SNMP: Samahan ng mga palaban!

ni Fely Ng - @Bulgarific | October 13, 2021

Hello, Bulgarians! Marami sa mga Pilipino ang nabago ang pamumuhay dulot ng pandemic, lalo na pagdating sa trabaho ng mga karpintero, mangingisda, at iba pang eksperto sa konstruksiyon. Pero bilang mga mandirigma ng buhay, palagi tayong nakahahanap ng rason para bumangon; para ipakita na sa anumang hamon, handa tayong lumaban ng may puso at tapang.

Ngayong pandemic, sinubok ang ating mga abilidad. Higit pa roon, dito rin nalaman ng karamihan na kailangan palagi ng kasangga sa pagharap sa mga hamon ng buhay at kakampi na patuloy tayong sasamahan kahit sa pangkabuhayan.

Kaya ipinakikilala ang Bostik Epoxies o ang Samahan ng mga Palaban na magsisilbing kasangga ng ating mga manggagawang Pilipino. Ipinapakita nito kung gaano katibay, kakapit, at katatag ang bawat isa kaya naman sila’y tunay na palaban saan mang sulok ng Pilipinas.

Kabilang dito ang Bostik El Heneral All Purpose Epoxy na ginagamit sa mga woodworks, glass, ceramic, at porcelain dahil ito’y may excellent bonding properties na siguradong magdidikit at mag-aayos ng ganitong klaseng materyales. Pinapatibay din ng El Heneral ang mga surfaces mula sa cracking at iba’t ibang chemicals na puwedeng makasira sa mga ito.

Sumunod naman sa Samahan ng mga Palaban ay ang Bostik El Kapitan Marine Epoxy na magsisilbing kasangga ng mga Pilipinong mangingisda sa kanilang paglalayag. Ang Bostik El Kapitan ay makapit na epoxy at ginagamit para sa mga bangka na madalas pumapalaot.

At pangatlo sa Samahan ng mga Palaban ay ang Bostik El Supremo Builders Epoxy na kasangga ng mga MATATAG na eksperto sa konstruksiyon. Ang Bostik El Supremo ay ginagamit ng mga engineers at contractors sa “pang-heavy duty” na materyales, tulad ng bakal at kongkreto dahil alam nila kung gaano kahirap at kaselan ang pagtayo ng establisimyento. Mula ngayon, siguradong pangmatagalan ang mga maitatayo ng ating mga eksperto dahil meron silang kakampi at kasama sa kahit anong hamon ng buhay.

Marahil, kalakip na ng mga mabubuting nangyayari sa ating buhay ang mga hindi natin ninanais. Pero, tulad nga ng Bostik Epoxies, kung meron man dapat tayong matutunan sa lahat ng mga napagdaanan natin, ‘yun ay maging PALABAN at MAGKAISA sa anumang kinahaharap na problema.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

SM Supermalls, nakatakdang buksan ang mga VAXCertPH booth sa buong bansa

ni Fely Ng - @Bulgarific | October 11, 2021

Hello, Bulgarians! Kamakailan ang SM Supermalls ay nakipagtulungan sa Department of Health (DOH) at Department of Interior and Local Government (DILG) upang maging unang opisyal na venue partner ng digital vaccination certificate program VAXCertPH, na ginanap sa SM City Clark. Pumirma sa Memorandum of Agreement sina SM Supermalls President Steven T. Tan; Presidential Spokesperson Harry Roque; Health Secretary Francisco Duque; National Task Force (NTF) against COVID-19 Chief Implementer and Vaccine czar Sec. Carlito Galvez, Jr.; NTF DCI Testing czar Sec. Vince Dizon; DILG Usec Jonathan Malaya; DICT Usec Manny Caintic; MMDA Chairman Benhur Abalos, Angeles City Mayor Carmelo Lazatin, Jr. at Mabalacat City Mayor Crisostomo Garbo.

“The VAXCertPH initiative will be very helpful to our fellow Filipinos, especially the OFWs and international travelers, as this certification can be used when going abroad. We at SM are pleased to be of service in making the vaccine certification records more accessible to Filipinos nationwide,” sinabi ni Tan sa kanyang pambungad na pahayag.

Ang VaxCertPH ay programa ng DILG at DOH na magbibigay sa mga Pilipino ng digital vaccine certificate bilang patunay na mula sa kanilang LGU database. Ang programa ay idinisenyo upang matugunan ang kakulangan ng pagkakapareho sa mga sertipiko na nagpapahiwatig ng katayuan sa pagbabakuna ng isang tao. Ang mobile app at portal para sa pag-isyu ng mga digital vaccination certificate ay binuo ng Department of Information and Communications Technology (DICT).

Sa ilalim ng partnership, ang SM ay nakatakdang magbigay ng lugar sa loob ng 76 malls nationwide nakatuon para sa mga booth ng VAXCertPH kung saan ang mamamahala ay mga kinatawan ng LGU. Tutulungan din ng SM ang mga ahensya ng gobyerno sa pagpapaalam sa pangkalahatang publiko ng hakbangin ng VAXCertPH sa pamamagitan ng mga marketing material, online announcement at traditional media.

“We are proud to be the country’s single biggest vaccination center, as well as a venue for COMELEC registration, a safe place where you can get your National ID, passports, and business permits. We also provide drive-through Covid testing centers in over 10 of our malls across the country. As a good citizen, we are always – as our Supermarkets say – “HAPPY TO SERVE," dugtong pa ni Tan.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Concepcion, pinuri ang pamahalaan sa pagpayag ng shorter quarantine para sa mga bakunado

ni Fely Ng - @Bulgarific | October 10, 2021

Hello, Bulgarians! Nagpahayag ng pasasalamat si Presidential Adviser for Entrepreneurship Joey Concepcion sa pamahalaan para sa pakikinig sa panawagan ng business sector na i-relaks ang kanilang health protocol para sa mga manlalakbay, lalo na para sa fully vaccinated, na nagsasabing malaki ang maitutulong nito sa pagpapabilis ng aktibidad sa ekonomiya sa huling quarter ng 2021.

“I am thankful that the government listened to our repeated calls to relax the guidelines for the fully vaccinated. With the shorter quarantine, many will be encouraged to fly, engage in economic activities and most importantly reunite with families with lesser costs in mind,” pahayag ni Concepcion.

“This is a great Christmas gift for Filipino families. We have lost so much lives this pandemic. Now, our balikbayans can spend time with their families. They can celebrate together with extra money to spend from the hotel quarantine savings,” dagdag pa niya.

Ang Inter-Agency Task Force (IATF) ay naglabas ng mga bagong quarantine protocol para sa mga dumarating na pasahero. Sinimulan noong Oktubre 8, ang lahat ng fully vaccinated na mga manlalakbay mula sa mga "berde" at "Dilaw" na mga bansa ay dadaan sa pagsusuri, sa ika-5 araw pagkatapos ng pagdating at makakauwi matapos na makuha ang negatibong resulta ng RT-PCR. Kinakailangan nilang ipagpatuloy ang kanilang quarantine sa bahay para sa karagdagang 5-araw.

Para sa mga hindi nabakunahang turista, susuriin sila sa ika-7 araw at kung negatibo, maaari nilang ipagpatuloy ang quarantine sa bahay. Gayunman, kailangan nilang manatili sa bahay para sa karagdagang pitong araw na kinakailangan para sa kabuuang 14 araw quarantine.

“This is another win for us and the airline companies like Philippine Airlines, Cebu Pacific and Air Asia who will benefit from this new development. Their industry has been badly hit and this is a way to help them recover”, binigyang-diin ni Concepcion.

Matatandaang, namuno si Concepcion ng talakayan sa iba't ibang stakeholder ng industriya ng airline at kasama rito si Dr. Edsel Salvaña na isa sa mga tagapayo ng IATF. Sa pagpupulong na iyon, tinalakay ang panukalang alisin ang RT-PCR test para sa domestic na paglalakbay at 5-araw na quarantine para sa mga internasyunal na manlalakbay.

Maging si Pangulong Rodrigo Duterte ay nagtulak para sa mas maikling panahon ng quarantine para sa mga papasok na manlalakbay na fully vaccinated upang mapagaan ang pasanin sa mataas na gastos sa mga hotel. Nais ni Duterte na ang kasalukuyang 10 hanggang 14-araw na quarantine period ay maging hanggang pitong araw lamang.

Sa isang memorandum, sinabi ni Cebu Gov. Gwendolyn Garcia na ang medical certificate na inisyu sa loob ng 24-oras bago dumating ang mga turista ay indikasyon na walang sintomas ng virus at sapat na upang payagan silang pumasok sa lalawigan.

Simula Nobyembre 15, ang lokal na pamahalaan ng Coron, Palawan, ay magsisimula nang tumanggap ng mga bakunadong turista galling sa labas ng Palawan sa pamamagitan ng point-to-point (P2P) bubble tourism policy.

Mahigit sa 1,000 mga may-ari ng negosyo at prangkisa ang nagpahayag ng suporta sa mungkahi ni Concepcion, na nananawagan sa gobyerno na tuklasin ang posibilidad na magbigay ng mga insentibo, kasama na ang pagpapadali ng mga alituntunin, upang ganap na mabakunahan ang mga tao.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.