Nagpasaklolo na sa Barangay.. DILG, suko sa drug war

ni Madel Moratillo | March 19, 2023

Nagpasaklolo na ang Department of the Interior and Local Government (DILG) sa mga opisyal ng Barangay na tulungan sila sa kampanya kontra ilegal na droga.

Hinikayat ni DILG Secretary Benhur Abalos, Jr. ang mga Barangay na samantalahin ang Barangay Assembly Days ngayong Marso para talakayin ang Buhay Ingatan, Droga’y Ayawan o BIDA Program.

Malaki aniya ang maitutulong nito para mapababa ang mga kaso ng ilegal na droga at masimulan ang maayos na mga pamayanan.

Ang BIDA Program ng DILG ay naglalayong mapababa ang demand ng ilegal na droga.

Ayon kay Abalos, sa war on drugs ng Marcos administration ay titiyakin ang pagsunod sa human rights at Konstitusyon.

‘Pag may presong naka-drugs, warden sibak — DILG

ni V. Reyes | February 27, 2023

Magsasagawa ng regular na drug test sa mga nasa bilangguan. Ayon kay Interior and Local Government Secretary Benhur Abalos, kapag may preso na nagpositibo sa ilegal na droga, sisibakin ang nakatalagang warden ng piitan.

Samantala, tuloy din ang paglilinis ng DILG sa hanay ng Philippine National Police (PNP) kasunod ng naunang hamon nito sa mga matataas na opisyal ng pulisya na maghain ng courtesy resignation.

Gayunman, ang National Police Commission (Napolcom) ang inatasang sumuri at magdesisyon kung kaninong courtesy resignation ang tatanggapin.

Binabantayan na rin ngayon ang mga pulitiko kaugnay ng kampanya ng gobyerno laban sa ilegal na droga.

Babala ni Abalos, kakasuhan ang sino mang pulitiko na mapatutunayang sangkot sa illegal drug trade.

Ang pahayag ni Abalos ay kasunod na rin ng mga ulat na may ilang pulitiko at nasa gobyerno ang sabit umano sa mga transaksyon ng ilegal na droga sa bansa.

TFK President John J. Chiong, kaisa sa mga programang DILG-Barangay Affairs

ni Fely Ng - @Bulgarific | December 5, 2022

Hello, Bulgarians! Malaking tulong sa bawat mamamayan ang magkaroon ng

makakatuwang upang lalong mapalakas ang peace and order ng bawat barangay

sa buong Pilipinas. Sa isang courtesy call ng grupong Task Force Kasanag (TFK)

International sa pangunguna ni TFK Founder-President John J. Chiong, kasama ang

ilang opisyal ng TFK ay nabigyan ang grupo ng pagkakataon upang makausap si

Department of the Interior and Local Government (DILG) Barangay Affairs

Undersecretary Felicito Valmocina sa kanyang tanggapan sa Barangay Holy Spirit,

Quezon City, Lunes, Disyembre 5, 2022.

Isa na namang magandang adhikain ang nagawa ni Chiong para sa grupong TFK

dahil sa ibinigay na recognition at partnership ng pinuno ng DILG-Barangay Affairs.

Sa pag-uusap nina Chiong at Valmocina, isa ang food sufficiency sa bawat

barangay sa buong bansa, ang lulutas dahil sa simpleng pagtatanin sa bawat

barangay ng mga mamamayan ay makakatulong ito sa bawat pamilya at maging

sa bawat miyembro ng TFK na magkaroon ng makakain sa hapag.

Sinabi ni Usec. Valmocina sa mga lider ng TFK na ilan sa maaaring itanim sa bawat

barangay ay ang mga gulay, kawayan, herbal, fruitberry at marami pang iba.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.