Registration schedule para sa mga overseas voter, inilabas ng Comelec

ni Ronalyn Seminiano Reonico | February 13, 2021

Naglabas ng bagong voter registration schedule ang Commission on Elections (Comelec) ngayong Sabado para sa mga overseas voters na nais magparehistro para sa darating na national at local elections sa 2022.

Ayon kay Comelec-Office for Overseas Voting (OFOV) Director Sonia Bea Wee-Lozada, maaaring magsumite ng application simula Lunes hanggang Biyernes, 8 AM-5 PM sa mga sumusunod na field registration centers sa Metro Manila:

• COMELEC-OFOV, Ground Floor, Palacio del Gobernador Building, General Luna St., Intramuros, Manila

• Department of Foreign Affairs (DFA) - Aseana, Bradco Avenue cor. Macapagal Boulevard, Aseana Business Park, Parañaque

• Philippine Overseas Employment Administration (POEA), Blas F. Ople Building, Ortigas Avenue cor. EDSA, Mandaluyong

• Maritime Industry Authority (MARINA), SM Manila Satellite Office, Almeda-Lopez cor. A. Villegas and 1000 San Marcelino St., Ermita, Manila.

• Samantala, kailangan munang mag-set ng appointment ang mga nais magparehistro sa COMELEC-OFOV sa pamamagitan ng mga sumusunod:

• Pag-email sa overseasvoting@comelec.gov.ph

• Pagpapadala ng direct message sa Facebook Messenger sa link ng Office for Overseas Voting PH Facebook page (fb.com/overseasvotingph)

• Maaari ring tumawag sa telephone numbers na (02) 8522-2251 o (02) 8521-2952

• Puwede ring mag-send ng SMS sa mobile numbers +63 951 875 9882 (TNT/Smart/Sun) o +63 905 034 5158 (TM/Globe).

Ang mga Pilipino na inaasahang umalis ng bansa simula sa April 10 hanggang May 9, 2022 ay maaaring magparehistro bilang overseas voters.

Saad pa ng Comelec, ang huling araw para makapag-file ng application sa pagpaparehistro bilang overseas voters ay hanggang sa September 30, 2021.

Party-list registration sa 2022 elections, hanggang Marso 31 — Comelec

ni Lolet Abania | February 4, 2021

Hanggang sa Marso 31, 2021 ang itinakdang deadline ng Commission on Elections (Comelec) para sa party-list registration sa darating na 2022 elections.

Sa isang statement na inilabas ni Comelec Spokesperson James Jimenez, “Under Comelec Resolution No. 10690, the deadline for the filing of Petitions for Registration and Manifestation of Intent to Participate of registering party-list groups, organizations and coalitions is on March 31, 2021.”

Gayundin ang deadline para sa kasalukuyang party-list groups, organizations at coalitions na magpa-file ng kanilang manifestation of intent na lumahok sa eleksiyon.

“Opposition to Petitions for Registration must be filed not later than the date when the case is submitted for resolution, while Petitions to Deny Due Course to a Manifestation of Intent to Participate must be filed within ten days from its date of publication,” ani Jimenez.

“Within the same period designated for the filing of Certificates of Candidacy under the Calendar of Activities for the 2022 NLE, a complete list of at least five nominees for Party-List representatives and other required documents in Section 3 of Resolution No. 10690 must be filed with the COMELEC,” dagdag ni Jimenez.

Gayunman, sakaling magkaroon ng substitusyon ng party-list nominees sa dahilan ng withdrawal, itinakda naman ng Comelec ang deadline sa November 15.

“However, if it’s by reason of death or incapacity, substitution is allowed until mid-day of election day,” saad ni Jimenez.

Ang mga kaso lang daw ng valid withdrawal at substitution o namatay o incapacity ang maaaring magkaroon ng pagbabago sa order ng nominees na kanilang papayagan matapos ang filing.

Ilalagay sa hulihan ng listahan ang pangalan ng substitute-nominee.

Aniya, kinakailangan din ng mga parties na i-publish ang bagong listahan ng substitute-nominees, at dapat na isumite ang proof of publication sa COMELEC.

Binanggit din ni Jimenez na ang petisyon na tinatawag na to deny due course at/o kanselasyon ng nominasyon ng party-list nominees ay kinakailangang isumite sa loob ng 10 araw mula sa publication nito, o sa loob ng 10 araw mula sa submisyon ng proof of publication ng substitute-nominees sa COMELEC.

Samantala, ang petisyon para sa disqualification ng party-list nominees ay kinakailangang ihain na hindi lalampas sa petsa ng proklamasyon nito.

“The Commission now has broader powers to disqualify or cancel the Certificate of Nomination and Acceptance (CONA) of a nominee. At any time before proclamation, any nominee who is disqualified, ineligible, or lacks the qualification provided by law, or whose nomination is contrary to law and the rules, may be motu propio disqualified,” sabi pa ni Jimenez.

Voter registration, itutuloy sa Jan. 4, 2021

ni Lolet Abania | December 30, 2020

Nakatakdang ipagpatuloy ng Commission on Elections (Comelec) ang voter registration sa January 4, 2021.

Ayon kay Comelec Commissioner James Jimenez, "If you missed the last day of #VoterReg2020, don’t despair just yet. #VoterRegistration will resume January 4, 2021. #MakeAPlanToRegister then. #MagparehistroKa!"

Kahapon, December 29, ang huling araw ngayong taon para sa voter registration, base sa Comelec advisory.

Walang isinagawang voter registration ang Comelec para sa mga special o non-working days at regular holidays.

“Voter registration is conducted from Mondays to Thursdays, 8:00 a.m. to 3:00 p.m., with Friday as the designated disinfection day unless the LGU prescribes a different disinfection day," ayon sa inilabas na advisory ng Comelec.