P2K ayuda, puwedeng ipakuha sa iba — DSWD

ni Mervin Reyes @News | July 21, 2026

Photo: File

Pinayagan ng Department of Social Welfare and Development (DSWD) ang mga benepisyaryo ng Unified Package for Livelihood, Industry, Food, and Transport (UPLIFT) na magpadala ng kinatawan upang kunin ang kanilang cash assistance.

“Actually, they may send their representatives. Itong kaibahan nu'ng UPLIFT assistance sa naunang cash relief assistance distribution, ngayon kasi targeted,” ani DSWD spokesperson Irene Dumlao.

Ayon kay Dumlao, alam ng DSWD kung sinu-sinong miyembro ng pamilya ang maaaring maging kinatawan ng benepisyaryo at may verification process para rito.

Target ng UPLIFT na makinabang ang 7.5 milyong pamilya. Kabilang dito ang 3.5 milyong benepisyaryo ng 4Ps at Walang Gutom Program na makatatanggap ng isang beses na P2,000, 1.5 milyong low-income workers na tatanggap ng P2,000 kada buwan mula Hulyo hanggang Disyembre, at 2.5 milyong mahihirap at near-poor na pamilya na natukoy sa 2024

Community-Based Monitoring System (CBMS).

Nilinaw naman ng DSWD na hindi pa kabilang sa UPLIFT ang mga pamilyang naitalang mahirap noong 2025 at 2026 dahil nakabatay ang listahan ng benepisyaryo sa 2024 CBMS.

Binantaan, inabangan... Grade 9, sinaksak ng Grade 10

ni Mai Ancheta @News | June 25, 2026

Photo: DSWD

Sugatan ang isang Grade 9 makaraang saksakin ng 17-anyos na Grade 10 sa labas ng kanilang paaralan sa Julio Ledesma National High School sa San Carlos City, Negros Occidental nitong Martes, June 23.

Nagtamo ng saksak sa tiyan ang biktima at ginagamot sa ospital.

Naaresto naman ang suspek sa ginawang pursuit operations ng mga otoridad.

Bago ang pananaksak, nagsumbong umano ang biktima sa kanyang class adviser na binabantaan siya ng isang estudyante, kaya pinayuhan siyang huwag lumabas ng paaralan habang tinatawagan ang kanyang sundo.

Pero lumabas pa rin umano sa paaralan ang biktima sa kabila ng payo ng kanyang adviser.

Nabatid sa imbestigasyon ng San Carlos City Police  na bago ang insidente ay may nakaalitan umano ang biktima subalit ang gumanti ay ang suspek na may dalang panaksak.

Ang menor-de-edad na suspek ay itinurn over sa social welfare officers ng lungsod.

P84M ayuda, naipamigay na sa mga nilindol — DSWD

ni Jeff Tumbado @News | June 14, 2026

Photo: DSWD

Nasa mahigit 500K katao ang naapektuhan ng magnitude 7.8 na lindol na tumama sa Maasim, Sarangani noong Hunyo 8, habang umabot na sa higit P84 milyon ang naipamahaging ayuda ng pamahalaan.

Ayon sa pinakahuling ulat ng DSWD Disaster Response Operations Monitoring and Information Center Report No. 9 na inilabas alas-6 ng gabi nitong Biyernes, nasa kabuuang 137,081 pamilya o 553,068 indibidwal mula sa 401 barangay sa Regions IX, XI, XII, at Bangsamoro Autonomous Region in Muslim Mindanao ang naapektuhan ng malakas na pagyanig.

Sa datos ng DSWD, nasa 2,131 pamilya o 9,393 indibidwal ang pansamantalang nanunuluyan sa 26 na evacuation center.

Samantala, 13,480 pamilya o 54,274 katao naman ang nakikitira sa kanilang mga kamag-anak at kaibigan sa labas ng mga evacuation facility.