Lady Spikers, tutudlain ang lipad ng Falcons

ni Gerard Arce @Sports | April 19, 2023

Muling tutudlain ng Final Four-bound De La Salle University Lady Spikers ang mataas na lipad ng Adamson University Lady Falcons sa kanilang ikalawang paghaharap sa eliminasyon, habang susubukang buhayin ng Far Eastern University Lady Tamaraws ang laban sa talsik ng Ateneo Blue Eagles sa nalalapit na pagtatapos ng second round ng eliminasyon ng 85th UAAP women’s volleyball tournament ngayon sa MOA Arena, Pasay City.

Gigil na bumawi ng atake si super-rookie Angel Canino upang tulungang muling madala sa Final Four ang Lady Spikers matapos bumitaw ng maiinit na palaso sa huling laro kontra sa talsik ng UP Lady Maroons nang bumitaw ito ng kabuuang 17 puntos upang agarang kalimutan ang matamlay na laro kontra UST Golden Tigresses at mapanatiling nasa tuktok ng liderato sa 10-1 kartada.

“Sobrang nakaka-proud lang din kasi galing kami sa talo. Sobrang laki ng lesson ng past game namin. Hindi kami papayag na ganu'n lang,” pahayag ni Canino, na humataw ng 13-of-26 kasama ang tig-dalawang aces at blocks. “Alam ko naman marami pang kailangan i-improve sa future games,” dagdag ng 19-anyos na 5-foot-11 outside hitter na tubong Bacolod City, kung saan katulong sina Thea Gagate sa 11 puntos at bagong hugot na si 6-foot-2 hitter Sheena Laput ng 9 na puntos.

Nagawang malampasan ng Lady Spikers ang Lady Falcons sa unang paghaharap nang pagbidahan ni Canino ang atake nangg rumehistro ito ng 21 puntos at 17 excellent receptions, kahit pa man nasadlak sa unang set sa 22-25, 25-14, 25-16, 25-19 noong Marso 19 sa FilOil EcoOil Centre. Muli ay maghaharap sa tampok na laro sa women’s division sa 2 pm habang maghaharap naman ang umaasa sa semis na Lady Tams at napatalsik na Lady Eagles, na unang beses nagpaalam sa Final 4 sapol noong season 71 sa alas-12:00 ng tanghali.

Canino, nakabawi para sa DLSU Lady Spikers vs. U.P.

ni Gerard Arce @Sports | April 18, 2023

Todo sa pagbawi si super-rookie Angel Canino upang muling iangat ang semifinal-bound na De La Salle University Lady Spikers matapos bumitaw ng maiinit na palaso upang kalimutan ang matamlay na laro kontra University of Santo Tomas Golden Tigresses na nagbigay ng unang pagkabigo sa 85th UAAP women’s volleyball tournament.

Buhos sa kabuuang 17 puntos ang 5-foot-11 outside hitter kontra sa talsik na sa eliminasyon na University of the Philippines Lady Maroons para mapanatiling nasa tuktok ng liderato sa 10-1 kartada, habang sumegunda si Thea Gagate sa 11 puntos at bagong hugot na si 6-foot-2 hitter at rookie Sheena Laput sa 9 na puntos.

Naging malaking tulong sa koponan ang nagdaang Holy Week break upang mapagmuni-munihan ang mga pagkakamaling nagawa at dapat na plantsahin upang maibalik ang paraan upang manalo.

“Sobrang nakaka-proud lang din kasi galing kami sa talo. Sobrang laki ng lesson ng past game namin. Hindi kami papayag na ganun lang,” pahayag ni Canino, na humataw ng 13-of-26 kasama ang tig-dalawang aces at blocks. “Alam ko naman marami pang kailangan i-improve sa future games,” dagdag ng 19-anyos na tubong Bacolod City.

Itinuturing ng Lady Spikers na napaka-importanteng laro ng pangwawalis sa laglag na sa kontensyong Lady Maroons sa 25-15, 25-16, 25-16 na nagsilbing pambawing panalo upang muling iangat ang kumpiyansa at positibong panalo sa liga. “Of course, super important ‘to kahit na UP kalaban namin. Kasi ito ;yung strong comeback namin. Dito makikita kung ano kami as a team,” wika ni Gagate, na nagtapos sa 9-of-14 atake at dalawang blocks.

Kahit man tangan na ang isang puwesto sa Final Four, nais munang pagtuunan ng pansin ng Lady Spikers na tapusin ng maayos ang second round at isantabi muna ang pagtingin sa twice-to-beat na bentahe sa semifinal round.

Lady Eagles at Bulldogs, umatake, Belen, malakas

ni Gerard Arce @Sports | April 13, 2023

Mga laro sa Sabado

(Philsports Arena, Pasig City)

10:00 n.u. – UE Warriors vs. Adamson Falcons (men’s)

12:00 n.t. – UE Lady Warriors vs. Adamson Lady Falcons (women’s)

2:00 n.h. – Ateneo Blue Eagles vs. UST Golden Tigresses (women’s)

4:00 n.h. – Ateneo Blue Eagles vs. UST Golden Spikers (men’s)

Parehong winalis ng National University Lady Bulldogs at Ateneo de Manila University ang mga katunggaling Adamson University Lady Falcons sa bisa ng 26-24, 25-16, 25-22 at University of the Philippines Lady Maroons sa straight set 25-20, 25-17, 25-22, kahapon sa mas lumalalim na aksyon sa second round ng eliminasyon ng University Athletic Association of the Philippines season 85 women's volleyball tournament sa Filoil EcoOil Centre sa San Juan.

Muling umatake ng pambihirang laro si reigning Rookie/MVP Mhicaela “Bella” Belen para pangunahan ang defending champions Lady Bulldogs sa paglapang sa Lady Falcons sa inirehistrong 20 puntos mula sa 18 atake at dalawang blocks kasama ang 11 excellent receptions, habang nakatulong niya sa puntusan sina Alyssa Solomon sa 11pts mula sa siyam kills at dalawang butata at Evangeline Alinsug sa 10pts, gayundin ang suporta nina libero Jen Nierva sa 12 receptions at 10 digs at Camila Lamina sa 15 excellent sets kasama ang apat na puntos.

Dahil sa panalo ng Lady Bulldogs ay nakatabla ito sa Adamson kasama ang University of Santo Tomas Golden Tigresses sa 7-3 kartada sa ilalim ng nangungunang De La Salle Lady Spikers sa 9-1 marka. “Nag-unwind muna kaming teammates para naman ma-relax kami amd ma-restart kung anong iyong ginawa namin. Sinet naming yung goal namin kung anong gagawin namin this game and this round,” pahayag ni Belen.

Matinding pagbawi naman ang ipinakita ng Ateneo sa pangunguna ni ace-hitter Faith Nisperos na bumanat ng kabuuang 17 puntos sa lahat ng atake, kasama ang pitong digs upang maiangat ang koponan sa 4-6 kartada para sa solo sixth place na umaaasang makakabalik sa semifinals kasunod ng third place finish nung nagdaang season.

Nakakuha ito ng suporta mula sa ibang players tulad nina Vanessa Gandler na tumapos ng siyam puntos at Lyann De Guzman na may walong puntos mula sa pitong atake at isang block, kasama ang pitong excellent receptions na nakatakdang paghandaan ang third placer na UST Golden Tigresses sa Sabado.