at ito ang dapat mong gawin upang patuloy na gumanda ang iyong kapalaran. Masuwerteng kulay-red. Tips sa lotto-9-14-20-22-33-41.

PISCES (Feb. 19-Mar. 20) - Iaangat ka ngayon ng iyong kapalaran dahil nakita ng langit na nalulungkot ka sa ibaba at madami ang umaalipusta sa iyo. Masuwerteng kulay-lilac. Tips sa lotto-2-21-27-32-37-40.

Horoscope | Enero 8, 2026 (Huwebes)

ni Maestro Honorio Ong @Horoscope | January 8, 2026

Sa may kaarawan ngayong Enero 8, 2026 (Huwebes): Malalaking suwerte ang inilaan sa iyo. Kaya mabibigat na pagsubok din ang kailangan mong malampasan. Kapag nalampasan mo ito, hindi ka dapat tumunganga sa mga pagsubok na ito. Umalis ka na agad, at magpakatatag ka!

ARIES (Mar. 21-Apr. 19) - Ito ang araw na aalisin ng langit ang kahinaan mo. Kaya anuman ang pinaplano at pinapangarap mo, gawin mo na agad ngayon. Masuwerteng kulay-peach. Tips sa lotto-3-10-18-30-33-45.

TAURUS (Apr. 20-May 20) - Ganda ang magiging puhunan at pang-akit ng suwerte mo sa araw na ito. Kaya wala kang dapat gawin ngayon kundi ang magpaganda. Ito ang mensahe para sa iyo. Masuwerteng kulay-red. Tips sa lotto-6-17-22-28-36-41.

GEMINI (May 21-June 20) - Umiwas ka sa mga nagpapahirap sa iyo na walang ibang ginawa kundi pintasan at punahin ang ginagawa mo. Siya ngayon ay mamalasin, kaya para hindi ka madamay, layuan mo siya. Masuwerteng kulay-silver. Tips sa lotto-5-14-19-21-37-42.

CANCER (June 21-July 22) - Hindi mo kailangang malungkot. Ang mga nangyayaring hindi mo gusto ay kailangang maganap upang mabigyan-daan ang pagdapo ng malalaking suwerte sa buhay mo. Masuwerteng kulay-white. Tips sa lotto-2-13-23-34-38-44.

LEO (July 23-Aug. 22) - Dala-dala mo ang suwerte sa mga naghahangad na sila’y suwertehin. Magpasalamat man sila o hindi, langit pa rin ang magbibigay sa iyo ng malaking gantimpala. Masuwerteng kulay-green. Tips sa lotto-7-11-15-27-31-40.

VIRGO (Aug. 23-Sept. 22) - Huwag kang hihinto ngayon, lalo na’t papaganda na nang papaganda ang takbo ng buhay mo. Ituloy mo lang ang iyong pangarap. Masuwerteng kulay-yellow. Tips sa lotto-1-18-20-26-32-43.

LIBRA (Sept. 23-Oct. 22) - Umiwas ka sa mga nagpapakita sa iyo ng maganda dahil ang kanyang pagkagusto ay pansamantala lamang. Kumbaga, walang katiyakan kung magtatagal ba siya sa buhay mo. Masuwerteng kulay-purple. Tips sa lotto-8-14-21-30-33-45.

SCORPIO (Oct. 23-Nov. 21) - Hindi na maaawat ang pagdating ng magagandang kapalaran mo na pansamantalang naantala dahil kumukuha pa ito ng malakas na buwelo. Masuwerteng kulay-pink. Tips sa lotto-9-12-22-35-38-41.

SAGITTARIUS (Nov. 22-Dec. 21) - Kakaibang sigla ang regalo sa iyo ng langit—isang sigla na kayang tumunaw sa mga negatibong puwersang gustong sumira sa iyo. Masuwerteng kulay-beige. Tips sa lotto-3-16-25-29-35-44.

CAPRICORN (Dec. 22-Jan. 19) - Ito ang araw na dapat mo pang pag-ibayuhin ang pagtitipid at pagsi-save. Sa ganyang paraan, pagkatapos ng holiday season, matatagpuan mo ang iyong kabang-yaman na marami pang laman. Masuwerteng kulay-blue. Tips sa lotto-4-18-23-27-34-42.

AQUARIUS (Jan. 20-Feb. 18) - Susuwertehin ka at ang magara pa nito, magiging malaki pa ang suwerteng darating sa iyo. Ngunit mangyayari lamang ito kung patatawarin mo na ang mga taong nagkasala sa iyo. Masuwerteng kulay-black. Tips sa lotto-7-11-28-30-33-45.

PISCES (Feb. 19-Mar. 20) - Humingi ka muna ng payo bago ka sumabak sa negosyong gustung-gusto mo. Sa ganitong paraan, maiiwasan mo ang mga panimulang problema. Masuwerteng kulay-violet. Tips sa lotto-2-14-21-26-31-40.

Horoscope | Enero 7, 2026 (Miyerkules)

ni Maestro Honorio Ong @Horoscope | January 7, 2026

Sa may kaarawan ngayong Enero 7, 2026 (Miyerkules):  Kailanman ay hindi ka pababayaan ng Dakilang Manlilikha. Ang mga pagkakataong mapaganda ang iyong buhay ay laging mag-aabang sa landas na iyong nilalakaran.

ARIES (Mar. 21-Apr. 19) - Inaayos na ng langit ang hindi mo kayang ayusin. Ito ang resulta ng iyong pagpapakumbaba. Kung magtutuloy-tuloy ito, ang kapalaran mo ay lalo pang gaganda. Masuwerteng kulay-burgundy. Tips sa lotto-9-13-20-25-30-43.

TAURUS (Apr. 20-May 20) - Palipat-lipat lang tulad ng paru-paro ang mga suwerte mo. Hindi magtatagal, dadapo ito sa iyo at magtatagpuan kang pinamumugaran ng magagandang kapalaran. Masuwerteng kulay-white. Tips sa lotto-2-12-22-28-33-40.

GEMINI (May 21-June 20) - Kung ano ang maganda sa paningin mo, iyon ang tutukan mo. Tandaan mo, ang mga magaganda ay nagbibigay-inspirasyon at sigla sa mga tao. Ito ang mensahe ng iyong kapalaran. Masuwerteng kulay-green. Tips sa lotto-5-19-23-29-32-44.

CANCER (June 21-July 22) - Kapansin-pansin na may init kang nadarama. Ito ang “halik ng kapalaran,” na ang ibig sabihin, sa araw na ito at sa susunod pang mga araw ay mapapasaiyo na ang tagumpay. Masuwerteng kulay-yellow. Tips sa lotto-2-15-27-30-38-41.

LEO (July 23-Aug. 22) - Makakasingit sa iyo ang mga kaisipan puwedeng magpabago sa buhay mo, lalo na’t ayaw mong nahihirapan at nababagot. Ito ang mensahe para sa iyo. Masuwerteng kulay-purple. Tips sa lotto-7-17-26-29-35-43.

VIRGO (Aug. 23-Sept. 22) - Huwag mo nang pagurin ang iyong isip. Ang maganda ay maganda, kaya lang naman ito pumapangit, dahil hinahanapan mo ito ng kapintasan at pagkukulang. Masuwerteng kulay-pink. Tips sa lotto-4-9-21-25-31-40.

LIBRA (Sept. 23-Oct. 22) - Piliin mo ang hindi na kailangang bantayan. Bakit mo pahihirapan ang iyong sarili sa pag-iisip ng mga negatibo? Tandaan mo, nakakasama sa tao ang pagdududa at walang katapusang hinala. Masuwerteng kulay-beige. Tips sa lotto-3-19-27-35-39-42.

SCORPIO (Oct. 23-Nov. 21) - Nagtatago ang mga suwerte mo sa mga bagay na ayaw mo. Ito ang gawin mong gabay ngayon. Masuwerteng kulay-blue. Tips sa lotto-6-15-22-28-32-45.

SAGITTARIUS (Nov. 22-Dec. 21) - Hindi mo kailangan ang mga taong panay ang kontra sa iyo. Ang mga kontrabida kahit kailan ay nakakasira ng kapalaran. Kaya dumikit ka na lamang sa mga taong may positibong pananaw at kaisipan. Masuwerteng kulay-black. Tips sa lotto-2-17-24-30-37-41.

CAPRICORN (Dec. 22-Jan. 19) - Mahalin mo ang sarili mo. Hindi tama na nagsasakripisyo ka. Gumising ka sa katotohanan, na ang dapat na unahin ay ang sariling kapakanan. Masuwerteng kulay-violet. Tips sa lotto-8-12-27-31-39-44.

AQUARIUS (Jan. 20-Feb. 18) - Kahit pa kontrahin mo, bubukas pa rin ang puso mo. ‘Di nadadaya ang puso at hindi rin napipigilan ang pagmamahal. Ang mas maganda at makabubuti ay ang makiayon ka na lang sa itinitibok ng iyong puso at sinisigaw ng iyong damdamin. Masuwerteng kulay-peach. Tips sa lotto-2-21-25-29-33-42.

PISCES (Feb. 19-Mar. 20) - Dadapo sa iyo ang isang malaking suwerte, lalo na kapag pinagbigyan at tuluyan mong pinatawad ang mga taong nagkamali sa iyo. Masuwerteng kulay-red. Tips sa lotto-7-16-20-27-38-40.