Malakasang PVL Semis: Cargo Movers vs. CCS

ni Gerard Arce - @Sports | March 18, 2023

Laro ngayong Sabado (Philsports Arena, Pasig City)

4:00 n.h. – F2 Logistics Cargo Movers vs Creamline Cool Smashers

6:30 n.g. – Petro Gazz Angels vs PLDT High Speed Hitters

Hindi maipagkakailang isa sa mga pinakamahigpit na bakbakan sa preliminaries ang tapatan ng No.1 ranked Creamline Cool Smashers at No.4 F2 Logistics Cargo Movers, kung saan ibinigay ng huli ang nag-iisang pagkatalo nito sa eliminasyon, na kanilang ipagpapatuloy sa pagsisimula ng best-of-three semifinal battle ngayon, habang maghaharap din sa Final 4 ang No.2 Petro Gazz Angels at No.3 PLDT High Speed Hitters sa 2023 Premier Volleyball League (PVL) All-Filipino Conference sa Philsports Arena sa Pasig City.

Maituturing na labanan ng champion versus champion ang tapatan ng Creamline at F2 Logistics na parehong tagumpay sa professional league na unang nagtapat sa komperensiya noong Peb. 18 na umabot sa 5th set pabor sa Cargo Movers sa bisa ng 23-25, 25-18, 16-25, 25-23, 16-14 na pinagbidahan ni newcomer Myla “Bagyong” Pablo sa 27 puntos mula sa 22 atake at 5 blocks.

Subalit ang two-time conference MVP ay may inindang cramps na at sinusuri pang mabuti, habang patuloy ding nakatengga sa bench si Alyssa Valdez para sa Creamline dahil sa knee injury.

“Actually, okay na naman na, now no more pain, we’re just try to get her back, more on rehabs, but no more pain. But hopefully she can play tomorrow,” pahayag ni F2 head coach Regine Diego nang maging pangunahing bisita sa Bulgar Sports TV: Sports Beat kahapon ng umaga. “I’m not sure, we will see, but our players are all ready. Okay lang go, maglaro kung sinong ready.

Everybody is ready, and everybody has the skills. I just wish na lahat sila will have a good playing game tomorrow kasi di naman lahat good game all the time,” dagdag ng dating DLSU player.

Maaaring humalili sa iiwang puntos ni Pablo sina Ara Galang, Elaine Kasilag, Cha Cruz-Behag at Ivy Lacsina, habang patuloy na babanat para sa F2 sina Kim Kianna Dy, Majoy Baron, Aby Marano, Kim Fajardo, Iris Tolenada at bagong kasal na si Dawn Macandili.

Pangungunahan naman ang Cool Smashers nina back-to-back conference MVP Tots Carlos, heavy hitter Jema Galanza, Michelle Gumabao, Jeannet Panaga, Celine Domingo, Kyla Atienza, at ace playmaker Julia Morado-De Guzman.

Pirates at UPHSD sa solong segunda, first win sa JRU

ni Gerard Arce - @Sports | March 17, 2023

Agawan para sa solong 2nd place ang haharapin ng Lyceum of the Philippines University Lady Pirates at University of Perpetual Help Dalta System Lady Altas, habang maghahanap ng unang panalo ang Jose Rizal University Lady Bombers ng unang panalo kontra Emilio Aguinaldo College Lady Generals sa nalalapit na pagtatapos ng eliminasyon ng single-round eliminasyon ng 98th season ng National Collegiate Athletic Association (NCAA) women’s volleyball tournament ngayong araw sa San Andres Sports Complex sa Malate, Manila.

Hawak ng Perpetual Lady Altas ang 6-1 kartada, habang nakatabla ang Lyceum Lady Pirates sa 6-2 marka kasama ang Mapua University Lady Cardinals, puntirya ng dalawang koponan na makuha ang pagkakahawak sa ikalawang puwesto, kung saan napipintong mawalis ng defending champions De La Salle-College of Saint Benilde Lady Blazers muli ang komperensiya mula sa 8-0 rekord.

Magbabanggaan ang Lady Altas at Lady Pirates sa alas-12:00 ng tanghali matapos ang paghaharap ng kanilang men’s squad sa 9 a.m. Susundan sa ikatlong laro ang bombahan ng Lady Bombers at Lady Generals ng 2 p.m. na tatapusin ng men’s team ng parehong koponan sa 4:30 p.m. para kumpletuhin ang quadruple-header na mga laro.

Parehong nanggaling sa panalo ang Lady Altas at Lady Pirates kontra Colegio de San Juan de Letran Lady Knights. Naunang tinalo ng Lady Altas ang Lady Knights nitong Linggo sa bisa ng 25-23, 25-21, 30-32, 25-19 matapos ang pambihirang laro ni super-rookie Shaira Omipon na nag-ipon ng 24 puntos katulong ang beteranong si Mary Rhose Dapol sa 20 puntos.

Samantala, patuloy na bokya sa panalo ang last season Final Four-member na JRU Lady Bombers na pilit hinahanapan ng mabisang pampasabog sa kombinasyon ni coach Mia Tioseco mula kina Mary May Ruiz, Riza Rose, Sydney Niegos, Malley Amante at Jerry Lyn Laurente.

Lady Blazers, unbeaten Cardinals, matibay pa

ni Gerard Arce @Sports | March 16, 2023

Mga laro sa Biyernes

(San Andres Sports Complex)

9:00 n.u. – LPU Pirates vs Perpetual Altas

12:00 n.t. – LPU Lady Pirates vs Perpetual Lady Altas

2:00 n.h. – JRU Lady Bombers vs EAC Lady Generals

4:30 n.h. – JRU Bombers vs EAC Generals

Nanatiling walang bahid ng pagkabigo ang defending champions College of Saint Benilde Lady Blazers nang walisin ang Arellano University Lady Chiefs para sa rematch ng last season Finals na nagtapos sa 25-15, 25-21, 25-19, habang kumuha rin ng straight set panalo ang Mapua University Lady Cardinals mula sa 25-23, 25-19, 26-24 panalo kontra sa talsik ng San Beda University Lady Spikers kahapon sa 98th season ng NCAA women's volleyball tournament San Andres Sports Complex sa Malate Manila.

Nakasisiguro na ng twice-to-beat bentahe ang CSB Lady Blazers sa Final Four kasunod ng unbeaten na marka na nagnanais na maipagtanggol ang korona at umaasang mawawalis ang eliminasyon sa single-round eliminations kalaban ang kulelat at walang panalong Jose Rizal University sa susunod na laro upang makumpleto ang ikalawang sweep.

Muling nagpasikat para sa Taft-based lady volleybelles si ace playmaker Cloanne Mondonedo na nagpamahagi ng 17 excellent sets kasama ang limang puntos, habang nag-ambag sina power hitter Jade Gentapa ng 21 puntos at 97th season Finals MVP Gayle Pascual sa 17 puntos mula sa 15-of-29 spikes kasama ang 10 digs.

“Siguro yung kumpiyansa namin sa isa't isa. Yung tiwala sa isa't isa,” wika ni Mondoñedo, na patuloy na pinangunguhan ang set department sa liga.

Nanganganib namang mahulog sa Final Four ang Arellano na bumagsak sa 4-3 kartada sa ikalimang pwesto, na pinagbidahan ni Moming Padillon sa walong puntos at pitong digs. Naungusan na ang Lady Chiefs ng Lady Cardinals na nakuha ang kanilang ika-anim panalo para sumosyo sa third spot kasama ang Lyceum Lady Pirates.