Pagbitay sa kababaihan, 'di raw totoo... Trump, inakusahan ng Iran na gumagawa ng isyu

ni Jenny Rose Albason @World News | April 24, 2026

Ipinahayag ni US President Donald Trump na umano’y pumayag ang Iran na huwag ituloy ang pagbitay sa walong babaeng raliyista, matapos umano niyang makiusap at bilang pagpapakita rin umano ng respeto sa kanya bilang Pangulo ng Estados Unidos.

Ayon kay Trump, apat sa mga kababaihan ay agad na palalayain habang ang apat pa ay makukulong ng isang buwan. Tinawag niya itong “very good news” at iginiit na resulta ito ng kanyang direktang pakiusap.

Gayunman, pinasinungalingan ng mga otoridad sa Iran ang naturang pahayag. Ayon sa Iranian judiciary news agency na Mizan News Agency, walang nakatakdang pagbitay sa nasabing mga kababaihan at tinawag nilang gawa-gawa lamang umano ito ng Amerika.

Giit pa ng Iran, ginagamit lamang umano ni Trump ang isyu upang magpakitang-gilas at ilihis ang atensyon mula sa iba pang isyung pampolitika at tensyon sa rehiyon, kabilang ang usapin sa Strait of Hormuz.

Dagdag pa ng Iran, may ilang naarestong kababaihan na nakalaya na, habang ang iba ay nahaharap sa mga kasong maaaring humantong sa pagkakakulong ngunit hindi sa parusang kamatayan.

Sa ngayon, wala pang opisyal na pahayag mula sa White House at Iranian Foreign Ministry kaugnay ng magkasalungat na ulat.

Amerika, magsisimula nang maglalabas ng UFO files — POTUS Trump

by Lester Bautista @World News | April 18, 2026

Photo: Donald Trump / FB

‘We found many very interesting documents’

Magsisimula na umanong maglabas ng mga dokumento ang Amerika mula sa pag-aaral ng Pentagon tungkol sa unidentified flying objects (UFOs) sightings, ayon kay United States (US) President Donald Trump.

“[This] process is well underway and we found many very interesting documents, I must say... And the first releases will begin very, very soon so you can go out and see if that phenomena is correct," ani Trump sa isang speech sa Phoenix, Arizona.

Nitong Pebrero, inutusan na ni Trump ang defense department at iba pang ahensya na maglabas ng records tungkol sa UFOs, unidentified aerial phenomena (UAP), aliens, at extraterrestrial life.

‘Pag ‘di binuksan ang Strait of Hormuz... Trump pinagbantaan ang Iran, magpapasabog sa loob ng 48 oras

by BRT @World News | March 24, 2026

Photo: File / Donald J. Trump - Reuters - FB

Pinagbantaan ni US President Donald Trump ang Iran at inaatasan nito ang Tehran na muling buksan ang Strait of Hormuz sa loob ng 48 oras o haharap ito sa posibleng pag-atake ng Amerika sa kanilang mga pasilidad ng kuryente.

Sa kanyang mensahe sa Truth Social, sinabi ni Trump na handang targetin ng militar ng US ang mga power grid ng Iran, lalo na ang pinakamalalaking planta nito kung hindi agad papayagan ang malayang pagdaan ng mga barko.

Ang tumitinding alitan ay nag-ugat sa halos pagsasara ng Iran sa nasabing strait, na dinaraanan ng halos 20 percent ng pandaigdigang suplay ng langis. Dahil dito, sumipa ang presyo ng krudo at lumampas sa $100 (P6K) kada bariles.

Sa kabila ng pagtaas ng presyo ng langis at iba pang bilihin, iginiit ni Trump na hindi kritikal ang Strait of Hormuz para sa US, at tinawag ang mataas na presyo ng langis bilang “maliit na kapalit” para sa mas malawak na seguridad ng mundo.