Isyu sa WPS, dapat linawin

ni Mylene Alfonso @News | February 10, 2026

Photo File: FB / Jose Antonio Ka-Pep Goitia

SA gitna ng mga pahayag na kumakalat online hinggil sa West Philippine Sea (WPS), pinaalalahanan ni Chairman Emeritus Jose Antonio Goitia ang publiko na maging mapanuri sa mga naratibong nagpapahina sa tiwala ng bansa sa batas at sa sariling soberanya.

May mga pahayag sa social media, kabilang ang mula umano kay Sass Rogando Sasot, na kailangang suriing mabuti, lalo na kung ang epekto nito ay ang pagdududa sa mga karapatang matagal nang pinagtitibay ng batas internasyonal. 

“Kapag ang pagdududa na walang batayan ay tinatanggap bilang normal, ang pag-iingat ay nagiging anyo na ng pagsuko,” ani Goitia. 

Hindi aniya kailanman naging malabo ang paninindigan ng Pilipinas sa Ayungin Shoal. Ito ay ipinagtatanggol bilang bahagi ng Exclusive Economic Zone (EEZ) ng bansa, hindi bilang lupain.

Sa ilalim ng UNCLOS, may ganap na karapatan ang Pilipinas na magpatupad ng batas, ipagtanggol ang likas-yaman, at panatilihin ang presensya nito sa loob ng EEZ. Ang mga karapatang ito ay malinaw umanong pinagtibay ng arbitral ruling noong 2016. 

Ang desisyon ng Pilipinas na tahakin ang landas ng arbitration ay hindi umano tanda ng kahinaan, kundi patunay ng disiplina at lakas ng paninindigan ng estado. 

Sa kabila ng ingay sa social media, nananatili umanong buo ang legal na posisyon ng Pilipinas. Wala umanong batas mula sa Kongreso at walang desisyon ng Korte Suprema na nagpawalambisa sa Presidential Decree No. 1596. Gayundin, walang pahayag sa arbitration na may kapangyarihang gawin ito.

Ang UNCLOS ay nakatuon sa mga karapatang pandagat, hindi sa pagbura ng mga pambansang batas.

Mangingisdang na-stranded, tinulungan ng Chinese Navy; PCG, may nilinaw

ni Info @News | December 26, 2025

Photo: Chinese Embassy Manila

Nagbigay ng humanitarian assistance ang Chinese Navy Ship 174 sa isang Pilipinong mangingisda matapos makaranas ng engine failure sa South China Sea nitong Huwebes, Disyembre 25.

Nag-abot ang mga ito ng pagkain at tubig sa mangingisdang tatlong araw na umanong na-stranded.

Kaugnay nito, matagumpay na na-rescue ng BRP Cape San Agustin ng Philippine Coast Guard (PCG) ang naturang mangingisda.

Bagama't kinikilala ng PCG ang umano’y pagtulong sa mangingisda, may ilang naging paglilinaw si PCG Spokesperson for the West Philippine Sea (WPS) Commodore Jay Tarriela sa naturang insidente.

Ayon kay Tarriela, walang naging koordinasyon sa kanila ang People’s Liberation Army (PLA) Navy patungkol sa kondisyon ng mangingisda, at hindi totoong tatlong araw na itong stranded dahil kaagad din siyang nakita ng motherboat at ng PCG wala pang 24 oras nang umalis ito para pumalaot noong Disyembre 24.

Iginiit din nito na ilegal ang operasyon ng mga barko ng China sa loob ng exclusive economic zone (EEZ) ng Pilipinas.

“We hope this incident is not exploited as propaganda by China. Instead, it should serve as recognition that Filipino fishermen have full rights to fish in the waters around Bajo de Masinloc,” ani Tarriela.

Bakit ipinagdiriwang ang Chinese New Year sa ‘Pinas?

ni Mabel Vieron @Life & Style | Jan.. 29, 2025

Chinese New Year 2025

Kung akala mo’y simpleng holiday lang ito na may masasarap na pagkain at makukulay na mga parada, aba r’yan ka nagkakamali, besh! Dahil sa totoo lang, ang Chinese New Year ay may malalim pang ugat sa ating kultura at kasaysayan.

Magmula sa mga tradisyon ng mga Filipino-Chinese hanggang sa makukulay na selebrasyon, ru’n mo malalaman kung bakit nga ba ito ipinagdiriwang. Kaya naman, sabay-sabay nating alamin kung paano ito naging isang espesyal na okasyon para sa mga Pilipino.

Ready na ba kayo? Let’s go mga Ka-BULGAR! Ang Chinese New Year ay isang pagdiriwang na puno ng tradisyon, suwerte at mga simbolo ng bagong simula! Knows n’yo ba na kilala rin ito rin bilang Spring Festival? Yes, ang Chinese New Year ay hindi lang simpleng holiday, dahil ito rin ang pagkakataon upang magpasalamat sa mga biyaya ng nakaraang taon at magtipun-tipon kasama ang pamilya.

Mula sa makukulay na lion dances, hanggang sa mga red envelopes na puno ng suwerte, ang Chinese New Year ay isang pasabog ng saya at pag-asa na kahit saan ka man sa mundo ay tiyak mararamdaman mo!

Gayunpaman, ang Chinese New Year ay hindi lang tungkol sa mga parades at fireworks, dahil isa rin itong selebrasyon ng masasarap na pagkain!

May mga tradisyunal na pagkaing inihahanda tuwing Chinese New Year na may espesyal na kahulugan para sa kasaganaan, suwerte at long life.

Narito ang ilan sa mga madalas ihanda, kaya naman, halina’t basahin natin ito!

1. DUMPLINGS. Isa ito sa pinaka-iconic na pagkain tuwing sasapit ang Chinese New Year. Ang dumplings ay may hugis na parang mga sinaunang barya, kaya’t itinuturing itong simbolo ng kasaganaan at kayamanan.

2. NOODLES. Ang mga noodles ay sumisimbolo ng mahabang buhay. Karaniwan, pinapahaba ang noodles at iniiwasang putulin, dahil ito umano ang magdadala ng suwerte sa buhay.

3. FISH. Ang pagkaing ito ang magdadala umano ng kasaganaan sa buong taon. Karaniwan, ang isda ay iniiwan nang buo, kasama ang ulo at buntot na sumisimbolo ng pagsisimula at pagtatapos ng taon na may kasaganaan.

4. RICE CAKE. Ang nian gao ay isang matamis na rice cake na gawa sa glutinous rice. Ito naman ay sumisimbolo sa pag-angat ng buhay, antas o ranggo. Karaniwan itong pine-prepare bilang dessert. Oh, ‘di ba pasabog?

5. SWEET ORANGES. Ito naman ay simbolo ng kaligayahan at kasaganaan. Karaniwan, ang mga prutas na ito ay ibinibigay bilang regalo sa mga bisita o kaibigan tuwing Chinese New Year.

6. SPRING ROLLS. Ang spring rolls ay para ding dumplings, subalit ang kahulugan ng pagkain na ito ay new beginnings o bagong oportunidad. Ang crispy, golden brown na itsura nito ay sumisimbolo rin ng kasaganaan.

7. TANGYUAN. Ang tangyuan ay matamis na rice balls na karaniwang may palaman at madalas din itong inihahanda sa huling araw ng Chinese New Year (sa Lantern Festival). Ito naman ay sumisimbolo ng pagkakaisa at good fortune.

8. LUMPIA. Isa pa sa mga paborito ng mga Pilipino tuwing Chinese New Year ay ang lumpia, hindi ba? Ito rin ay simbolo ng kasaganaan, dahil sa maliliit na piraso ng sahog nito na parang mga yaman.

Ang mga pagkaing ito ay hindi lamang para magbigay kasiyahan sa dila, dahil may malalim din itong kahulugan na nag-uugnay sa mga Tsino at Pilipino. Kaya kung magpaplano kang maghanda ngayong Chinese New Year, tiyak na marami kang pagpipilian.

Meron ka bang gustong subukan sa mga pagkaing ito? Ano pang hinihintay mo? I-grab mo na ang pagkakataong ito! Happy Chinese New Year, everyone!

Nawa'y mapuno ang taon na ito ng suwerte, kasaganaan at walang katapusang kaligayahan! Ang mga negative energy na kasalukuyan nating nararamdaman ay isantabi muna natin. Bagkus, sabay-sabay muna nating ipagdiwang ang bawat sandali ngayong araw na puno ng pagmamahal, pag-asa at magandang kapalaran.

Gong Xi Fa Cai!