Pag-IBIG Fund home loan payment umabot sa P57.6 billion

ni Fely Ng - @Bulgarific | December 9, 2022

Hello, Bulgarians! Dahil sa malakas na koleksyon ng mga pagbabayad sa home loan sa nakalipas na 10-buwan, ang ratio ng performance ng Pag-IBIG Fund ay umakyat sa 89.96% noong Oktubre, na lumampas sa year end target ng ahensya, inihayag ng mga top executive noong Lunes (28 Nobyembre).

Mula Enero hanggang Oktubre, ang home loan payment ay umabot sa P57.58 bilyon, double-digit na pagtaas ng 30 porsyento o mas mataas ng P13.31 bilyon kumpara sa P44.27 bilyon na nakolekta sa parehong panahon noong nakaraang taon. Ang halaga ay mas mataas na rekord ng pagbabayad sa home loan na nakolekta ng ahensya para sa panahon ng Enero hanggang Oktubre.

“We are happy to report that the amount of home loan payments we have collected so far this year is the highest in our history. This is good news as it reflects the continued recovery of our borrowers from the financial difficulties caused by the pandemic. Our strong collections is key in maintaining our financial sustainability, as the amount we collect are ploughed back to our housing portfolio so that more members can avail of affordable home loans from Pag-IBIG Fund. This is one of our ways of heeding President Ferdinand Marcos, Jr.’s call in solving the country’s housing backlog within the next six years,” saad ni Secretary Jose Rizalino L. Acuzar, na namumuno sa Department of Human Settlements and Urban Development at ng 11-member Pag-IBIG Fund Board of Trustees.

Idinagdag ni Pag-IBIG Fund Chief Executive Officer Marilene C. Acosta, na dahil sa record-high collections nito, nalampasan ng ahensya ang year end target nito sa performing loans ratio (PLR) nang mas maaga kaysa sa inaasahan.

Noong Oktubre, ang PLR ng Pag-IBIG Fund ay nasa 89.96% na lumampas sa year end target nito na 88%, habang nakakuha ng 1,028 basis points na mga numero mula Setyembre 2021 nang bumaba ang PLR ng ahensya sa 79.68% kasunod ng mga epekto ng pandemya.

“We thank our members for their efforts in fulfilling their payment obligations on their Pag-IBIG Housing Loans. It shows their growing appreciation that their on-time payments allow us to continue financing the loans of other members who wish to secure housing loans of their own. And, as we all continue to recover from the pandemic, we shall keep working hard to maintain our collections strong and our PLR high. These would allow us to not only address the loan needs of our members, but to also keep our interest rates low despite the upward market trend. These are all part of our Lingkod Pag-IBIG commitment to provide accessible and affordable home loans for each Filipino worker,” dagdag pa ni Acosta.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

P-BBM, namigay ng P200K sa mga natatanging OFW sa event ng Go Negosyo

ni Fely Ng - @Bulgarific | December 8, 2022

Hello, Bulgarians! Ginawaran ni Pangulong Ferdinand Marcos, Jr. ng P200,000 ang bawat isa sa siyam na outstanding OFWs sa event ng Go Negosyo na KABAYAN 2022. Ginanap ito noong Disyembre 3 sa SM Mall of Asia sa Pasay City sa ika-17 na anibersaryo ng Go Negosyo.

Ang premyo ay inihayag ni First Lady Liza Araneta Marcos, na ikinatuwa ng siyam na awardees. Sila ay pinili ng Go Negosyo para sa pagbibigay-inspirasyon sa mga kapwa OFW, para sa matagumpay na pagsusumikap bilang entrepreneur at para sa paggamit ng social media upang maging mga influencer sa overseas Filipino community.

Ang cash award ay karagdagan sa kabuuang Php2.5 milyon na halaga ng cash at premyo na ibinigay sa mga masuwerteng dumalo sa KABAYAN 2022, sa tulong ng Go Negosyo at mga

partners nito. “Nagpapasalamat kami sa Pangulo at sa Unang Ginang sa kanilang walang patid

na suporta sa mga OFWs at MSMEs,” ani Go Negosyo founder Joey Concepcion. “Sa loob ng 17-taon na itinaguyod namin ang entrepreneurship sa Pilipinas, marami sa mga MSME na aming natulungan ay business ng mga OFW na nangarap ng mas magandang buhay para sa kanilang mga pamilya,” aniya. “Ang mga OFWs at MSMEs ang siyang tutulong sa paggabay sa ating ekonomiya, at ang digitalization ay magagamit nila sa pagpapaunlad ng kani-kanilang negosyo”, dagdag ni Concepcion.

Sinabi ng Pangulo sa kanyang mensahe na ang pagtulong sa mga OFW na maging negosyante ay magiging daan para sa higit na kaunlaran. “We hope that, through entrepreneurship, our OFWs will now have the option to come home for good, with the ultimate goal of making working abroad a choice rather than a necessity,” sabi ng Pangulo sa kanyang mensahe, na inihatid ni DTI Sec. Alfredo Pascual. Sinabi rin ng Pangulo na ang gobyerno ay patuloy na magsisikap para matiyak ang kapakanan at kagalingan ng mga OFWs. Bukod dito, ang pamahalaan ay magsisikap para makalahok ang mga OFWs sa pag-unlad ng Pilipinas bilang mga negosyante. “We will open up more and better opportunities for you at home so that you can help us in writing a new and vibrant chapter for our great nation,” aniya.

Ang buong araw na entrepreneurship forum at mentoring event ay inorganisa para sa mga Overseas Filipino Workers (OFWs) at kanilang pamilya. Mahigit isang libong OFW at

kanilang kaanak dumalo sa KABAYAN 2022. Dumalo rin ang sikat na vlogger na si Small

Laude, kasama ang mga content creator at social media influencers na sina Macoy Dubs, Lovely Abella-Mabalo, Berto Berioso, Ana Coting at Christian Antolin. Iba pang egosyanteng gumagamit na ng social media upang itayo ang kanilang negosyo ay nagbahagi ng mga tip; kabilang sina Neri Miranda, Zarah Juan, Malou Prado, Jeffrey Guansing, at Jacqueline Yuentian Gutierrez, kasama ang mga matagumpay na babaeng CEO na sina Rebecca Bustamante at Glenda dela Cruz.

Dumalo rin ang mga matataas na opisyal ng gobyerno sa naturang kaganapan, kabilang sina DTI Sec. Alfredo Pascual, Dept. of Migrant Workers Sec. Susan Ople, at Pasay City Mayor Imelda Calixto-Rubiano. Ang mga pinuno mula sa Philippine Franchise Association, Philippine Retailers Association, CARD-MRI, at MSME lending specialist na Esquire Financing ay lumahok din sa forum tungkol sa mga 3M’s ng matagumpay na pagnenegosyo: money, markets, at mentorship.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

P21-M jackpot sa lotto, nakubra ng mananahi mula sa Taytay, Rizal

ni Fely Ng - @Bulgarific | December 5, 2022

Hello, Bulgarians! Isang mananahi mula Taytay, Rizal ang nagtungo sa tanggapan ng Philippine Charity Sweepstakes Office noong ika-7 ng Nobyembre upang kubrahin ang jackpot prize na nagkakahalagang P21,436,089.60 sa nagdaang Megalotto 6/45 draw noong ika-4 ng Nobyembre, 2022 na may kombinasyon na 16-13-02-19-11-07.

Hindi maipaliwanag ang kasiyahan ng ginang nang personal na iniabot ni Atty. Anna Katrina Nicole C. Contacto, Executive Assistant VI, kinatawan ni PCSO General Manager Melquiades A. Robles, ang tseke na naglalaman ng kanyang napanalunan. “Nang makita ko sa post ng PCSO Facebook Page na nanalo ang aking numero ay hindi na ako nakapagsalita, pinapagpapawisan na ako ng malamig at mangiyak-ngiyak ako sa tuwa. Halos ganyan ang nangyari sa akin sa loob ng dalawang araw. Nasa 15-taon na akong tumatangkilik sa lotto. Sa nakaraang 9-buwan napagpasyahan ko na tayaang numero ang edad ng aking mga anak at sa hindi inaasahang pagkakataon ay nakamit ko ang aking pinapangarap,” saad ng 39-taong gulang na ginang.

Sa panayam nabatid na ang ginang ay mayroong negosyong patahian, ngunit nalugi ito dahil sa pandemya. “Dati-rati ay may sarili akong puwesto, bumagsak ang negosyo kong patahian dahil sa pandemya. Nagsabay-sabay ang dagok sa aking buhay noong panahong iyon. Nabenta ang aming bahay upang maibayad sa utang, ngayon ay nangungupahan kami sa maliit na barung-barong. Dagdag pa ang pagka-opera ng aking anak sa kidney. Kaya’t itinuturing ko ang pagkapanalo ko sa lotto na sagot sa lahat ng naging kahilingan ko sa Panginoon,” dagdag ng bagong milyonaryo.

Laking pasasalamat naman ng bagong winner sa natanggap niyang premyo at mukhang planado na kung ano ang kanyang gagawin sa napanalunan. “Lubos akong nagpapasalamat sa PCSO lalo na’t higit sa Poong Maykapal sa pagdinig ng aking panalangin. Dahil dito, sigurado akong makababangon kaming muli sa pagkalugi. Ipatatayo ko na muli ang aking patahian. Maraming salamat ulit.”

Hinikayat naman niya ang publiko na patuloy na tumangkilik sa mga laro ng PCSO. “Nang bumagsak ang aming negosyo, doon mas lalo akong nagpatuloy sa pagtangkilik ng lotto. Umasa ako na kapag nanalo ako ay makababangon kami. Kaya payo ko lang sa ating mga kababayan ay huwag lang tayo mawalan ng pag-asa dahil hindi natin alam kung kailan ito ipagkakaloob sa atin.”

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.