Oks kay PBBM — Castro... Facebook, iba-ban

ni Mylene Alfonso @News | August 26, 2026

Photo: PCO

Bukas ang Malacañang hinggil sa pag-aaral ng panukalang ipagbawal ang Facebook o Meta sa Pilipinas kung mapatutunayang bigo itong pigilan ang paglaganap ng karahasan at fake news.

Ito ang tugon ni Palace Press Officer Undersecretary Claire Castro matapos tanungin tungkol sa mungkahi ng Cybercrime Investigation and Coordinating Center (CICC) kasunod ng madugong insidente sa Ateneo de Zamboanga.

“Kung hindi magkakaroon ng accountability ang anumang social media platform at parang nababalewala ang ating mga hiling para maproteksiyunan ang ating mga kababayan laban sa karahasan, laban sa fake news, kung mabagal ang pagtugon, ay magandang pag-isipan at pag-aralan kung dapat silang manatili na parte ng ating sistema,” ani Castro sa Palace briefing.

Nilinaw ng opisyal na hindi target ng gobyerno ang malayang pagpapahayag ng opinyon o pagiging kritiko ng administrasyon.

“Iba naman po kasi iyong fake news; iba naman po kasi iyong ikaw ay naglalahad lamang ng inyong opinion, kritiko ka, hindi po iyan pinagbabawalan. Wala pong pinagbabawalang kritiko lalung-lalo na sa panahon ngayon ni Pangulong Marcos Jr.,” aniya.

FB Messenger para sa mga bata, available na

ni Ronalyn Seminiano Reonico | September 3, 2020

Isinagawa ng social media company na Facebook ang Messenger Kids sa Pilipinas, isang mobile application para sa mga batang 12 years old pababa.

Maaaring makapag-video chat ang mga bata gamit ang Messenger Kids at mayroon din itong messaging features na “parent-controlled environment.”

Saad ni Facebook Head of Safety for Asia Pacific Amber Hawkes, “Through our work with the Stairway Foundation, the Child Rights Network and other safety partners in the Philippines, we learned that many Filipino parents are looking for ways to help their children stay in touch with friends and family during this challenging time, in a fun and parent-supervised environment.”

Ayon sa Facebook, ang mga magulang ang dapat na mag-set up ng account ng mga bata sa Messenger Kids gamit ang kanilang FB account. Sa paggawa ng Messenger Kids account, hindi ito nangangahulugang magkakaroon na rin ng FB account ang bata dahil ayon sa community standards ng naturang app, hindi maaaring gumawa ng sariling account ang mga edad 13 pababa.

Samantala, maaari nang ma-download ang Messenger Kids gamit ang mga iOS at Android devices.