Nauntog na… AIKO, SOBRANG PAYAT, THYROID NADALE

ni Beth Gelena @Bulgary | July 19, 2026

Photo: IG _aikomelendez

Nagkaroon ng problema sa thyroid ang aktres-pulitiko na si Aiko Melendez, na ibinahagi niya sa kanyang Facebook (FB) account.

Aniya sa kanyang FB post, “Today, I had my consultation with Dr. Allan Dampil, my endocrinologist, as we continue to address my thyroid condition. This journey has reminded me that listening to our bodies and seeking the right medical care is an act of self-love, not weakness.

“To everyone who has been praying for me, checking in on me, and sending messages of encouragement, thank you from the bottom of my heart. Your prayers and kindness truly mean so much to me.”

Kung may gusto raw siyang i-share, “Don’t ignore the signs your body is giving you. Early consultation and proper treatment can make a world of difference.

“Trust the process, trust your doctors, and above all, trust God’s perfect timing. One step at a time toward better health.”

Maraming kaibigan at press friends ang nagkomento at nagdasal para sa maaga niyang paggaling.

Mensahe ng netizens…

“Sobrang diet po, Ma’am Aiko Melendez, ang dahilan ng iyong FT3 (Free Triiodothyronine) issue. Kaya nagkaproblema ka sa thyroid. Napansin ko kasi na namayat ka nang sobra. Nu’ng nagkita tayo nu’n ay maayos naman ang iyong katawan. God bless your health.”

“Konsehal Aiko Melendez, nakaka-inspire po ang inyong katatagan at pananampalataya. Bilang isa rin pong may hyperthyroidism, nauunawaan ko ang pinagdaraanan ninyo.

Patuloy akong nananalangin na gabayan ng Panginoon ang inyong mga doktor at maging maganda ang lahat ng resulta. Salamat sa pagpapaalala sa ating lahat na pahalagahan ang ating kalusugan at ‘wag ipagwalang-bahala ang mga senyales ng ating katawan. Patuloy po kayong pagpalain at bigyan ng ganap na kagalingan. God is good!”

“May God heal you from the top of your head to the soles of your feet. I, myself, underwent medical treatment for a thyroid problem 20 years ago. Trust in the healing power of God.”

“Meron ka pang mission in your public service. GOD BLESS!”

---

Mahigit 10 taon na pala ang relasyon nina Jake Vargas at Inah de Belen, at 5 yrs. naman silang magka-live-in. 

Ayon sa aktor, mas tumibay pa ang pagmamahalan nila sa paglipas ng panahon.

Sa Fast Talk with Boy Abunda, inamin ni Jake na hindi nawala ang pagmamahal niya kay Inah at lalo niyang inirerespeto ang partner at ang pamilya nito.

Ayon kay Jake, natural lang na nangyari ang pagli-live-in nila ni Inah at si Janice de Belen ang nag-suggest ng ganitong setup upang mas makilala nila ang isa’t isa.

Tungkol sa kasal, sinabi ni Jake na madalas ay si Inah ang nagtatanong kung kailan sila magpapakasal.

Ang lagi niyang sagot ay “Mangyayari.”

Dagdag pa niya, ayaw nilang madaliin ito at gusto nilang pareho silang handa kapag dumating ang tamang panahon.

Inilarawan naman ni Jake si Inah bilang kanyang ‘pahinga’ at ‘kaligayahan’ at sinabi niyang pakiramdam niya ay may kulang kapag wala ito sa tabi niya.

---

IBINAHAGI ni Mika Salamanca sa kanyang Instagram (IG) ang naging paglahok niya sa isang feeding program para sa mga batang may malnutrisyon sa Helping Land, Tondo, Maynila.

Sey niya, “Yesterday was one of those days na alam kong ‘di ko makakalimutan.

“Alam ko namang may malnutrition. We hear about it all the time. Pero seeing it with my own eyes was a completely different experience.

“Meeting these kids, seeing them underweight, some of them without slippers... Ang sakit pala talaga sa puso. It made me realize how many things we take for granted every single day.”

Ayon pa kay Mika, hindi lamang ito isang araw na outreach activity. Layunin ng programa na tuluy-tuloy na matulungan ang mga bata sa pamamagitan ng pagbibigay ng masustansiyang pagkain at gatas, paglalaan ng gamot at regular na pagmo-monitor sa kanilang kalusugan, pamimigay ng tsinelas at school supplies, at patuloy na suporta sa mga pamilya ng mga benepisyaryo.

Ibinahagi rin ni Mika na naging makabuluhan ang karanasang ito para sa kanya.

Marami ring netizens ang nagpahayag ng paghanga sa young actress-singer dahil sa paggamit niya ng kanyang plataporma upang suportahan ang isang programang naglalayong magbigay ng pangmatagalang tulong sa komunidad.

Sey pa ni Mika, “I left Tondo with a heavy heart.”

“‘Di dahil nawawalan ng pag-asa, but because I realized this is happening around us every single day. We know it exists, but sometimes it doesn’t get the attention it deserves until we're standing right in front of it.”

Panawagan pa niya, “If you're in a position to help, even in a silent way, please do. You don’t have to change the whole world, but you can absolutely help change someone’s world.

“To the kids we met, thank you for reminding me what resilience looks like.”

Pinasalamatan din niya ang mga taong tumutulong sa feeding program para sa mga batang may malnutrisyon.

Aniya, “Thank you. The work you do matters more than words can ever express.”

Pinuri ng mga netizens ang kababaang-loob ni Mika.

“Thank you, Miks, for this. Nakaka-inspire and please continue doing this.”

“Our big winner with a big, big heart.”

“Thank you for your voice.”

“Your kindness and genuine heart inspire so many people. Continue to be a blessing to others, and may God continue to shower you with more blessings beyond your prayers and expectations.”

“Ang ganda ng puso mo, Mika.” 

Kung si Sen. Robin, tameme sa hirit ng aktres… ROMMEL, APRUB SA BANAT KAY ANGEL, NA-REAL TALK DAW

ni Beth Gelena @Bulgary | July 18, 2026

Photo: FB ROMMEL PADILLA

May naging reaksiyon ang kapatid ni Sen. Robin Padilla na si Rommel Padilla sa patutsada ni Angel Locsin sa aktor-senador.

Naging usap-usapan sa social media ang pag-share ni Rommel sa post ng isang netizen na direktang pumupuna at sumisita sa aktres dahil sa kanyang naging pahayag laban sa senador.

Sa kanyang FB account, matapang na nanawagan si Angel hinggil sa usapin ng red-tagging, kung saan sinumbatan niya si Robin kung bakit ‘di siya ipinagtanggol sa akusasyon sa kanya gayung alam daw nito ang totoo.   

Iginiit din niyang hindi na ito ang dating Robin Padilla na kanyang nakilala.

“Ang tanong ko lang, nasaan ka nu’ng panahong nire-red-tag ako kahit alam mong ‘di totoo? Actually, kasama mo pa nga at ka-chika-han ‘yung mga nangre-red-tag,” sey ni Angel kamakailan.

“Tama na, Kuya. Gising na. ‘Di pa huli ang lahat,” diin pa ng aktres.

Isang netizen ang bumanat kay Angel at sinabing tila pinipili lamang ng aktres ang mga isyung ginagamit nito para makapag-ingay. 

“Nag-ingay si Angel Locsin sa issue ni Robin pero tahimik s’ya sa baha, nakawan at flood control. Angel, ‘yung ipinagtanggol ni Robin, ibinoto ng 32 milyon vs. pansarili mong issue. Akala ko, matalino ka, pang-Darna ka lang pala talaga. Ding, ang bato!” ayon sa post ng netizen.

Ini-reshare ni Rommel ang post sa kanyang opisyal na Facebook (FB) account na may kalakip na simpleng caption na tila sumasang-ayon sa naging kritisismo laban sa aktres.

Sey ni Rommel, “#ReaLTaLK.”

Sa kabila ng mabilis na pagkalat ng kanyang post at mga reaksiyon ng publiko, wala pa ring inilalabas na opisyal na pahayag si Sen. Robin hinggil sa mga naging banat ni Angel laban sa kanya.

---

‘Di pa raw dyowa, nanliligaw pa lang…

DUSTIN, NEVER SAY DIE KAY BIANCA

KAHIT na anong piga ni Boy Abunda, ayaw pang umamin nina Dustin Yu at Bianca de Vera sa tunay nilang relasyon. 

Guest kasi sila sa programa ng King of Talk noong Hulyo 16 na Fast Talk with Boy Abunda (FTWBA).

Inamin ng aktres na mahalaga sa kanya si Dustin at sinabi niyang nagbibigay ito sa kanya ng kapanatagan.

Sinabi naman ng aktor na gusto niyang dahan-dahang buoin ang kanilang samahan at mas kilalanin pa si Bianca.

Well, tinanong din sila ni Kuya Boy tungkol sa mga fans na nahahati sa DusBia (Dustin at Bianca) at WillCa (Will Ashley at Bianca).

Ayon sa aktres, hindi niya tinitingnan ang dalawang tandem bilang magkatunggali at nagpapasalamat siya sa suportang natatanggap niya mula sa parehong fan groups.

Pareho rin nilang sinabi na nais nilang unahin ang kanilang mga proyekto habang hinahayaang kusang umunlad ang kanilang personal na relasyon.

Samantala, napasok din ang pangalan ni Ivana Alawi sa kanilang panayam.

Ano ba ang totoo kina Dustin at Ivana?

Ayon sa young actor, wala naman daw isyu tungkol sa kanilang dalawa ng aktres.

Sagot ni Dustin, “Nagkaroon lang po kasi ng pagsi-ship ng mga netizens sa amin ni Ivana habang magkasama kami sa Pinoy Big Brother Celebrity Collab Edition bilang house guest. May chemistry daw po kami.”

Nakabuo siya ng magandang samahan kay Ivana dahil sa kanilang natural na kulitan at chemistry. Wala pa raw noon si Bianca.

Siyempre, tinanong ng TV host kung crush niya si Ivana.

Sey niya, “Hindi po. Naaaliw po kasi ako sa kanya ‘pag napapanood ko s’ya.”

Dahil dito, nabuo ang tambalang DustVan (Dustin + Ivana), at marami ang nagsimulang mag-edit at mag-post ng kanilang sweet moments sa social media.

Nang makalabas si Ivana sa PBB house, sinabi niyang nakita niya ang mga edits ng fans at pabirong sinabi, “Kinikilig s’ya, kinikilig din ako.” 

Lalo pang kinilig ang mga fans nang i-follow ni Ivana si Dustin sa Instagram (IG) at nangakong iimbitahan niya ito sa isa sa kanyang mga vlogs.

Pagkatapos ng PBB, nagkaroon naman ng mas malapit na samahan sina Dustin at Bianca. Lumipat naman ang atensiyon ng mga fans sa tambalang DustBia. Hanggang sa lagi na silang magkasama sa bawat lakaran.

Kaya ang tanong ni Kuya Boy ay kung magdyowa na nga ba sila, na pareho naman nilang itinanggi.

Pero inamin naman ng rumored celebrity couple na espesyal sila sa isa't isa.

Sabi nga ni Dustin, “Patuloy ko s’yang liligawan, ‘di ako susuko at seryoso ako kay Bianca.”

Wika pa niya, “Hanggang dulo ng panahon ang panliligaw ko kay Bianca.”

O, ‘di ba, nakakakilig? Sana all!

After ng secret civil wedding… BEA AT VINCENT, MAY BONGGANG CHURCH WEDDING

ni Beth Gelena @Bulgary | July 17, 2026

Photo: IG _beaalonzo

Hindi lang sa balita naging opisyal ang kasalan nina Bea Alonzo at Vincent Co dahil pati ang Wikipedia entry ng aktres ay pinalitan na ang kanyang legal name.

Agad itong napansin ng mga netizens na ang real name ni Bea Alonzo ay ginawa nang Phylbert Angelli Ranollo Fagestrom-Co matapos silang ikasal ng businessman na si Vincent Co nu’ng July 13, 2026.

Samantala, inaabangan na ang bonggang kasal sa simbahan dahil ito ang hula kay Bea nu’ng 2021, after ng secret civil wedding, bonggang church wedding ang kasunod.

---

BFF nila, pakialamera raw…

ANGELICA, KINAMPIHAN SI KIM KESA KAY BELA

DEKADA na ring magkakaibigan sina Angelica Panganiban, Bela Padilla at Kim Chiu, na mas kilala bilang AngBeKi.

Napansin ng maraming fans na wala si Bela sa carousel of photos and videos na ibinahagi ni Angelica sa Instagram (IG) bilang pasasalamat sa mga taong naging mahalagang bahagi ng kanyang masaya at magandang buhay.

Dahil dito, maraming netizens ang nagtatanong kung may nangyari bang tampuhan o kung maaayos pa rin ang kanilang samahan.

Sey ng mga netizens:

“Ang pagkakaibigan ng mga babae ay maaaring maging kumplikado minsan. Kung medyo maliit na problema, mas mainam na bigyan ito ng espasyo kaysa palalain ang sitwasyon.”

“Sana nga, simpleng tampuhan lang, ‘di ba? I really think Bela crossed some boundaries with her know-it-all approach sa interviews kasi naikuwento pa n’ya ‘yung personal ni Kimmy sa promo n’ya before. It could be without consent, pero nasobrahan s’ya when it’s not her story to tell.”

“Sana, matuto na si Bela na ‘wag pangunahan ang ibang tao sa sarili nilang sitwasyon at mag-know-it-all…”

“Tanungin dapat si Bela kung bakit kailangan pa n’yang i-divulge ‘yung personal info tungkol kay Kim during a promo interview for her project. Si Angelica nga, na-ask din before, but she knows how to set boundaries and respect Kim’s privacy, without turning personal matters into talking points for clout or publicity. 

“Kung true friend talaga ang tingin ni Bela kay Kim, ‘di dapat pinangunahan o in-entertain ang mga personal na tanong. Kung ito ay personal na kuwento ng ibang tao, hayaan silang magbahagi nito mismo kung at ‘pag handa na sila!”

“Naku, wala bang self-awareness si Bela pagdating sa interviews? ‘Di na rin naman s’ya newbie para ‘di ma-realize kung paano mate-take ng tao ang mga sinasabi n’ya. O baka gusto lang mag-trend to gain more attention sa media? Sayang talaga ang AngBeKi kung lumala ang away nila.”

“Sisihin si Tito Boy. Si Bela lang ang ini-interview, idinamay pa si Kim Chiu na wala naman du’n at mukhang iwas na magpa-interview tungkol sa personal n’yang buhay.”

“Baka kinampihan ni Angge si Kim kasi mukhang kay Kim lang may atraso si Bela.”

“‘Di rin natin sure. Malakas din ang personality ni Angge, pero mukhang nag-mature na s’ya. Actually, silang tatlo naman, mukhang classy ang approach sa mga ganitong bagay. As much as possible, inilalayo nila sa press ang anumang issues. Baka puwede pa itong maayos eventually.”

“Kahit BFF ni Bela na si Dani (Barretto), ‘di na rin bumabati at wala nang recent pics together.”

“Very wrong naman kasi si Bela. ‘Wag n’yang sabihin na ‘di naman big deal ang pag-freeze ng eggs ni Kim. Logic dictates that this shouldn’t be coming from you. It’s not your story to tell. Bakit ba may mga ganyang friends na napakapakialamera? Kaya deserve n’ya na layuan s’ya ng AngKi (Angge at Kim).”

“Wala kaming pakialam kay Angelica. Imbes na pagbatiin sina Kim at Bela, sulsol pa s’ya kay Kim. Way to go, Angge!”

“Malay mo naman, ginawa na n’ya ‘yan, kaso ayaw ni Kim.”

Ganern?