Mga magsasaka nagbabala: Maaaring wasakin ng mga panukala ng WHO ang kabuhayan

ni Chit Luna @News | November 13, 2025

Photo File

Bilang paghahanda sa nalalapit na World Health Organization (WHO) Framework Convention on Tobacco Control (FCTC) 11th Conference of the Parties, nagbabala ang mga Pilipinong magsasaka ng tabako tungkol sa mga panukalang nakasaad sa Expert Group Report na maaaring banta o tuluyang puksain ang kanilang kabuhayan at ang mga komunidad na umaasa rito.

Sa ilalim ng Agenda Item 4.1, inirerekomenda ng ulat ang ilang matinding hakbang tulad ng pagtigil ng suporta ng gobyerno sa pagtatanim ng tabako, pagbawas sa kita ng mga supplier ng tabako, paghinto sa komersyal na bentahan ng mga produkto ng industriya, at pagpataw ng manufacturing at import quotas na may regular na pagbabawas.

Kinakatawan ng Philippine Tobacco Growers Association Inc. (PTGA) ang 50,000 magsasaka sa buong bansa, ngunit sinasabi ng National Tobacco Administration na ang sektor ng tabako ay sumusuporta sa higit 2.1 milyong manggagawang Pilipino.

Ani PTGA President Saturnino Distor, “The extreme measures proposed in Agenda Item 4.1 are a direct threat to our livelihoods. If implemented, they will not only destroy farms but also devastate entire communities.”

Dagdag niya, malaki ang kontribusyon ng sektor sa ekonomiya sa pamamagitan ng trabaho, export, at excise taxes, at dapat timbangin ng mga delegado ng COP ang mga fiscal at sosyal na implikasyon bago magpatupad ng mahigpit na polisiya.

Binanggit din ni Distor ang Sustainable Tobacco Enhancement Program (STEP) ng Department of Agriculture, na nagtataguyod ng sustainable na pagtatanim ng tabako at nag-uugnay sa lokal na produksyon sa lumalaking demand para sa alternatibong nicotine products tulad ng vapes at e-cigarettes.

Binigyang-diin niya na ang layunin ng STEP na tiyakin ang pangmatagalang seguridad sa kabuhayan ng mga magsasaka. “Makikita sa STEP na may kinabukasan pa rin ang pagtatanim ng tabako sa bansa, lalo na kung makikilala ang mga produktong alternatibong mas ligtas,” ayon sa kanyang pahayag noong 2024.

Labis na nag-aalala ang grupo ng mga magsasaka na inuuna ng Agenda Item 4.1 ang pagbabawal kaysa sa praktikal na solusyon, hindi isinasaalang-alang ang aral mula sa mga bansang tulad ng United Kingdom, Japan, at Sweden, kung saan nakatulong ang regulated na pagpapakilala ng smoke-free alternatives sa pagbawas ng smoking rates.

Ani Distor, bumababa ang demand para sa lokal na tabako sa Pilipinas, kung saan 80 porsyento ng bentahan ay napupunta sa export market. Nahihirapan din ang mga magsasaka laban sa pagpasok ng murang ilegal na sigarilyo, na ayon sa kanila ay pinalalala ng taunang pagtaas ng buwis sa legal na produkto, na lumilikha ng malaking pagkakaiba sa presyo.

Sasali sa COP ngayong taon ang mga delegado mula sa 183 bansa. Nag-aalala ang mga magsasaka na maaaring mauwi sa pagkawala ng kanilang pangunahing kabuhayan ang talakayan.

“We urge the COP delegates to reject policies that kill livelihoods,” ani Distor. “Any future tobacco control policy must strike a balance between public health and the economic realities of millions of farmers and workers whose lives depend on this industry.”

Gayunpaman, nakatanggap ng kritisismo ang WHO FCTC mula sa ilang eksperto sa kalusugan dahil sa pagbibigay-diin sa mahigpit at prohibitionistang polisiya laban sa mga produktong ito.

Nanawagan din ang THR advocates sa WHO na kilalanin na ang pagbawas ng smoking rate ay tumigil na sa kabila ng dekada ng mga polisiya sa kontrol ng tabako.

Hinimok nila ang WHO na isama ang harm reduction sa polisiya at magbigay ng alternatibo sa mahigit 1.3 bilyong smokers sa buong mundo upang mabawasan ang panganib sa kalusugan.

Batas, aprub.. Utang ng mga magsasaka, burado na

ni Mylene Alfonso @News | July 8, 2023

Tinupad ni Pangulong Ferdinand Marcos, Jr., ang kanyang pangako sa mga magsasaka na palayain sila sa utang matapos ang paglagda kahapon sa New Agrarian Emancipation Act, na pakikinabangan ng mahigit 600,000 Pilipinong magsasaka sa buong bansa.

“Sa kauna-unahan ko na State of the Nation Address ay nasabi ko at ipinangako ko sa ating mga kababayan na itutuloy ang Agrarian Reform Program. I am here today to build on that promise because our beneficiaries deserve nothing less,” ani P-BBM sa kanyang talumpati matapos lagdaan ang batas sa Kalayaan Hall sa Malacañang.

Ang New Agrarian Emancipation Act, o Republic Act (RA) No.11593 ay pakikinabangan ng 610,054 magsasaka na nagbubungkal ng mahigit 1.7 milyong ektarya ng mga lupain ng agrarian reform lands upang makalaya na sa kanilang pagkakautang mula sa P57.56 bilyon na agrarian arrears.

Sa ilalim ng umiiral na agrarian laws, ang bawat agrarian reform beneficiary (ARB) ay kailangang magbayad ng halaga ng lupang ibinigay sa kanya sa loob ng 30 taon na may anim na porsyentong interes.

“Panahon na para makalaya sila sa pagkakautang na ito. This is why on 13 September 2022, I signed Executive Order No. 4, imposing a one-year moratorium on the payment of amortization on agrarian debt by our beneficiaries,” pahayag ni Marcos.

Pinasalamatan ng Pangulo ang sangay ng Lehislatura sa pagtugon sa panawagan ng mga magsasaka.

Ikinokonsidera ng batas ang lahat ng hindi nabayarang amortization, kabilang ang mga interes at surcharge, para sa mga iginawad na lupa sa ilalim ng RA No. 6657, o ang Comprehensive Agrarian Reform Law, at iba pang mga batas sa repormang agraryo.

Ang mga ito ay dapat pagbigyan, sa kondisyon na ang mga ARB na ito ay may pagkakautang sa gobyerno sa pagtatapos ng 2022.

Ang mga pangunahing pautang na nagkakahalaga ng P14.5 bilyon sa 263,622 ARBs, na ang mga pangalan at detalye ng pautang ay isinumite ng Landbank of the Philippines sa Kongreso, ay dapat tanggapin nang tahasan.

Ang condonation ng natitirang P43.06 bilyon na pautang ng 346,432 ARBs ay magkakabisa sa pagsusumite ng mga detalye ng pagkakautang ng ARBs ng LBP at ng Department of Agrarian Reform (DAR) sa Kongreso.

Aakuin din ng gobyerno ang obligasyon para sa pagbabayad ng makatarungang kompensasyon sa mga may-ari ng lupa sa ilalim ng Voluntary Land Transfer o Direct Payment schemes para sa benepisyo ng 10,201 ARB na may kabuuang mga dapat bayaran na P206.25 milyon.

177 magsasaka ng Hacienda Tinang, makatatanggap na ng titulo ng lupa — DAR

ni Lolet Abania | June 17, 2022

Ipinahayag ng Department of Agrarian Reform (DAR) ngayong Biyernes na ilalabas na nila ang inisyal na listahan ng 177 magsasaka ng Hacienda Tinang sa Tarlac na makatatanggap ng kanilang land titles.

Ginawa ang anunsiyo sa parehong araw kung saan 83 magsasaka at land reform advocates ang nasakdal o na-arraign sa Capas Regional Trial Court sa mga kasong illegal assembly at malicious mischief matapos na magsagawa ng isang tinatawag na ceremonial cultivation of land o “bungkalan” sa lupang sakahan para markahan ang anibersaryo ng passage ng Comprehensive Agrarian Reform Program (CARP) law noong nakaraang Hunyo 10.

Tumanggi naman ang mga magsasaka na magpasok ng isang plea kaugnay sa mga kaso. “I would like to inform the public that today ay maglalabas po ang Task Force Tinang ng tarpaulin doon sa areas ng Tinang kung sino iyong initial na mga qualified na magiging beneficiaries natin. These are more or less 177 initial na mga names,” ani DAR Assistant Secretary John Laña sa Laging Handa briefing.

“We are giving seven days for the people to comment and react and then after that, kung wala po silang violent reaction to that then maybe we can proceed with the installation of our farmers [in their individual lots],” dagdag ni Laña.

Isang collective Certificate of Land Ownership Award (CLOA) ang inisyu sa tinatayang 236 magsasaka ng Tinang pabalik o way back noong 1995, subalit hindi pa sa mga farmer-beneficiaries nai-award ang indibidwal na mga titulo hanggang sa ngayon.

“We will finish what we started and in fact, there is already an approved survey plan for that,” sabi ni Laña. “Based on the last meeting of the Task Force, we will be able to issue individual CLOA before June 30,” dagdag niya.

Ayon pa kay Laña, “The land for distribution for agrarian reform beneficiaries covers 200 hectares based on the collective CLOA issued in 1995.”

Sinabi naman ni Laña na habang ang 1995 collective CLOA na nakabilang ay 236 beneficiaries, ilan sa mga ito ay na-disqualified na dahil ilan din sa mga ito ay ibinenta ang kanilang land rights, hindi nagtrabaho o nagsaka sa lupaing iyon, o nagawang i-convert ang kanilang lupa na walang approval ng DAR.