3 Chinese, arestado dahil sa pag-iiskandalo

ni Eli San Miguel - Trainee @News | November 22, 2023

Arestado ang tatlong mga Chinese na nakipag-away at nagdulot ng gulo sa Parañaque City ngayong Miyerkules.

Kinilala ang mga suspek bilang alyas Lin, 22; Mi, 30; at Li, 37.

Ayon sa pulisya, inaresto ang mga suspek alas-3:17 ng madaling-araw sa harap ng isang KTV Bar na matatagpuan sa Quirino Avenue, Barangay Tambo, Lungsod ng Parañaque.

Ipinahayag ng mga awtoridad na biglaang natagpuan ng isang Denson ang mga suspek na nasasangkot sa pisikal na away at nagdudulot ng gulo sa labas ng isang KTV Bar.

Sa kanyang pahayag sa pulisya, sinabi ni Denson na sinubukan niyang patahimikin ang mga suspek ngunit nagpatuloy ang kanilang barumbadong asal, kaya tumawag siya ng tulong mula kina barangay watchmen Percival Narag at Renato Mendoza.

Agad dinala ang mga suspek sa pulisya ng Parañaque matapos maaresto at sinampahan ng kaso para sa alarm and scandal.

Karagdagang kaso naman ng illegal possession of a bladed weapon ang isinampa laban kay Lin.

3 Chinese na dinukot, na-rescue

ni Angela Fernando - Trainee @News | November 11, 2023

Nailigtas ng Philippine National Police (PNP) ang 3 Chinese nationals na dinukot at dinala sa bahay sa isang subdivision sa Brgy. Pandayan, Meycauyan, Bulacan nu'ng Biyernes.

Ayon sa Meycauayan Police Station, dinala ng punong sekyu ng subdivision sa istasyon ang isang lalaking Chinese na sugatan.

Saad ni Meycauayan police chief Lt. Col. Jordan Santiago, tumalon ito mula 3rd floor ng bahay at nakitang nakaposas ang biktima.

Nagsagawa ng imbestigasyon ang PNP-AKG sa sinasabing bahay at doon nakita ang dalawa pang biktima na nakapiring at nakagapos.

Napag-alamang ang mga biktima ay dating trabahador sa isang POGO.

Patuloy naman sa kanilang imbestigasyon ang mga awtoridad.

Chinese, gumamit ng PH passport, huli

ni BRT | March 13, 2023

Inaresto ng Bureau of Immigration officials ang isang Chinese national matapos itong magpakita ng Philippine passport habang nagtatangkang lumipad pa-Caticlan international airport.

Sa isang pahayag mula sa BI, nakuha nila kay Zhou Jintao ang isang pasaporte na nakapangalan kay Jensen Tan.

Kabilang din sa mga nakuha sa kanyang mga gamit ang identification papers, Philippine PWD ID, NBI clearance at isang birth certificate na nagsasabing ito ay ipinanganak sa Davao del Sur ng isang Pinay na ina at ang kanyang ama naman ay isang Chino.

Habang sumasailalim sa interview, hindi nakakapagsalita ng tagalog si Zhou at kalaunan ay umamin ito na siya ay isang Chinese citizen.

Batay sa database ng Immigration, huling dumating si Zhou sa bansa noong Hunyo 30, 2019.

Nakatakdang itinurn-over si Zhou sa warden facility ng BI sa Bicutan, Taguig habang isinasaayos ang deportasyon nito.