Lalakas ang WWE at UFC sa pagsasanib-puwersa

ni Gerard Arce @Sports | April 5, 2023

Nagkaroon na ng 'blood compact' ang World Wrestling Entertainment Inc (WWE.N) ni Vince McMahon, biyenan ni dating WWE superstar Triple H o Paul Michael Levesque sa totoong buhay sa Endeavor Group (EDR.N) na nagmamay-ari ng sikat na mixed martial arts franchise na Universal Fighting Championships (UFC) upang bumuo ng mas bigating entertainment company na nagkakahalaga ng $21 billion nitong Lunes (Martes sa Pilipinas).

Pinag-iisa ng naturang kasunduan ang dalawa sa pinakamalalaking pangalan sa larangan ng wrestling at entertainment, habang tinutuldukan nito ang mga espekulasyon ng isang buwang proseso ng pagbebenta para sa WWE, na pinangangasiwaan ng co-founder at executive chairman nitong si McMahon na kababalik lang sa board ng kumpanya nitong Enero.

“Together, we will be a $21-plus billion live sports and entertainment powerhouse with a collective fanbase of more than a billion people and an exciting growth opportunity,” wika ng WWE executive chairman. “The new company will be well positioned to maximize the value of our combined media rights, enhance sponsorship monetization, develop new forms of content and pursue other strategic mergers and acquisitions to further bolster our strong stable of brands,” dagdag ni McMahon na mananatili sa kanyang tungkulin sa bagong kumpanya bilang nagmamay-ari ng 51% ng Endeavor, habang ang ilang investor ng WWE ay may hawak ng iba.

Sinabi naman ni Emanuel na sasamantalahin niya ang kadalubhasaan ng Endeavor sa pagsiguro sa panukalang may kinalaman sa media, mga sponsorship at mga bagong paraan ng pamamahagi upang pasiglahin ang paglago sa bagong kumpanya, na kanyang pamumunuan bilang punong ehekutibong opisyal habang nagpapatuloy sa kanyang tungkulin sa Endeavor.

UST Tigresses, pinatikman ng unang talo ang DLSU

ni Gerard Arce @Sports | April 3, 2023

Humalimaw sa puntusan si Ejiya “Eya” Laure para sa University of Santo Tomas Golden Tigresses upang siguraduhing magkakaroon ng nakasanayang Final Four pagtuntong ng semifinals matapos ibigay sa nangungunang De La Salle University Lady Spikers ang unang pagkatalo sa pamamagitan ng 25-19, 14-25, 25-18, 25-12, habang giniba ng Far Eastern University Lady Tamaraws ang depensa ng bokyang UE Lady Warriors mula sa 25-16, 18-25, 25-23, 25-16 Linggo ng hapon sa second round ng eliminasyon ng 85th season ng University Athletic Association of the Philippines (UAAP) women’s volleyball tournament sa Smart Araneta Coliseum sa Quezon City.

Bumuhos ang senior team captain ng Espana-based lady squad ng kabuuang 29 puntos sa lahat ng atake na may 45% attack efficiency upang atakehin at butasin ang depensa ng Lady Spikers na mayroong kabuuang anim na blocks lamang upang maihatid sa unang pagkabigo sa sampung laro, habang sinolido ng Golden Tigresses ang pwesto sa solo third place sa 7-3 kartada.

“Ang usapan lang namin basta okay lang magkamali pero kailangan bumawi, yun lang palagi, at saka wag lang mag-relax, tandaan lang mabuti kung ano yung pinunta namin dito, yun ay ang manalo as a team,” pahayag ng 24-anyos na outside spiker na nakakuha ng suporta mula kay Filipino-Italian Milena Alessandrini sa 20 puntos mula sa 17 atake at tatlong blocks, kasama ang siyam excellent receptions, gayundin si rookie Regina Jurado na may 12pts at 12 digs.

Subalit, hindi lamang ang mainit na opensiba ang ipinamalasa ng UST, kundi ang kanilang malupit na floor defense sa mga matutulis na atake ng Lady Spikers, matapos na sumalo ito ng kabuuang 53-of-152 digs na karamihang sinalo ni libero Bernadett Pepito sa kabuuang 25 digs, kasama ang 11 excellent receptions, habang namahagi naman si rookie playmaker Cass Carballo ng 18 excellent sets.

Cool Smashers, kampeon Angels, binigo sa Game 3

ni Gerard Arce @Sports | March 31, 2023

Matagumpay na nakamit ng Creamline Cool Smashers ang kanilang ika-anim na conference title matapos biguin ang Petro Gazz Angels upang maipagtanggol ang kampeonato sa pamamagitan ng 20-25, 25-20, 25-18, 25-15 panalo sa harap ng 12,175 manonood sa winner-take-all Game three ng best-of-three finals ng 2023 Premier Volleyball League (PVL) All-Filipino Conference kagabi sa SM Mall of Asia Arena sa Pasay City.

Ito na ang ika-apat na beses na napagwagian ng Creamline ang all-local tournament, kung saan naibulsa nito ang mga titulo sa 2018, 2019 at 2022 Open conference, gayundin ang tig-isang titulo sa 2018 reinforced at 2022 Invitational.

Naging malaking inspirasyon at motibasyon para sa Creamline ang kanilang team captain na si three-time conference MVP Alyssa Valdez na patuloy na nagpapagaling sa kanyang knee injury, na buong-pusong nakasuporta sa koponan at tumutulong sa pagco-coach sa kanyang mga kakampi.

“Etong game naming para sa fans at kay Ate Ly, babawi kami para kay Ate Ly,” pahayag ni Galanza na tumapos ng triple-double at game-high 19 puntos galing lahat sa atake, kasama ang 16 digs at 11 receptions, habang sinegundahan sa puntusan ni Michelle Gumabao sa 18 puntos at Diana Mae “Tots” Carlos sa 16pts at Celine Domingo sa 12pts, gayundin ang 18 excellent sets ni Julia Melissa Morado-De Guzman, kasama ang dalawang puntos.

Nasayang naman ang paghihirap ng Petro Gazz na pilit binuhat ni Gretchel Soltones sa 17 puntos, mula lahat sa atake kasama ang 11 digs, na sinuportahan ni Jonah Sabete sa 11pts mula sa pitong atake, tatlong service ace at isang block, kasama 13digs at siyam receptions.

Nakabawi ang Cool Smashers ng mapurnada ang ‘Grand Slam’ title na hangad ng malaglag sa semifinals at masungkit ng Petro Gazz ang kanilang ikalawang Reinforced Conference title katapat ang Cignal HD Spikers.