P92.8M ang kaso sa flood control... Bong, laya sa P1M

ni Mervin Reyes @News | August 1, 2026

Photo: File

Pansamantalang makakalaya si dating Senador Ramon "Bong" Revilla Jr. matapos pagbigyan ng Sandiganbayan Third Division ang kanyang petisyon para sa piyansa kaugnay ng kinakaharap niyang kasong malversation.

Ayon kay Dennis Pulma, Clerk of Court ng Third Division, pinaboran ng korte ang aplikasyon ni Revilla para sa piyansa, ngunit ibinasura ang kahalintulad na kahilingan ng iba pa niyang mga kapwa akusado.

Itinakda ng korte ang piyansa ni Revilla sa P1 milyon.

Nahaharap si Revilla at ang kanyang mga kapwa akusado sa non-bailable na kasong malversation kaugnay ng umano'y ghost project na nagkakahalaga ng P92.8 milyon sa bayan ng Pandi, Bulacan.

Matatandaang paulit-ulit nang itinanggi ni Revilla ang anumang pagkakasangkot sa naturang anomalya at iginiit na wala siyang pananagutan sa sinasabing iregularidad.

Sa kabila ng pagpayag ng Sandiganbayan sa kanyang piyansa ay magpapatuloy pa rin ang paglilitis sa kaso, at ang pagbibigay ng piyansa ay hindi nangangahulugang napawalang-sala na siya sa mga ibinibintang laban sa kanya.

Baka raw tumakas tulad ni Sen. Bato... HIRIT NI BONG NA DUMALAW SA PATAY NA UTOL, TABLADO

ni Julie Bonifacio @Winner | July 8, 2026

Photo: File / Circulated

Sad for sure si former Sen. Ramon ‘Bong’ Revilla Jr. sa pagkaka-deny ng request niya na pansamantalang makalabas ng kulungan.

Nais sanang lumabas ng kulungan ni Bong para makapunta sa wake ng pumanaw niyang kapatid na si Jojo Bautista.

Ang Sandiganbayan Third Division ang nagdesisyon na huwag pagbigyan ang request ng dating senador.

Todo-reak naman agad ang mga netizens sa mga latest news kay Bong.

“‘Yan na naman ‘yung special requests na ‘yan!”

“Dapat lang, no special treatment nga naman.”

“No special treatment!”

“Very good! Baka ‘pag lumabas, mag-ala-Bato.”

“Ay, dapat lang! Baka itakas din ni Robin.”

“OMG, who said that??”

“‘Di pa naman convicted. They should have been more humane.”

Nahaharap si Bong sa kasong malversation at graft dahil sa diumano’y ghost flood control projects.

---

MATAGUMPAY ang ginanap na selebrasyon para sa ika-30 taon ng mega hit song ni Renz Verano na Ibang-Iba Ka Na. It was celebrated via a grand show sa Tanghalang Pasigueño last June 23.

Ang pagdiriwang ay pinangunahan ng mismong composer na si Evelyn Bruce.

“It’s a blessing, blessing po ‘yan na galing sa Itaas. Lahat po ‘yan ay galing sa Kanya, sa Diyos. And I’m very happy, of course, very blessed. I can sing it in the same key as I did 30 years ago. Sana nga ho, tuluy-tuloy,” pahayag ni Renz pagkatapos ng show.

Inamin ni Renz na malaki na ang kinita niya sa awiting ito.

“‘Pag may hit ka, dadalhin mo na ‘yun throughout your career. At ako ay masuwerte at meron akong mga hit. Marami. Oo, marami po,” diin ni Renz.

Sobrang pasasalamat ang ibinigay ni Renz kay Evelyn, na ngayon ay may sarili nang singers under her talent management, ang EBQ Music Production.

“Well, maraming-maraming salamat kay Evelyn (Bruce), composer ng Ibang Iba Ka Na. Up to now, simula nu’ng magkita kami sa first show we did together sa Saipan, 1993 or 1996, aba, eh, lagi na niya akong kinukuha. ‘Di n’ya ako nakakalimutan sa mga raket. Kaya maraming-maraming salamat, Evelyn. Maraming-maraming salamat sa napakagandang komposisyon,” pasasalamat ni Renz.

May special performance rin ang EBQ talents sa 30th anniversary ng Ibang Iba Ka Na. Ilan sa kanila ay ang mga batang sina Aerwyna Pearl, Robby Diesta, at Lyndon McLain. Ang tatlong nabanggit na artists ng EBQ Music Production ay nakatanggap din ng award bilang Most Influential Filipino Asian Award.

Si Aerwyna ay walong taong gulang. Nakagawa na siya ng album titled Everyday I Thank You, na composed nina Evie Quintua at Baby Salvanera. Record producer naman si Nicasio Quintua.

May kasamang anim na kanta, kabilang ang kanyang debut single na siya ring title ng kanyang album.

Sa huli, nagbigay ng mensahe si Renz sa mga batang artists ng EBQ Music Production.

“Well, ‘pag meron kang pangarap sa buhay, ‘wag mong tigilan. Uh, meron akong formula r’yan. Patience and prayers. ‘Pag matiyaga ka sa iyong ginagawa at ‘pag sigurado ka na gustung-gusto mo, makakamit mo ‘yan. Sasabayan mo lang ng dasal,” lahad ni Renz.

Bongga!

Piyansa, pag-aaralan pa — Sandiganbayan... Bong, kulong pa rin

ni Jeff Tumbado @News | June 6, 2026

Photo: File / Circulated

Humiling ang 3rd Division ng Sandiganbayan ng karagdagang 30 araw upang suriing maigi ang inihaing petisyon para sa piyansa ni dating Senador Ramon 'Bong' Revilla Jr.

Ang nasabing kahilingan ay ginawa sa mismong araw na magtapos ang unang 30-araw na palugit na itinakda ng korte para repasuhin ang mga rekord at ebidensya kaugnay ng kaso.

Ipinaliwanag ng 3rd Division na sa halip na agad maglabas ng desisyon ay kinakailangan pa nito ng karagdagang panahon upang lubusang mapag-aralan ang mga dokumento at iba pang mahahalagang detalye bago magpasya sa kahilingan ni Revilla.

Dagdag pa ng korte na ang petisyon para sa piyansa ay mahalagang bahagi ng proseso ng paglilitis, lalo na sa mga kasong may mabibigat na uri ng akusasyon.

Sa ilalim ng batas, kinakailangang timbangin ng korte ang malakas na ebidensiyang iniharap ng prosekusyon upang matukoy kung may sapat na batayan para pagkalooban o tanggihan ang kahilingan sa piyansa ng akusado.