Yulo, gold sa men's all around

ni VA - @Sports | May 14, 2022

Naiuwi ni Caloy Yulo ang gold medal sa men’s all-around event ng gymnastics sa Southeast Asian Games sa Hanoi, Vietnam kagabi.

Nasungkit ni Yulo ang gold medal matapos umiskor ng 85.150 overall, ginapi ang apat na Vietnamese bets para sa top slot.

Tumapos ang Pilipinas ng silver overall sa all-around team competition, kung saan gold medal ang Vietnam. Sumagupa si Yulo sa Quan Ngura Sports Palace laban sa 12 pang gymnasts mula sa 5 bansa, dalawa mula Malaysia, isa mula Indonesia at Thailand, 2 mula Singapore at 4 mula host Vietnam.

Susunod na babanat si Yulo, 22 sa pommel horse, rings, at floor exercise competitions ngayong Sabado, bago lalarga sa high bar, parallel bar at vault competitions sa Linggo.

Sa 2019 SEA Games sa Manila, umiskor si Yulo ng 84.900 para kunin ang all-around gold much na ikinatuwa ng crowd sa Rizal Memorial Coliseum. Nakuha nina Vietnam's Dinh Phuong Thanh (82.350) at Le Thahn Tung (81.700) ang silver at bronze ayon sa pagkakasunod.

Naniniwala si Cynthia Carrion-Norton, president ng Gymnastics Association of the Philippines, na makakakuha pa si Yulo ng 4 pang gold medals. “Everybody’s afraid and watching Caloy in training here,” aniya.

Buong pagpapakumbaba namang nasabi ni Yulo na, “I’ll just focus on my strength and what I can do in the competition.”

Carlos Yulo, pasok na sa Tokyo Olympics

ni Thea Janica Teh | December 13, 2020

Nasungkit ng Filipino gymnast na si Carlos Yulo ang dalawang bronze medal sa All- Japan Gymnastics Championships ngayong Linggo at sigurado nang makakasali sa Tokyo Olympics sa susunod na taon.

Naiuwi ng 20-anyos na gymnast ang parehong medalya sa floor exercises at vault na may score na 15.200 (floor exercise) at 14.866 (vault) na ginanap sa Takasaki Arena.

Kaya naman pasok bilang top 8 sa overall men’s all-around si Yulo na may total score na 170.032.

Sa world champion ng floor exercise noong 2019, isa si Yulo sa apat na Pinoy na sigurado nang pasok sa Tokyo Games kabilang ang mga boxer na sina Irish Magno at Eumir Marcial at pole vaulter na si EJ Obiena.