Banyaga at ‘di OFWs, bawal pumasok sa 'Pinas

ni Ronalyn Seminiano Reonico | March 17, 2021

Pansamantalang ipagbabawal ng pamahalaan ang pagpasok sa bansa ng mga foreign national at balikbayan na hindi overseas Filipino workers (OFWs) simula sa Sabado, March 20, hanggang April 19 dahil sa patuloy na pagtaas ng kaso ng COVID-19.

Pahayag ng National Task Force Against COVID-19 (NTF) sa Memorandum Circular No. 5, s. 2021, “In light of efforts to prevent the entry of SARS-CoV-2 variants from other countries and the further rise of cases, all concerned agencies are hereby directed to limit the number of inbound international passengers/arrivals to only One Thousand Five Hundred (1,500) a day and to temporarily suspend the entry of Foreign Nationals and Returning Overseas Filipinos (ROFs) who are non-OFWs.”

Samantala, exempted diumano sa naturang kautusan ang sumusunod:

• Holders of 9(c) visas;

• Medical repatriation and their escort/s duly endorsed by the DFA-OUMWA or OWWA;

• Distressed ROFs duly endorsed by DFA-OUMWA; at

• Emergency, humanitarian, and other analogous cases approved by the NTF-COVID-19.

OFWs, oks na uli sa Bahrain

ni Thea Janica Teh | October 29, 2020

Tatanggap na muli ang ilang bansa sa Middle East ng mga foreign workers, partikular ang mga Pinoy, ayon sa embahada ng Pilipinas sa Bahrain.

Bahagi ni Phil. Ambassador to Bahrain Alfonso Ver, ito umano ang patunay na in-demand ang mga Pinoy sa Middle East dahil kilala ito sa pagbibigay ng magandang serbisyo.

Aniya, “Hindi lang po doon sa ating mga household service worker, marami rin sa hospitality service, sa hotel and tourism at malaking bagay ho dito of course iyong customer service, iyong pakikipagtungo sa mga tao, iyong ating communication skills . . .

Tanyag ang Filipino diyan.” Ito rin umano ay bahagi ng pag-angat ng ekonomiya ng Bahrain simula nang makontrol nito ang COVID-19 infections. Tinatayang nasa 3,000 active cases na lamang ang mayroon sila at 71 rito ang tumatanggap ng active treatment at 24 naman ang kritikal.

Umabot naman sa 362 Pinoy ang tinamaan doon ng COVID-19 at 11 ang namatay.