Meralco kay PBBM: System loss sa kuryente, 'di maiiwasan

ni Jeff Tumbado @News | July 29, 2026

Photo: File

Sinabi ng Manila Electric Co. (Meralco) na may bahagi ng system loss na hindi maiiwasan sa pamamahagi ng kuryente, kasunod ng panawagan ni Pangulong Ferdinand Marcos Jr. na alisin ang nasabing charges sa electric bills.

Ayon kay Meralco Executive Vice President at COO Ronnie Aperocho, handa silang makiisa sa pagtalakay ng mga panukalang pagbabago sa Electric Power Industry Reform Act (EPIRA).

Gayunman, sinabi niyang likas sa operasyon ng power distribution ang pagkakaroon ng ilang technical losses.

Ang system loss charge ay bumubuo ng humigit-kumulang 5% ng bayarin sa kuryente at sumasaklaw sa pagkawala ng kuryente dahil sa technical at non-technical factors, kabilang ang illegal connection at jumper.

Iginiit din ng kumpanya na patuloy silang namumuhunan sa modernisasyon ng sistema at napapanatili nilang mas mababa sa 6.5% cap ng Energy Regulatory Commission (ERC) ang kanilang system loss.

Samantala, sinabi ng ERC na suportado nito ang panukala ng Pangulo at handa itong makipagtulungan sa Kongreso, Department of Energy, at iba pang sektor upang maipatupad ang mga reporma habang pinananatiling maaasahan at abot-kaya ang serbisyo ng kuryente.

Bayad, puwede installment... Walang putol-kuryente — ERC

ni BRT @News | May 6, 2026

Photo: Raffy Tulfo - FB

Iniutos ng Energy Regulatory Commission (ERC) na payagan ang installment na pagbabayad sa bill sa kuryente ng ilan at ang pagsuspinde sa pagputol sa linya ng kuryente.

Ang nasabing kautusan ay para sa mga residential at non-residential consumer na hindi nakabayad ng kuryente sa billing period mula May 2026 hanggang July 2026.

Papayagan din ang utay-utay na pagbabayad kung ang konsumo ay hindi lalagpas sa 200kWh kada buwan.

Hanggang tatlong buwan naman ang installment ang papayagan.

P14B sobrang singil ng Meralco, ibalik agad sa kostumer — ERC

ni BRT @News | April 23, 2026

Photo: File / Meralco

Inutusan ng Energy Regulatory Commission (ERC) ang Meralco na ibalik ang natitirang P14.17 bilyon sa kanilang mga kostumer. 

Ang refund na ito ay mula sa "true-up" process o pagtatama ng distribution charges na ipinatupad mula Hulyo 2022 hnggang Disyembre 2024.

Sa halip na ang orihinal na 36 na buwan, iniutos ng ERC na tapusin ang refund sa loob lamang ng 12 buwan upang makapagbigay ng agarang ginhawa sa gitna ng tumataas na presyo ng kuryente.

Dahil pinaikli ang panahon ng pagbabayad, tataas ang refund rate tungo sa P0.2511/kWh mula sa dating P0.1189/kWh.