'Monster' Inoue at Cool Fulton bakbakan na, Tapales abangers

ni Gerard Arce @Sports | July 25, 2023

Parehong aminado sina WBC/WBO titlist Stephen “Cool Boy Steph Scooter” Fulton at dating undisputed bantamweight kingpin Naoya “Monster” Inoue na hindi pa nakakalaban ang klase ng boksingero gaya ng isa’t isa sa kanilang 12-round World title fight ngayong Martes ng gabi sa Ariake Arena sa Tokyo, Japan.

Magsasalubong ang landas ng dalawang walang talong boksingero na paniguradong makakatapat para sa undisputed 122-pound title si unified International Boxing Federation (IBF) at World Boxing Association (WBA) champion Marlon “Nightmare” Tapales ngayong taon. “I don’t think I’ve ever fought an opponent like Fulton, but at the same time, Fulton can say the same for me,” wika ni Inoue. “I believe in my mindset.

I believe in my abilities. There’s nothing I can’t out-think. I didn’t take this fight to go out there for money.

That’s what other guys wanna do."

Mag-aabang at maghihintay sa isang magandang pwesto sa ringside si Tapales (37-3, 19KOs) sa magiging resulta ng bakbakan para sa 12-round unified championship na paniguradong makakatapat niya sa isang undisputed 122-pound battle ngayong taon. “I want to send a message to the two fighters who will see me ringside,” wika ni Tapales na maghihintay na matapos ang laban sa mismong lugar upang hamuning makatapat para sa undisputed championship ngayong taon. “Whoever wins has to go through me next.”

Inaasahan ng 31-anyos na tubong Tubod, Lanao del Norte na magiging mabigat ang kakaharaping pagdepensa sa titulo na matagumpay na naagaw ang dalawang titulo kay Murodjon Akhmadaliev ng Uzbekistan sa bisa ng split-decision nitong Abril 8 sa Boeing Center sa Tech Port, San Antonio, Texas upang magkaroon ng malaking tsansa para sa unification title bout sa hinaharap.

Subalit mas pinaghahandaan ng 5-foot-4 southpaw ang dating undisputed champion na Japanese slugger. Nauna ng inihayag ni Tapales na mas nais niyang makatapat si Inoue na nagpatumba sa maraming Filipinong boksingero.

Speed Hitters, nakaisa agad sa semis; Titans 7th place sa PVL

ni Gerard Arce @Sports | July 23, 2023

Laro sa Lunes (Philsports Arena)

4:00 n.h. – Kurashiki Ablaze vs Cignal HD Spikers

6:30 n.g – PLDT High Speed Hitters vs Kinh Bac Bac Ninh Womens

Matamis na unang panalo sa semifinals ang kinonekta ng PLDT High Speed Hitters ng kunin ang madaling straight set na panalo kontra F2 Logistics Cargo Movers sa bisa ng 25-19, 25-19, 25-18, habang nakamit ng Choco Mucho Flying Titans ang 7th place nang walisin ang Chery Tiggo Crossovers sa pamamagitan ng 25-20, 26-24, 25-15 kahapon sa 2023 Premier Volleyball League (PVL) Invitational Tournament sa Philsports Arena sa Pasig City.

Kumana ng game high 20 puntos si Honey Royce Tubino mula sa 18 atake at tig-isang block at ace, habang sinundan ni Fiola Ceballos ng siyam at Dell Palomata ng 8 puntos upang makabawi sa straight set pagkabigo kontra Cignal HD Spikers nitong nagdaang Huwebes. Nag-ambag rin sa opensa at depensa sina Rhea Dimaculangan sa 14 excellent sets at Kath Arado na sumali ng 14 digs ar walong receptions upang makuha ang 1-1 kartada sa maigsing single round robin semifinals.

"High morale kami ngayon kasi first win namin sa semis pero more tiyaga at more training pa kami para sa next games,” wika ni Tubino. “Nagfocus lang talaga kami sa sarili namin at dinugtungan lahat ng pinagharapan sa training, mga pagod at hirap sa team effort na 'to.”

Tanging si Myla Pablo lamang ang tumapos ng doble pigura sa 10pts para sa Cargo Movers, habang sumuporta sina Majoy Baron at Aby Marano na may tig-siyam puntos na nalasap ang ikalawang sunod na pagkatalo sa semifinals sa 0-2 marka matapos matalo sa Creamline Cool Smashers nitong Huwebes.

Humataw naman ng husto para sa Choco Mucho si Caitlin Viray sa 22pts mula sa 17 atake, tatlong blocks at dalawang aces, samahan pa ng walong digs, habamg sumegunda sa kanya si Sisi Rondina na may 15pts muka sa 14 atake kasama ang siyam digs at anim receptions para tapusin ang kampanya sa classification match.

Pacman vs Buakaw sa exhibition match

ni Gerard Arce @Sports | July 23, 2023

Matinding pakyawan sa suntukan at buwakawan sa kaldagan ang ihahatid ng nag-iisang eight division World champion Manny “Pacman” Pacquiao laban sa Muay Thai at kickboxing icon na si Sombat “Buakaw” Banchamek sa isang boxing exhibition match na nakatakdang ganapin sa Enero 2024 sa Thailand.

Masasaksihan ng buong mundo ang pinakaaabangang pagtatapat ng dalawang maalamat na mandirigma ng kani-kanilang pampalakasan sa bakbakang pinamagatang “The Match of Legends” na isinulong ng kilalang organizing promoter na Fresh Air Festival Co. Ltd. na siyang naghatid ng malaking football event sa Thailand na “The Match Bangkok Century Cup 2022” na kinatampukan ng dalawa sa pinakasikat na football clubs sa mundo na Liverpool at Manchester United.

“The Match of Legends is a new event concept geared towards attracting combat sports icons for a match,” wika ni Mr. Vinij Lertratanachai, CEO ng Fresh Air Festival Co., Ltd, na makakatambal ang SF Corpoation PLC, ang nangungunang inema operator sa Thailand upang ihatid ang makasaysayang paghaharap ng pinakatinitingalang atleta ng kani-kanilang bansa at ng buong mundo.

Naniniwala si SF Corporation PLC Chief Marketing Officer, Mr. Suvit Thongrompo na makakapagbigay ng pangmatagalang alaala ang tapatan nina Pacquiao (62-8-2, 39KOs) at Buakaw (240-24-14, 73KOs) sa pangkalahatang manonood lalo pa’t hinahangaan at iginagalang ang dalawang icons sa kani-kanilang isports na inaasahang mailalagay sa listahan ng kasaysayan.

Huling sumabak sa exhibition match si Pacquiao noong Dis. 11, 2022 kontra kay South Korean fighter DK Yoo sa Korea International Exhibition Center na nagtapos sa unanimous decision ng kanilang six round bout. Pumirma rin ito ng kasunduan sa kilalang Japanese Promotions na RIZIN MMA para lumaban rin sa isang exhibition match.

Ilang beses ring napabalitang magbabalik boxing ring ito para kalabanin si Conor “The Destroyer” Benn ng United Kingdom sa ilalim ng Matchroom Promotions ni Eddie Hearn.