1 gorilya at 2 leon sa Czech Republic, positibo sa COVID-19

ni Mary Gutierrez Almirañez | February 26, 2021

Isa na namang gorilya at dalawang leon sa Prague Zoo, Czech Republic ang nagpositibo sa COVID-19 ngayong araw, Pebrero 26.

Enero nang unang magpositibo sa virus ang grupo ng mga gorilya sa San Diego Zoo sa Safari Park kung saan nagsimula ang outbreak at hinihinalang nakuha ng mga hayop ang sakit sa empleyado ng zoo.

Ayon sa Facebook post ni Zoo Director Miroslav Bobek, nagkaroon ng ubo at sipon ang mga leon na sina Jamvan at Suchi, samantalang nawalan naman ng ganang kumain at mabilis nanghina ang lalaking gorilya na si Richard.

Sa ngayon ay nananatiling naka-lockdown ang zoo at kasalukuyan na ring isinasagawa ang contact tracing sa mga hayop.

51 pulis bagong COVID positive

ni Lolet Abania | February 16, 2021

Umabot na sa 10,833 kaso sa Philippine National Police (PNP) ang nagpositibo sa COVID-19 matapos na makapagtala ng 51 kawani na tinamaan ng virus ngayong Lunes.

Gayunman, sa pinakabagong datos ng PNP, may kabuuang bilang na 10,340 ang nakarekober sa coronavirus matapos na 70 ang nadagdag na police officers na gumaling.

Habang nananatiling 31 ang mga namatay na pulis. Sa ngayon, mayroong 462 active COVID-19 cases sa organisasyon ng pulisya.

Mga opisyal, positive sa COVID, DFA ila-lockdown

ni Ronalyn Seminiano Reonico | January 29, 2021

Isasailalim sa lockdown ang building ng Department of Foreign Affairs (DFA) sa Pasay City matapos magpositibo sa COVID-19 ang ilang opisyal, ayon kay Secretary Teodoro Locsin, Jr.

Inanunsiyo ni Locsin ang naturang balita sa sagot niya sa tweet ni US Secretary of State Anthony Blinken kaugnay ng pinag-usapan nila tungkol sa “US-Philippine Alliance.” Saad ni Blinken, “I had a great conversation today with @teddyboylocsin. We'll continue to build upon the strong U.S.-Philippine Alliance with our shared interests, history, values, and strong people-to-people ties. #FriendsPartnersAllies.”

Tugon naman ni Locsin, “Great conversation. Will get a lot done soon. Sadly I must quarantine. I’m negative but the building and officers I met yesterday tested positive.

We’re going into lockdown ‘til Tuesday when we test again. Again thank you for the call. Please tell your President what I said.” Samantala, hindi binanggit ni Locsin kung ilang opisyal ng DFA ang nagpositibo sa COVID-19.