Tinuluyan ng DA sa Ombudsman... P94M ‘ghost farm-to-market roads’ vs. DPWH officials

ni Jeff Tumbado @News | May 22, 2026

Photo: Francisco Tiu Laurel Jr. = Department of Agriculture - Philippines

Personal na naghain ng reklamo sa Office of the Ombudsman si Agriculture Secretary Francisco Tiu Laurel Jr. laban sa ilang opisyal ng Department of Public Works and Highways (DPWH) at ilang pribadong kontraktor kaugnay ng umano’y “ghost farm-to-market road projects” sa Davao Occidental na nagkakahalaga ng P94 milyon.

Walong kaso ang isinampa laban sa anim na opisyal ng DPWH, kabilang ang mga district at project engineers, gayundin sa walong private contractor sa lalawigan.

Kaugnay umano ito ng mga ghost projects na farm-to-market roads na pinondohan sa ilalim ng 2021 national budget.

Sinabi ni Laurel na personal niyang ininspeksyon ang mga lugar na sakop ng mga reklamong isinampa, bagamat hindi pa agad isinapubliko sa media ang kopya ng reklamo.

Dagdag pa ng kalihim na may mga dirt road umano sa lugar ngunit walang sementong kalsada, bakal, o anumang indikasyon na may aktuwal na proyekto.

DOLE at DA, nagkaisa sa pagpapalawak ng Kadiwa

ni Angela Fernando @News | Dec. 7, 2024

• 

File Photo: KADIWA

Pinagtibay ng Department of Labor and Employment (DOLE) at Department of Agriculture (DA) ang kanilang pagsasanib-pwersa upang pabilisin ang pagpapalawak ng Kadiwa ng Pangulo (KNP) program sa buong bansa.

Pormal na nilagdaan nu'ng Biyernes ang isang memorandum of understanding (MOU) na naglalayong ipatupad ang KNP kasabay ng Integrated Livelihood Program (DILP) ng DOLE.

Ayon kay DOLE Sec. Bienvenido Laguesma, isa sa mga pangunahing layunin ng partnership na ito ay ang pagtatayo ng Kadiwa stores sa mga lugar na may mataas na bilang ng manggagawa, upang mas maging abot-kamay ang mga serbisyo at murang produkto para sa mga pamilyang Pinoy.

Seniors, PWDs discount, kasado na sa susunod na linggo

ni Eli San Miguel - Trainee @News | March 22, 2024

Nilagdaan noong Huwebes ang bagong patakaran para sa 5% discount sa mga mahahalagang item at produkto para sa mga PWDs at seniors, na nagtataas ng limit sa kanilang weekly grocery discount mula sa P65 hanggang P125 simula sa susunod na linggo.

Pinangunahan ng Department of Trade and Industry (DTI), isa sa tatlong ahensyang magbabantay sa pagpapatupad ng mga narebyung patakaran, ang pagsasagawa ng bagong joint administrative order na ilalathala sa Lunes, Marso 25.

Kapag nailathala na ito, agad itong magiging epektibo.

Bukod sa DTI, kabilang pa sa mga lumagda ang Department of Agriculture (DA) at Department of Energy (DOE).

Nakasaad sa Price Act ang saklaw ng mga produktong magkakaroon ng discount.