ni Janiz Navida @Showbiz Special | July 19, 2025
Photo File: Sharon Cuneta at Gabby Concepcion - IG
Bago pa mabigyan ng isyu ng iba na may ‘something’ na naman sa pagitan ni Megastar Sharon Cuneta at ng ex-hubby niyang si Gabby Concepcion, nilinaw na ito ng singer-actress.
Sa isang recent interview kasi ni Ate Shawie sa ANC show na Beyond The Exchange, nilinaw nitong “trabaho” lang ang relasyon nila ni Gabby at hindi sila “friends”.
Kung matatandaan, nagbunyi ang mga ShaGab fans nang maging okay na uli at magsama pa sa isang concert tour here and abroad ang ex-couple.
Pero sa kabila pala ng sweetness na ipinakikita nila sa stage sa kanilang mga shows, behind the camera ay hindi naman ganu'n sina Sharon at Gabby.
Paglilinaw ni Sharon kung bakit hindi niya masasabing friends sila ng tatay ng panganay niyang si KC, “We’re okay. When you say friends kasi, it means keeping in touch constantly and checking up on each other. In that sense, we’re not. But we get along, we’re older na and we have a daughter.”
Idiniin din nito na wala namang away o galit sa pagitan nila — just clear boundaries.
“It was better that way,” pahayag niya. “Not for anything but to kind of keep it uncomplicated.”
Naging professional naman daw sila sa isa't isa during their concert tour, pero
hanggang du'n lang ‘yun.
“We were okay, we were so sweet on stage but in reality, we only saw each other on stage when we did the soundcheck. We never spent time together in between the shows.”
Well, baka naman ayaw lang paasahin ni Ate Shawie ang mga fans na magkakabalikan pa sila ni Gabby lalo't masaya na sila sa kani-kanilang pamilya kaya nilinaw na niya ang totoong relasyon nila ng ex-husband sa likod ng camera.
VERY informative at marami talagang natutulungan ang CIA with BA show hosted by Sen. Alan Peter Cayetano and King of Talk Boy Abunda.
Isang babae ang dumulog kamakailan sa programang CIA with BA upang humingi ng ‘Payo ni Kuya Alan’ kung ano ang dapat niyang gawin sa pagkakaroon ng dalawang birth certificate.
Kuwento ni Keiko, mula pagkabata hanggang sa siya’y makapagtapos at makapagtrabaho, ang ginagamit niyang apelyido ay ang sa kanyang ina.
Bago mag-pandemya, sinubukan niyang kumuha ng PSA-authenticated birth certificate, ngunit ang naibigay sa kanya ng ahensiya ay nasa apelyido na ng kanyang ama.
Maraming ginawa at nilapitan si Keiko para ayusin ang sitwasyon, pero halos iisa ang sagot—kailangang idaan ito sa korte.
Aniya, “Gusto ko pong ma-retain ‘yung [apelyido ng nanay ko], hindi lang po dahil ‘yun na ‘yung nakasanayan ko, kundi gusto ko rin po itong ilaban para sa kanya dahil eversince po talaga, siya ang nagtaguyod sa akin, nagpaaral, lahat-lahat.”
Ayon kay Senador Alan Peter Cayetano, ang mabuting balita ay may simpleng legal na paraan para maresolba ang kaso ni Keiko.
“There is a simple legal remedy,” paliwanag niya. Gayunpaman, kailangan pa rin itong dumaan sa korte kaya’t mangangailangan ito ng panahon at gastos.
“But of course, we’re here not to just give you legal advice but to assist. Hahanap tayo ng partners natin na puwedeng mag-draft at tumulong mag-file,” dagdag niya.
Ipinaliwanag pa niya na, “Until a few years or a decade ago, marami tayo talagang mga kababayan na walang birth certificate. May effort talaga na ayusin ‘yung birth certificate ng bawat isa.”
“Ang nangyari in your case, if I’m not mistaken, is that meron kang original birth certificate. Pero may nag-advise siguro na mag-file ka ng late registration, so pangalawa ito,” aniya pa.
Dagdag ni Sen. Cayetano, nagkaroon ng memo na nagsasabing kailangang i-cancel ang anumang pangalawang birth certificate kung hindi naman na-annul ang una.
“Sa ‘yo, ang solution is to file the case for the change of name. When you change your name, you have to have a good reason, and your reason is a good reason, walang magda-doubt nu’n, so it’s a matter of time and getting it done,” pagtatapos niya.
Hinangaan din ni Senador Alan ang determinasyon ni Keiko na parangalan ang kanyang ina at ang malinaw nitong pagpapahayag ng kanyang saloobin.
“Kung lahat ganyang mag-explain, sorry pero hindi na natin kailangan ng Mariteam sa segment,” biro pa ni Kuya Alan.
Kasama ang multi-awarded TV host na si Boy Abunda, pinangungunahan ni Alan ang CIA with BA bilang pagpapatuloy ng adbokasiya ng kanyang yumaong ama na si Senador Rene Cayetano.
Napapanood ito tuwing Linggo, 11:00 p.m. sa GMA7, at may replay tuwing Sabado, 10:30 p.m. sa GTV.
