Judoka Nakano, babanat sa Asian Open bago sabak sa SEAG

ni Gerard Arce @Sports | April 26, 2023

Bago sumabak sa 32nd Southeast Asian Games na idaraos sa Cambodia sa susunod na buwan, lalahok muna ang Filipino-Japanese judoka na si Shugen Nakano sa Asian Open na gaganapin mula sa araw na ito-Abril 26 hanggang 30 sa Sheikh Abdullah Al-Jaber Judo Hall sa Kuwait.

Nakatakda namang idaos ang judo competition sa SEA Games sa Mayo 13-16 sa Chroy Changvar Convention Center sa Phnom Penh. Ang world ranked No.105 , ang 26-anyos na si Nakano ang top seed sa 26 entries sa -66kg category ng Asian Open na lalahukan ng 128 atleta mula sa apat na kontinente.

Kasunod niya bilang second seed si world No.121 Abdulelah Aljayzani ng Saudi Arabia, pangatlo si Aziz Harbi ng Tunisia (No. 154), Mounis Hawsawi ng Saudi Arabia (No. 159), Bolat Bilal ng Kazakhstan (No. 214), Martin Lau ng Hong Kong (No. 231), Erbol Abasbekov ng Kyrgyzstan (No. 251) at Moath Ealsman ng Jordan (No. 262).

"I will do my best to gain momentum in the SEA Games by winning a medal in this (Asian Open) competition," ani Nakano, na target ang kanyang ikatlong sunod na SEA Games gold medal. Kasama ang kanyang kakambal na si Keisei, hangad din ni Shugen na mag-qualify sa 2024 Paris Olympics. Lahat ng torneo na nasa ilalim ng International Judo Federation (IJF) World Tour ngayong taon ay pawang qualifiers para sa Olympics.

Angels middle blocker Phillips, lalaro sa Korean V- League

ni Gerard Arce @Sports | April 25, 2023

Papalo na sa 2023 Korean Volleyball Federation (KOVO) si Petro Gazz Angels middle blocker Mar Jana Phillips matapos matupad ang pangarap na makapaglaro sa pamosong Korean V-League para sa koponan ng Gwangju AI Peppers para mapabilang sa Asian Quota Draft matapos mapiling ika-5th overall pick.

Lubos ang tuwang nadarama ng two-time Premier Volleyball League (PVL) Best middle blocker sa pagkakapili sa kanya bilang nag-iisang Filipino import sa South Korean League matapos mapili ang ibang Asian imports mula Indonesia at Thailand. “It has always been my dream to play in the Korean league and now I have a chance to show what Filipinos can do. I promise to give it everything I got and make the Filipinos proud,” pahayag ng 6-footer na middle blocker sa kanyang Instagram post.

Hindi pinalad ang ibang mga Filipinong manlalaro na kinabibilangan nina Creamline Cool Smashers’ Julia Morado-De Guzman, Dindin Santiago-Manabat ng Akari Chargers, Mylene Paat ng Chery Tiggo Crossovers at nina Majoy Baron at Iris Tolenada ng F2 Logistics Cargo Movers.

Mapapabilang ang 27-anyos na Filipino-American sa mga Pinoy na kasalukuyang naglalaro sa ibang bansa mula kina Jaja Santiago ng Ageo Medics at Bryan Bagunas ng Win Streak.

Gayunpaman, tila masasaktan ang kampanya ng Petro Gazz sa dalawang sunod na komperensiya sa PVL sa pagtatpat ng liga sa Korean League, kasunod ng pagpasok ng koponan sa magkadikit na Finals appearance, kung saan natulungan nitong makuha ang ikalawang titulo sa 2022 Reinforced Conference at runner-up finish sa All-Filipino Cup na pinagtagumpayan ng Cool Smashers sa tatlong laro. “Maraming salamat po sa inyong lahat who have supported me through my journey. Please keep supporting me as I enter this new chapter. Thank you, Gwangju Ai Peppers, for giving me this opportunity,” wika ni Phillips.

Inaabangan ni World Champion Tapales na makabangas si Inoue

ni Gerard Arce @Sports | April 19, 2023

Mas nakokonsiderang makakatapat ni newly-crowned IBF at WBA super-bantamweight champion Marlon “Nightmare” Tapales sa hinaharap si dating undisputed bantamweight titlist Naoya "Monster" Inoue sakaling magtagumpay ito laban kay reigning at defending WBC at WBO titlist Stephen “Cool Boy Steph Scooter” Fulton upang maisakatuparan ang pagiging kauna-unahang undisputed na Filipino boxer sa kasaysayan.

Inaasahan ni Tapales na magiging mabigat ang kakaharaping pagdepensa sa titulo sa paghihintay sa magwawagi sa pagitan ng dalawang walang talong boksingero na magiging kaabang-abang ang undisputed bout sa sinumang mananalo sa unification match nina Fulton at Inoue sa Hulyo 25 sa Ariake Arena sa Tokyo, Japan. Subalit mas pinaghahandaan ng 31-anyos mula Kapatagan, Lanao del Norte ang dating undisputed bantamweight title holder na Japanese slugger.

“Inoue is number 1 pound for pound so everybody wants to fight him, including me. I’m a champion now so I feel I’ve got a ticket to fight him too, so I can prove that I can be pound for pound like him,” pahayag ni Tapales (37-3, 19 knockouts) patungkol kay Inoue (24-0, 21KOs) na nagawa ring pagharian ang light-flyweight at super-flyweight class.

Matagumpay na naagaw ni Tapales ang dalawang titulo kay Murodjon Akhmadaliev ng Uzbekistan sa bisa ng spilt-decision nitong Abril 8 sa Boeing Center sa Tech Port, San Antonio, Texas.

Maging si MP Promotions President at co-promoter ni Tapales na si Sean Gibbons ay mas kumbinsidong mas malaking laban sakaling si Inoue ang makatapat ng Pinoy champion dahil mas makakahatak ito ng maraming manonood at sponsors, habang nakikita rin nitong mas