Iyak-tawa ang dalawang opisyal na lumarga ng tig-P60-M sa nabasurang PMVIC

ni Chit Luna - @Yari Ka! | February 16, 2021

Pihadong gusot ang pagmumukha ng dalawang opisyal ng gobyerno na lumarga ng hindi bababa sa P60 milyon para sa negosyo na kanilang pinasok.

Ang dalawa nating bida ay sumugal ng malaki sa pag-aakalang tiba-tiba sila sa Motor Vehicle Inspection System.

Kapwa sila lumarga ng tig-P60 milyon para makapagpatayo ng mga motor vehicle inspection centers, na nagsa-pribado ng inspeksiyon ng milyun-milyong sasakyan bilang requirement bago makapag-renew ng rehistro.

Ang siste, sinuspinde ang operasyon ng mga private motor vehicle inspection centers bunsod ng kabi-kabilang reklamo laban sa pagpapairal ang motor vehicle inspection system sa gitna ng krisis.

Kaya ngayon, iyak-tawa ang dalawa dahil matetengga ng hindi bababa sa isang taon ang kanilang ipinuhunan sa inaakala nilang lucrative business.

Bukod sa dalawang kongresista, iyak-tawa rin ang iba pang PMVICs lalo pa’t bawat isa sa kanila ay lumarga rin ng ganun kalaking halaga — hindi pa kasama ang padulas para lang makakuha ng exclusivity sa mga sangay ng LTO kung saan sila nagpatayo ng mga motor vehicle inspection centers.

Mali talaga ang timing ng implementasyon ng mga nasabing requirements, lalo pa’t patuloy ang paglubog ng ekonomiya sa bansa. Malaking bahagi rin ng sektor ng manggagawa ang nawalan ng hanapbuhay. Linggo-linggo rin ay tumataas ang presyo ng gasolina, maging ang mga pangunahing bilihin. Sa madaling salita — krisis ang buong bansa.

Silang dalawa ang pinakamaingay sa pagdepensa sa panawagan ng mga kapwa mambabatas na nagsusulong ng suspension sa motor vehicle inspection system.

Relasyon ng bagitong opisyal ng gobyerno at sikat na mayor, buking!

ni Chit Luna - @Yari Ka! | February 9, 2021

Isang malaking eskandalo ang kinasasangkutan ng dalawang prominenteng opisyal ng gobyerno.

Sa hindi inaasahang pagkakataon, isang malapit na kaibigan ng sikat na “LGU leader” sa Luzon ang nagsiwalat nang nakakasukang relasyon niya sa bagitong mambabatas.

Ang siste, hindi siya makabitaw sa baklang opisyal ng gobyerno dahil sa laki nang nagawang pabor nito. Wala siya kasalukuyang puwesto kung hindi siya binuhusan ng pondo nito.

Bagama’t minsan nang naging tampulan ng bulung-bulungan noong araw ang pagiging malapit nito sa mga bading, hindi akalain ng ating insider na magagawa nitong makatisod ng ginto sa kabila pa ng pag-edad nito.

Kung noon ay masaya na siya sa P500 kada booking, ngayon ay bonggang-bongga ang kanyang demand sa bading na makakakursunada sa kanya.

Sa ating pangangalkal ng madilim na yugto sa buhay ng nasabing alkalde, hindi sinasadyang naibulalas ng isa pa nating kaututang dila sa industriya ang dating kaugnayan nito sa business tycoon na may-ari na ngayon ng broadcast media company.

Aniya, matagal din umano ang naging relasyon ng dalawa. Sa katunayan, ito pa ang nagpaaral sa kanya, sumuporta sa pamilya, nagbigay-luho at iba pang lambing niya. Ibang klase!

Pero mas pinili ni mayor na talikuran ang sikat na negosyante at maging kabit ng baklang mambabatas dahil sa tayog ng pangarap nito — ang maging makamit ang powerful at pinag-aagawang ‘upuan’. Pero batid niyang hindi pa mangyayari iyon sa 2022 kaya naman okay lang sa kanyang maging running mate na muna ng kagalang-galang na bading sa general elections na nakatakdang ganapin sa susunod na taon.

Buking na ibinahay ng sikat na opisyal sa bansa ang kalukadidang gov’t official ...

Sa exclusive na subdivision

ni Chit Luna - @Yari Ka! | February 4, 2021

Lubos na nagimbal ang mga residente ng exclusive subdivision sa Quezon City sa balitang ibinahay na ng dating sikat na opisyal sa bansa ang kanyang kalukadidang gov’t official rin.

Ang higit na nakagugulat ay pinili nilang gawing pugad ng kanilang immoral na relasyon sa loob mismo ng exclusive subdivision kung saan sila kapwa nakatira. Ang siste, halos magkatapat ang mansiyon nilang dalawa!

Bagama’t matagal nang napabalitang hiwalay ang babae, ang lalaki naman ay kilalang may-asawa.

Suspetsa tuloy ng ilang ilustradong kabilang sa kanilang antas, mistulang binili ni madam ang kanyang bagong jowa sa asawa nito dahil wala man lang umanong nakikitang pagtutol ang esmi ng mambabatas na hindi hamak na mas bata sa edad sa babae.

Gayundin naman ang asawa ni madam na ngayon ay mayroon nang kinakasamang mayamang may lahing Insik na dating naging paksa ng mga balita hinggil sa illegal na negosyo.

Mayroon din itong anak na opisyal ng gobyerno. Ang naturang anak ay sumabak na rin sa magulong mundo ng pelikula —kaya lang hindi siya ganun ka-bankable kaya naman mabilis nalaos.

Ang lalaki naman ay nagsimulang mahubog sa pulitika noong ito’y nasa kolehiyo kung saan siya naging aktibista at kalaunan ay pumalaot bilang konsehal, kongresista at kalihim ng gabinete.