Paggagamitan, 'di naidetalye.. P150M confi funds, kailangan ng DepEd — VP Sara

ni BRT @News | August 8, 2023

Bahala na ang Senado at Kamara sa hinihingi ng Department of Education (DepEd) na P150 million confidential fund para sa susunod na taon, ayon kay Vice President at Education Secretary Sara Duterte.

Kasabay nito, binigyang-katwiran ni Duterte ang pangangailangan ng DepEd ng confidential fund.

“Because education is intertwined with national security. Napakahalaga na we mold children who are patriotic, children who will love our country, and who will defend our country,” aniya.

Gayunman, tumanggi ang Bise na idetalye kung paano ito gagamitin.

“There is a joint memorandum circular with regard to confidential funds. Nakalatag doon kung paano siya gagamitin. Nakalatag din doon kung paano siya i-liquidate. And by its nature, it’s a confidential fund, so we cannot discuss kung paano siya ginagamit sa operations,” she added.

Napag-alaman na ang pondo ay bahagi ng P9.2 confidential fund na nakapaloob sa 2024 National Expenditure Program (NEP) na isinumite na ng Department of Budget and Management (DBM) sa Kamara.

Enrollment, start sa August 7 — DepEd

ni BRT @News | August 6, 2023

Inanunsyo ng Department of Education (DepEd) na opisyal na magsisimula ang enrollment period sa mga pampublikong paaralan sa susunod na linggo.

Ayon sa ahensya sa DepEd Order No. 22 series of 2023 o ang Implementing Guideline on the School Calendar and Activities for the School Year 2023-2024 na nilagdaan ng Vice President at Education Secretary Sara Duterte, ang pagpapatala ay magsisimula sa Agosto 7, at magtatapos sa Agosto 26, 2023.

Sa pagpapalabas nito, sinabi ng DepEd na ang mga paaralan at community learning centers (CLS) ay inaasahang mapapadali ang proseso ng pagpaparehistro ng mga mag-aaral sa Learner Information System (LIS), sa pagsusumite ng mga kinakailangang pansuportang dokumento.

Ang pagsisimula ng mga klase para sa mga pampublikong paaralan ngayong papasok na SY ay opisyal ding inihayag sa pagpapalabas.

Sinabi ng DepEd na magsisimula ang SY 2023-2024 sa Agosto 29 at magtatapos sa Hunyo 14, 2024.

Sinabi ng DepEd na ang mga implementing guidelines ay inilabas upang bigyang-daan ang mga paaralan at community learning centers pati na rin ang schools division at regional offices na patuloy na mapabuti ang pamamahala at mga operasyon na may kaugnayan sa pagpapatupad ng mga aktibidad sa paaralan at pagpapahusay ng proseso ng pagtuturo at pag-aaral.

Ang nasabing guidelines ay sumasaklaw sa mga pampublikong paaralang elementarya at sekondarya, kabilang ang mga community learning centers sa buong bansa.

Balik-eskwela sa August 29 — DepEd

ni Madel Moratillo @News | August 4, 2023

Inanunsyo ng Department of Education (DepEd) na sa Agosto 29 magsisimula ang School Year 2023-2024 para sa lahat ng pampublikong paaralan sa elementarya at sekondarya.

Ito ay sa gitna ng panawagan ng iba't ibang grupo maging ng mga mambabatas na maibalik ang pagbubukas ng klase sa dating school calendar bago ang COVID-19 pandemic.

Kasunod ito ng reklamo na sobrang init sa mga classroom dahil summer season ang klase.

Bago ang pandemya, karaniwang unang linggo ng Hunyo nagbubukas ang klase habang Abril at Mayo ang bakasyon.

Para naman sa mga nasa pribadong paaralan, batay sa Republic Act No. 11480, puwedeng magdesisyon kung kailan magbubukas ng klase pero ito ay mula unang Lunes ng Hunyo at hindi lalagpas sa huling araw ng Agosto.