Tubu ng Falcons dinismaya ang UST, Eagles nandagit

ni Gerard Arce @Sports | March 26, 2023

Tumabo ng atake si super-rookie Trisha Gayle Tubu ng Adamson University Lady Falcons upang dismayahin ang inulan ng errors na University of Santo Tomas Golden Tigresses sa pamamagitan ng 11-25, 25-21, 25-13, 25-22 para simulan ng buwenamanong panalo sa second round, gayundin ang Ateneo Blue Eagles ng tinalo ang University of the East Lady Warriors sa 25-16, 25-23, 22-25, 25-19 at Far Eastern University Lady Tamaraws na winalis ang University of the Philippines Lady Maroons sa 25-22, 25-19, 25-2, kahapon sa 85th (UAAP) women’s volleyball tournament sa Philsports Arena sa Pasig City.

Nagpamalas ng opensa’t depensa ang 5-foot-8 opposite hitter ng kabuuang 21 puntos mula sa 15 atake at anim na blocks upang dalhin ang Lady Falcons sa solong ikalawang pwesto sa 6-2 kartada, habang naging mabisa ang mga pamamahagi ng opensa ni ace playmaker team captain Louie Romero sa 19 excellent sets kasama ang tatlong puntos.

Dahil sa panalo ay nagawang walisin ng Lady Falcons ang kanilang tapatan sa elimination round matapos walisin ito sa first round na sinuportahan din ng tig-siyam na puntos nina Lucille Almonte, na nag-ambag din ng 13 digs at apat receptions at Kate Santiago na may kinubra ring tatlong receptions.

Nasayang naman ang ibinuhos ni Queen Tigresses Eya Laure na triple-double performance sa 17pts mula sa 11 atake, limang aces at isang block, gayundin ang 12 receptions at 11 digs. “Hindi naman magpapatalo ang UST buti nakuha pa rin namin. First set medyo kulang buti nagrespond yung team second to fourth,” wika ni Adamson head coach Jerry Yee.

Kumulekta naman ang last season second best outside hitter na si Faith Nisperos ng kabuuang 18 puntos mula sa 13 atake at solidong depensa mula sa limang blocks para sa Ateneo.

Bakbakang astigin ng Gazz at Cool Smashers, abangan

ni Gerard Arce @Sports | March 25, 2023

Mga laro sa Linggo

(Mall of Asia Arena, Pasay City)

Battle-for-Bronze

4:00 n.h. – F2 Logistics Cargo Movers vs PLDT High Speed Hitters

Game 1: Best-of-three Finals

6:30 n.g. – Creamline Cool Smashers vs Petro Gazz Angels

Liliparin ng Petro Gazz Angels ang kanilang ikalawang sunod na kampeonato laban sa nagtatanggol na Creamline Cool Smashers sa rematch ng all-local matchup noong isang taon sa Games 1 ng best-of-three Finals ng 2023 Premier Volleyball League (PVL) All-Filipino Conference sa SM Mall of Asia Arena sa Pasay City.

Susubukan ng Angels na makabawi kontra Cool Smashers sa pangunguna ni Filipino-American middle blocker Mar Jana Phillips na tumalo sa kanila sa 2022 Open Conference Finals, habang nakahanda namang gabayan ni ace playmaker Julia Morado-De Guzman ang Creamline katulong ang mas pinatatag na grupong nais makabawi sa pagpalyang makapasok sa championship round at naunsyaming Grandslam noong huling komperensya kasunod ng back-to-back title.

Siniguro ng Petro Gazz na makakatuntong muli ang mga ito sa Finals kasunod ng naganap na balasahan bago ang pagsisimula ng liga na nagdulot sa paglisan ng premyadong spiker na si Myla Pablo, libero Bangs Pineda, middle blocker Seth Rodriguez at coaches Rald Ricafort at Arnold Laniog. Pinatunayan ng beteranong koponan na may ibubuga ang mga ito kontra sa mas batang manlalaro ng PLDT High Speed Hitters nang walisin sa pamamagitan ng straight set sa 25-17, 25-23, 25-15 nitong Huwebes ng gabi.

Hindi pa nagagawang talunin ng Petro Gazz ang Creamline sapol pa noong magtapat sila sa Finals noong 2019 Reinforced Conference sa winner-take-all Game 3 sa tulong ng imports na sina Wilma Salas at Janisa Johnson. Ito rin ang unang pagkakataon na makakapasok ng Finals si Petro Gazz coach Oliver Almadro na pumasok sa koponan bago ang pagbubukas ng liga matapos magresign sa Choco Mucho Flying Titans noong komperensiya.

Pacio, magpapalakas ng pagsasanay sa Amerika

ni Gerard Arce @Sports | March 25, 2023

Puntiryang magsanay sa Estados Unidos ni dating ONE Strawweight champion Joshua “Passion” Pacio habang nilulubos ang panahon sa pananatili sa kanyang kategorya na naghahanda sa mas matitindi pang darating na laban sa kanyang karera sa professional mixed martial arts.

Matatandaang kabilang ang 27-anyos na tubong La Trinidad, Benguet sa mga lumisan sa pamosong MMA stable na Team Lakay upang mas lalo pang hasain ang kakayanan at kaalaman kasama sina dating world champions Eduard Folayang, Kevin Belingon at Honorio Banario nitong buwan.

Magkakaroon na rin ng pagkakataon si Pacio na makatapat ang mga baguhang fighter’s ng Team Lakay, subalit tatanggihan ang mga malapit na kaibigang sina Lito Adiwang at Danny Kingad. “I want to level up in all aspects of my game. This was not a sudden decision. Speaking of leveling up, we plan to train in the USA next month. We are going to try Jackson Wink MMA. Not only that we will also do gym hopping to add to our mixed martial arts knowledge,” pahayag ni Pacio sa isang online website.

Kilala ang Jackson Wink MMA na MMA gym sa New Mexico sa US na nakagawa ng mga fighters tulad nina bagong UFC heavyweight champ Jon Jones, dating light-heavyweight titlist Rashad Evans at dating UFC women’s bantamweight title holder Holly Holm.

Dito na napagtanto ni Pacio na kailangan niyang magsanay sa Estados Unidos upang matulungan siyang mas matulungan pang mahasa ang potensiyal nitong mas humusay pa. “I know what I am lacking. People say that I am the best strawweight ever, but like I always say I am not even at my peak yet. I want to get that by going out of my comfort zone. I want to reach my full potential as an MMA athlete,” paliwanag ni Pacio.